Verið er að skoða hvort taka eigi upp nýja aðferð við fósturskimun á Landspítalanum, LSH, svokallaða NIPT-aðferð.
Þar er hægt með blóðprufu úr móður að greina ýmis litningafrávik í fóstri, eins og til dæmis þrístæðu 21 sem veldur Downs-heilkenni, fyrr en nú er hægt.
Þá er með NIPT einnig hægt að greina kyn fóstursins fyrr á meðgöngu en með núverandi aðferð við fósturskimun. Í umfjöllun um mál þetta í Morgunblaðinu í dag segir Þórdís Ingadóttir, lögfræðingur og formaður Félags áhugafólks um Downs-heilkennið, að ýmsum siðferðilegum spurningum þurfi að svara áður en ný aðferð verði tekin upp.