Á bólakaf við Reynisfjöru

Konan nær að standa í fyrstu eftir að aldan skellur ...
Konan nær að standa í fyrstu eftir að aldan skellur á henni en veifar eftir aðstoð. Ljósmynd/ Kristján Guðmundsson

Meðfylgjandi myndum náði Kristján Guðmundsson við Reynisfjöru þann 1. febrúar síðastliðinn. Á þeim sést erlendur ferðamaður lenda í sjálfheldu eftir að hafa misreiknað kraft hafsins. Kristján birti myndirnar á Facebook hópnum Bakland Ferðaþjónustunnar. Segir hann nokkra ferðamenn hafa lent í sjálfheldu í fjörunni þennan dag og að konan á myndunum hafi ekki verið sú sem lenti í mestri hættu. 

Segir hann konuna hafa misreiknað ölduna sem kom þrátt fyrir „fyrirlestur“ um hættuna. 

Nokkrum andartökum seinna fóru allavega tveir aðrir í "þvottavélina" þrátt fyrir að vera vitni að þessu atviki sem ég myndaði,“ skrifar Kristján.

Í samtali við mbl.is segir Kristján, sem er bílstjóri hjá Snæland Grímsson, daginn hafa verið óvenjuslæman. „Við fréttum af einum ferðamanni sem var bjargað úr volki við ströndina stuttu áður en við komum,“ segir Kristján og bætir við að um alvarlegt, viðvarandi vandamál sé að ræða.

Aldan náði konunni niður og er mesta mildi að hún ...
Aldan náði konunni niður og er mesta mildi að hún hafi ekki verið rifin á haf út. Ljósmynd/Kristján Guðmundsson

Sagðist hann hafa verið með 20 manna hóp í fjörunni og að vanda hafi verið brýnt fyrir ferðamönnunum að gæta að sér. Segir hann erfitt að passa upp á fólk í fjörunni, fólk gleymi sér í því að taka myndir en svo komi ein og ein alda sem er stærri. 

„Það voru fjórir eða fimm sem blotnuðu almennilega þennan dag,“ segir Kristján. „Og þá erum við ekki að tala um að blotna í fæturna heldur mitti eða meira.“

Kristján hefur verið gagnrýndur á fyrrnefndum Facebook hóp fyrir að hafa ekki aðstoðað konuna heldur fest hana á filmu. Kristján segir myndirnar hinsvegar teknar með aðdráttarlinsu. Hann hafi farið með leiðsögumanninum að taka myndir og hjálpa til við að halda utan um hópinn þar sem brimið var svo mikið. Hann hafi verið ofarlega í fjörunni og vestan við konuna, um 200 metra frá en leiðsögumenn hafi verið nálægt að líta eftir ferðafólkinu og fljótir á vettvang.

Kristján náði fleiri myndum sem sýna ferðakonuna í háska og hvernig henni var komið til bjargar. Þær má sjá með því að smella hér.

Öldruð kona drukknaði við Reynisfjöru árið 2007 og síðan þá hafa fjölmargir lent í lífsháska í fjörunni.

Frétt mbl.is: Brimaldan sogaði konuna á haf út

Ljósmynd/Kristján Guðmundsson

 Uppfært: 22:18

Upprunalega stóð að Kristján hefði setið í bíl og tekið myndirnar en sú staðhæfing var á misskilningi byggð og hefur nú verið leiðrétt í fréttinni.

mbl.is

Innlent »

Annríki hjá slökkviliðinu vegna vatnsleka

Í gær, 23:58 Mikill fjöldi vatnslekamála kom upp í dag og byrjuðu þau við þá miklu rigningu sem hófst um miðjan dag. Vatnstjónsmálin fóru að koma inn á borð slökkviliðsins upp úr klukkan 15 og þegar Morgunblaðið hafði samband við slökkviliðið klukkan 23:00 voru þeir enn að í einu málinu. Meira »

Mótfallin byggingu sjúkrahúss í Mosfellsbæ

Í gær, 23:19 Íbúahreyfingin tekur einarða afstöðu gegn byggingu sjúkrahúss og sjúkrahótels við Sólvelli í Mosfellsbæ og telur að skynsamlegra hefði verið að leggja þverfaglegt mat á verkefnið fyrirfram. Þetta kemur fram í yfirlýsingu sem Íbúahreyfingin sendi frá sér núna í kvöld. Meira »

„Ég get ekki annað en verið sáttur“

Í gær, 21:49 „Ég get ekki annað en verið sáttur við árangurinn,“ segir Björgvin Karl Guðmundsson sem hafnaði í áttunda sæti í einstaklingsflokki karla á heimsleikunum í crossfit sem lauk í gærkvöldi. „Að lenda í topp tíu á svona risamóti er nokkuð sem maður getur ekki verið annað en sáttur við.“ Meira »

Landaði draumastarfinu

Í gær, 21:22 Jóhann Ólafur Sigurðsson skrifaði fréttir um íslenska landsliðið í knattspyrnu inn á vef UEFA á meðan Evrópumótið í knattspyrnu stóð yfir í Frakklandi. Jóhann er fv. markvörður Selfoss og spilaði m.a. með Jóni Daða Böðvarssyni í 1. deildinni fyrir aðeins nokkrum árum. Meira »

Pokémon-æskudraumurinn rættist

Í gær, 20:59 Vinsældir Pokémon-GO-leiksins hafa líklega ekki farið framhjá mörgum en um allan bæ má sjá fólk með síma á lofti að veiða pokémona. En hvað er svona sérstakt við þennan leik? mbl.is fór á stúfana og kannaði hvað pokémonþjálfarar í bænum höfðu um það að segja. Meira »

Þyrla Gæslunnar á ótrúlegri brúðarmynd

Í gær, 20:53 Brúðkaupsljósmyndarinn CM Leung fangaði heldur betur stórfenglegt augnablik þegar honum tókst að ná mynd af hvítklæddri brúði á svörtum sandi, með þyrlu Landhelgisgæslunnar svífandi yfir. Meira »

Úrkomumet á einni klukkustund

Í gær, 19:21 Met var slegið er það rigndi 10,2 mm í sjálfvirku stöðina sem stendur á reit Veðurstofu Íslands við Bústaðaveg á milli klukkan þrjú og fjögur í dag. Að sögn Elínar Bjarkar Jónasdóttur, veðurfræðings á vakt, hefur ekki rignt jafnmikið í sjálfvirku stöðina á einum klukkutíma frá því að stöðin var sett upp í kringum 1998. Meira »

Gaman að tala saman á nördamáli

Í gær, 20:10 Sigurlaug Lísa Sigurðardóttir og Pálmar Tjörvi Pálmarsson útskrifuðust með glans, hvort frá sínum kvikmyndaskólanum í Vancouver í Kanada fyrir tveimur og hálfu ári. Þar eru þau enn og hafa nóg að gera, hún í tæknibrellum, hann í hreyfimyndagerð. Hún snurfusar bakgrunna, hann tölvuteiknar atriði og atburðarás í þrívídd. Og margt fleira. Meira »

Börðust fyrir bílnum í mörg ár

Í gær, 19:18 Foreldrar níu ára fatlaðs drengs vanda Sjúkratryggingum Íslands ekki kveðjurnar og segja stofnunina hafa gert í því að tefja fyrir kaupum á sérstakri bílalyftu. Drengurinn er með svokallaða CP-hömlun sem í hans tilfelli lýsir sér í mjög lágri vöðvaspennu, þroskaskerðingu og flogaveiki. Meira »

Margir persónulegir sigrar

Í gær, 17:58 Líkt og þekkt er orðið varði Katrín Tanja Davíðsdóttir titilinn hraustasta kona heims á heimsleikunum í crossfit sem lauk í gærkvöld. Hún fær að launum töluvert verðlaunafé en byssan umdeilda, sem átti að vera hluti verðlaunanna, fellur þó ekki í hennar hlut. Meira »

Þýska sendiráðið vottar samúð sína

Í gær, 17:54 Staðgengill sendiherra Þýskalands á Íslandi, Diane Röhrig, vonast til að atburðir eins og þeir sem hafa gerst í Þýskalandi að undanförnu, þar sem þrjár árásir hafa verið gerðar á skömmum tíma, muni ekki endurtaka sig. Meira »

Fjórtán slösuðust í umferðinni

Í gær, 17:50 Fjórtán vegfarendur slösuðust í umferðarslysum á höfuðborgarsvæðinu í síðustu viku. Í Facebook-færslu lögreglu segir að illa gangi að fækka slysum og það sé áhyggjuefni. Þar segir einnig að fjöldi reiðhjólaslysa veki athygli en næstum þriðjungur slysanna í síðustu viku voru reiðhjólaslys. Meira »

„Skilur af hverju hann var handtekinn“

Í gær, 17:17 Karlmaðurinn sem handtekinn var og úrskurðaður í gæsluvarðhald, grunaður um aðild að morðinu á Íslendingi í Stokkhólmi, heldur fram sakleysi sínu. Þetta segir lögmaður mannsins í samtali við sænska dagblaðið Expressen. Meira »

121 tók þátt í Urriðavatnssundi

Í gær, 16:38 Alls tók 121 keppandi þátt í Urriðavatnssundi um helgina. Þar af voru 118 skráðir í Landvættasund, sem eru 2,5 kílómetrar. Alls luku 100 manns því sundi, eða 61 karl og 39 konur. Meira »

Sáu 580 seli

Í gær, 15:20 Í ár sáust alls 580 selir í selatalningunni miklu. Það er meira en síðustu tvö ár, en þó minna en árlegt meðaltal hefur gefið til kynna. Meira »

Hvattir til að deila íslensku efni

Í gær, 16:54 „Kæru notendur Deildu. Mig langar að biðja ykkur um að deila inn öllu íslensku efni sem þið mögulega getið. Allt sem þið finnið/eigið endilega setjið það inn á síðuna. Sýnið að við erum öll Pirates Yarr!“ Þannig hljóða skilaboð sem birt eru á áberandi stað efst á skráaskiptasíðunni Deildu.net. Meira »

Fjórir háskólar hafa áhuga á lögreglunáminu

Í gær, 15:34 Fjórir háskólar sendu inn þátttökutilkynningu í auglýstu ferli Ríkiskaupa um lögreglunám á háskólastigi. Eru það Háskólinn á Bifröst, Háskólinn á Akureyri, Háskóli Íslands og Háskólinn í Reykjavík. Meira »

Fer á fullt í stjórnmálabaráttunni

Í gær, 14:54 „Við Íslendingar stöndum á miklum tímamótum eins og svo margar aðrar þjóðir. Ákvarðanir sem teknar verða á næstu misserum munu ráða úrslitum um hvernig samfélagið þróast til framtíðar,“ segir Sigmundur Davíð Gunnlaugsson, formaður Framsóknarflokksins og fyrrverandi forsætisráðherra, í bréfi sem hann hefur sent flokksmönnum. Meira »
Holy Camp 1998
Virkilega vel með farin Holy Cam tjaldvagn 1998 árg. Fortjald fylgir með. Tilboð...
Vatnshrúturinn - Pípulagnaþjónusta
Pípulagnameistari getur tekið að sér ýmiskonar pípulagnavinnu. Upplýsingar gefur...
STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature;=channel Facebook > Me...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...