Ekki verður farið fram á áframhaldandi gæsluvarðhald yfir karlmanni sem er grunaður um að hafa kveikt í Hótel Ljósalandi í Saurbæ í Dalabyggð aðfararnótt 31.janúar.
Maðurinn var úrskurðaður í gæsluvarðhald 1. febrúar síðastliðinn og rennur það út á morgun.
Laust fyrir klukkan fimm að morgni 31. janúar barst tilkynning um að ölvaður maður gengi berserksgang við Hótel Ljósaland og fór lögregla á vettvang. Um hálftíma síðar barst tilkynning um að eldur væri laus í byggingunni og var slökkvilið kallað út.
Maðurinn var handtekinn á staðnum og færður í fangaklefa.