Rósa Ingvarsdóttir, formaður Kennarafélags Reykjavíkur, segir að áhyggjur grunnskólakennara í Reykjavík vegna yfirstandandi skólaárs séu miklar.
Trúnaðarráðsfundur grunnskólakennara í Reykjavík, haldinn í síðustu viku, lýsti yfir þungum áhyggjum af fjárhagsstöðu grunnskólanna í Reykjavík.
„Okkar áhyggjur snúast ekki bara um þann niðurskurð sem er verið að undirbúa að hrinda í framkvæmd nú, heldur snúa þær að því að grunnskólarnir í Reykjavík standa mjög illa fyrir þennan niðurskurð,“ segir Rósa í umfjöllun um áhyggjur kennara í Morgunblaðinu í dag.