Viðgerð á Samskip Hoffelli er að ljúka og er stefnt að því að skipið hefji aftur siglingar 15. febrúar næstkomandi.
Talið er að sprunga hafi komið í þilfar skipsins í miklu óveðri. Það olli því að sjór komst í eldsneyti og er það talin helsta ástæða þess að allar vélar skipsins stöðvuðust.
Guðmundur Þór Gunnarsson, framkvæmdastjóri millilandasviðs Samskipa, sagði að taka hefði þurft ljósavélar skipsins upp. Skip var tekið á leigu í staðinn fyrir Samskip Hoffell og var tíminn nýttur til að dytta að ýmsu um borð.