Heppinn lottóspilari er tæplega 300 milljónum króna ríkari eftir að tölurnar lágu fyrir í Eurojackpot í kvöld. Hlaut hann annan vinning óskiptan. Vinningsmiðinn var keyptur í borginni Leipzig í Þýskalandi.
Þriðji vinningurinn gekk einnig út en hann gaf 53,6 milljónir í aðra hönd. Miðinn var keyptur í Finnlandi.
Enginn var hins vegar með fyrsta vinninginn sem hljóðaði upp á rúmlega tvo milljarða króna.