Kynnir pöddur með íslenskum heitum

„Ég lít svo á að það sé mitt hlutverk öðrum fremur að kynna kvikindin með íslenskum heitum. Það gerir þau mun aðgengilegri fyrir þá sem vilja fræðast.“

Þetta segir Erling Ólafsson, sérfræðingur í skordýrafræði í samtali í Morgunblaðinu í dag.

Meðal verkefna sem hann hefur tekið þátt í er fiðrildavöktun sem hefur farið fram hér á landi frá árinu 1995. Erling hefur gefið hundruðum pöddutegunda íslensk heiti á ferli sínum og brosir út í annað þegar heitin eru notuð eins og þau hafi alltaf verið til.