Maðurinn sem slasaðist alvarlega í Skarðsdal á laugardag er á batavegi. Samkvæmt upplýsingum frá Landspítalanum er hann þó enn á gjörgæslu.
Maðurinn var staddur í um 700 metra hæð þegar hann rann um eitt hundrað metra niður hlíð með þessum slæmu afleiðingum. Fyrst um sinn var hann í öndundarvél en losnaði úr henni í byrjun vikunnar.
Frétt mbl.is: Maðurinn kominn úr öndunarvél
Kona var með manninum í fjallgöngunni og slasaðist hún nokkuð. Hryggjarliðir brotnuðu, rifbein brákuðust, auk þess hún fékk skurði og marðist.
Aðstæður á slysstað voru erfiðar og tafsamt var fyrir björgunarsveitir að komast á vettvang. Þyrla Landhelgisgæslunnar flutti fólkið á Landspítalann.