Hæg atburðarás undir Bárðarbungu

Páll Einarsson.
Páll Einarsson. mbl.is/Ómar

Atburðarásin undir Bárðarbungu er hæg og svo virðist sem djúpt sé á henni eða um 10-15 km.

„Þetta veldur því að öll merki sem sjást verða dauf,“ sagði Páll Einarsson, prófessor í jarðeðlisfræði við Háskóla Íslands. „Það er ljóst að skjálftavirkni í Bárðarbungu fer heldur vaxandi. Hún náði ákveðnu lágmarki í haust en hefur vaxið síðan.“ Vegna þess hvað atburðirnir eru djúpt í jörðu dreifist landrisið yfir stórt svæði. Enn eru margir óvissuþættir og jafnvel mótsagnakenndir varðandi það sem virðist vera að gerast í eldstöðinni. Páll sagði að menn séu þess vegna hikandi við að túlka merkin sem berast á mjög afgerandi hátt.

Sama gildir um Bárðarbungu og Heklu að mest er að marka hegðun eldfjallanna til langs tíma.

„Mælingar sem við höfum benda til þess að það hafi verið þensla í Heklu alveg síðan í síðasta gosi árið 2000,“ sagði Páll. Síðasta mæling var gerð í haust og hún sýndi áframhaldandi þenslu. Allt bendir til þess að Hekla hafi verið tilbúin fyrir nýtt eldgos allt frá árinu 2006.

Til eru samfelldar mælingar á landrisi við Næfurholt frá því fyrir eldgosið 1991. Þær sýna að Hekla rís fram að gosi og sígur svo þegar fer að gjósa. Hún fór strax aftur að rísa eftir gosið 1991 og reis fram til ársins 2000. Þá var hún komin í sömu hæð og fyrir gosið 1991. Gosið kom á réttum tíma 2000 og Hekla seig. Hún fór strax að rísa aftur eftir það gos og var komin í svipaða hæð og fyrir gosin 1991 og 2000 árið 2006. Síðan hefur hún risið fram yfir það. Það þarf þó ekki að þýða að næsta gos í Heklu verði stærra en fyrrgreind eldgos, að sögn Páls.

„Hekla er búin að safna í sarpinn og þrýstingurinn nú ætti að vera nægur til að koma gosi upp. Það er eins og það þurfi hálfgerða tilviljun til að koma henni af stað,“ sagði Páll. Hann minnti á að fyrirvarinn á Heklugosum hefði verið allt frá 15 mínútum og upp í 79 mínútur samkvæmt mælingum á upphafi fjögurra síðustu Heklugosa, þ.e. 1970, 1980, 1991 og 2000. Hún geti því gosið hvenær sem er og það með skömmum fyrirvara. gudni@mbl.is

Bloggað um fréttina

Innlent »

Andlát: Sigurður Eymundsson

05:30 Sigurður Eymundsson, rafmagnstæknifræðingur og fyrrverandi umdæmisstjóri Rafmagnsveitna ríkisins, lést mánudaginn 27. júní. Meira »

Vilja reisa sjúkrahús og hótel

05:30 Félagið MCPB ehf. hefur sent bæjaryfirvöldum í Garðabæ og Kópavogi beiðni um viðræður um uppbyggingu einkaspítala og fimm stjörnu hótels. Meira »

Almennir leigjendur í vanda

05:30 Leigjendur eru í erfiðri stöðu vegna hækkandi leiguverðs, sem rekja má til aukinnar eftirspurnar.  Meira »

Vilja taka gæludýrin með í strætó

05:30 Til skoðunar er hjá Strætó bs. að leyfa farþegum að ferðast með gæludýr í vögnunum, en slíkt er bannað í dag.   Meira »

Staða mannréttinda á Íslandi skoðuð

05:30 84 athugasemdir voru gerðar við fyrstu úttekt Sameinuðu þjóðanna á stöðu mannréttindamála hér á landi, en flestar þeirra lutu að fullgildingu samninga eða innlendum eftirlitskerfum. Meira »

Nýtt hótel verði opnað

05:30 Stefnt er að því að opna nýtt hótel í Icelandair-keðjunni á Hljómalindarreitnum um helgina. Þetta segir Ólöf Guðmundsdóttir hótelstjóri í samtali við Morgunblaðið, en hótelið ber nafnið Canopy Reykjavík | City Centre. Meira »

Börnum úr Vesturbænum mest ekið

05:30 Hlutfallslega fleiri grunnskólabörnum úr Mið- og Vesturbænum er ekið í skólann heldur en börnum úr öðrum bæjarhlutum, um 27%. Meira »

Hiti, slappleiki og þrálátur hósti

05:30 Sumarkvefpest hefur að undanförnu herjað á landsmenn. Einkennin eru hár hiti í einn eða tvo daga og þrálátur hósti, að sögn Guðbjargar Sigurgeirsdóttur, heimilislæknis á heilsugæslu Seltjarnarness. Meira »

Utanríkisráðherra og börn með kveðju til Frakklands

Í gær, 22:43 Bæjarhátíðin Írskir dagar var sett á Akranesi með táknrænum hætti í dag. Börn af leikskólum bæjarins mættu á Akratorg og Lilja Alfreðsdóttir, utanríkisráðherra, ávarpaði gesti. Meira »

Mörg þúsund fljúga til Parísar

Í gær, 21:35 Nokkur þúsund Íslendingar fljúga til Frakklands um helgina til þess að styðja við íslensku landsliðsmennina í leik þeirra gegn Frökkum. WOW air áætlar að stuðningsmenn á þeirra vegum telji hátt í þrjú þúsund og Icelandair segir 1.300 farþega fljúga beint til Parísar í þeim tilgangi að styðja liðið. Meira »

Guðni heimsótti forsætisráðherra

Í gær, 21:19 Nýkjörinn forseti Íslands Guðni Th. Jóhannesson heimsótti í dag Sigurð Inga Jóhannsson forsætisráðherra í forsætisráðuneytið. Sigurður Ingi greinir frá þessu á Facebook-síðu sinni í dag. Meira »

Launin hækka um allt að 40%

Í gær, 21:06 Laun ráðuneytisstjóra hækka um mánaðamótin um hátt í 40% samkvæmt nýlegum úrskurði kjararáðs. Laun skrifstofustjóra hækka um 30%. Þetta kom fram í kvöldfréttum Ríkisútvarpsins. Meira »

Eplamaukið gerir kraftaverk

Í gær, 20:37 Í leikhléi á leikjum sínum á EM í knattspyrnu hlaða Íslendingarnir sig orku með því að neyta eplamauks sem framleitt er í grennd við bækistöðvar þeirra í Annecy. Franska útvarpssstöðin segir að þarna sé ef til vill komin uppskrift að góðri frammistöðu Íslendinga á EM. Meira »

Fyrst kvenna forseti Lions

Í gær, 19:30 Guðrún Björt Yngvadóttir hefur verið kjörin 2. varaforseti Lionshreyfingarinnar á heimsvísu á alþjóðaþingi hennar í Fukuoka í Japan. Í samtali við Morgunblaðið segist Guðrún himinlifandi með kjörið, en hún er fyrsta konan sem kosin er til forystu hreyfingarinnar í nær hundrað ára sögu hennar. Meira »

Ný lyf breyta ásýnd krabbameina

Í gær, 18:54 Seinka þurfti krabbameinsmeðferð um tólf sjúklinga á Landspítalanum vegna þess að lyfin bárust ekki á réttum tíma. Lyfin eru ný tegund af krabbameinslyfjum sem örva ónæmiskerfið til að ráðast gegn krabbameinum. Meira »

Berjast fyrir afnámi verðtryggingar

Í gær, 20:14 Flokkur fólksins mun bjóða fram í öllum kjördæmum í komandi Alþingiskosningum. Flokkurinn hefur fengið listabókstafinn F að því er fram kemur í fréttatilkynningu. Flokkurinn berst fyrir hærri framfærslu öryrkja og eldri borgara og afnámi verðtryggingar en haldinn verður kynningarfundur á morgun. Meira »

15 sæti eftir í leiguflugi Grétars

Í gær, 19:26 Selja þarf 15 sæti til viðbótar í leiguflugið á vegum Grétars Sigfinns Sigurðarsonar frá Reykjavíkurflugvelli til Frakklands á næstu klukkutímum til þess að ferðalagið verði að veruleika. Greiða þarf fyrir opnun skrifstofu leiguflugfélagsins í fyrramálið en búið er að selja um 85 sæti af þeim 100 sem eru til sölu. Meira »

Meintur veiðiþjófnaður enn í rannsókn

Í gær, 18:45 Embætti lögreglustjórans á Vestfjörðum er enn með til rannsóknar meintan veiðiþjófnað nokkurra manna í Hornvík á Hornströndum sem sagt var frá fyrr í mánuðinum. Ekki hefur náðst að yfirheyra alla í málinu. Meira »
stálstólar nýklæddir gæða stólar
er með nokkra gæða stálstóla nýtt áklæði á 15,500 kr stykkið sími 869-2798...
EM tilboð á fjarnámskeiði - aðeins 9.900
Fjarnámskeið í ljósmyndum á tilboði. Árgjaldið er núna á EM tilboði til 3. jú...
FASTEIGNAVIÐHALD
Við þjónustum þig með lítil sem stór verk. Tímavinna eða tilboð. sími: 544-44...
EM tilboð á fjarnámskeiði - aðeins 9.900
Fjarnámskeið í ljósmyndun á tilboði. Árgjaldið er núna á EM tilboði til 3. j...
 
Aðstoðarleikskólastjórar
Leikskólakennsla
Stöður aðstoðarleikskólastjóra við Ál...
Skiljuvatnslögn
Tilboð - útboð
ONVK-2016-13/ 25.06.2016 ONV 2014/04 / ...
Framhald
Nauðungarsala
Uppboð Einnig birt á www.naudungarsolu...
Skólastjóri tónlistarskólans
Stjórnunarstörf
Laus störf í Skaftárhreppi Skólastjóri ...