Þótt Vestfirðir séu opinberlega skilgreindir sem „kalt svæði“ er þar að finna töluverðan jarðhita. Haukur Jóhannesson jarðfræðingur hefur unnið að kortlagningu hans.
Hann telur mögulegt að koma upp hitaveitum á flestum þéttbýlisstöðum landsins.Verstu aðstæðurnar eru að hans mati á Austurlandi. Þar eru sprungurnar lokaðar og lítið um jarðskjálfta til að brjóta þær upp til að losa um jarðhitann sem kann að vera undir.
Þá telur Haukur í umfjöllun um þetta efni í Morgunblaðinu í dag, að þungt verði fyrir fæti að finna vatn á utanverðu Snæfellsnesi.