Valsmenn vilja reisa gistihús fyrir leikmenn sína

Knattspyrnufélagið Valur hefur sótt um endurnýjun á byggingarleyfi hjá Reykjavíkurborg fyrir 2. áfanga íþróttamiðstöðvar félagsins að Hlíðarenda.

Um er að ræða 1.000 fermetra í einnar hæðar tengibyggingu og tveggja hæða framlengdu íþróttahúsi með samtals 11 gistieiningum, ásamt aðstöðu fyrir sjúkraþjálfara. Hyggjast Valsmenn nýta þessa gistiaðstöðu fyrir leikmenn sína og þjálfara í fótbolta, handbolta og körfubolta, annaðhvort frá útlöndum eða utan af landi.

Í umsókn til byggingarnefndar er bent á að Valur leigi íbúðir úti um allan bæ fyrir leikmenn og þjálfara, að því er fram kemur í umfjöllun um mál þetta í Morgunblaðinu í dag.

.