„Það varð dauðaslys“

Steinninn sem maðurinn stóð á er fyrir miðju myndarinnar.
Steinninn sem maðurinn stóð á er fyrir miðju myndarinnar. Ljósmynd/Lögreglan

Fjöldi fólks stofnaði sér í voða í Reynisfjöru aðeins örfáum tímum eftir að kínverskur ferðamaður lét þar lífið á miðvikudag. Þetta segir Hjálmar Georgsson leiðsögumaður sem kom á staðinn skömmu síðar. Hann segir eiginkonu og börn mannsins hafa verið í losti.

Hjálmar hefur starfað í sex ár sem leiðsögumaður og rekur fyrirtækið Daytrips.is. Þennan dag fór hann með hóp ferðamanna á sínum vegum í ferð niður að Reynisfjöru en skömmu áður hafði út­hafs­alda sogað ferðamann með sér með þeim af­leiðing­um að hann drukknaði.

Hefur rannsókn lög­regl­unn­ar á Suður­landi síðan leitt í ljós að maður­inn stóð á um 50 sentimetra háum stuðlabergssteini, í nokk­urra metra fjar­lægð frá stuðlaberg­inu í Reyn­is­fjalli, og var þar við mynda­töku þegar aldan greip hann.

Hjálmar segir að hans hópur hafi komið að fjörunni nokkrum andartökum síðar, eða um klukkan hálf ellefu.

Að sögn Hjálmars virðast ferðamenn oft gleyma sér við myndatökur ...
Að sögn Hjálmars virðast ferðamenn oft gleyma sér við myndatökur í fjörunni. mbl.is/RAX

„Selfie“ myndirnar hættulegar

„Ég nota yfirleitt afleggjarann frá þjóðvegi eitt niður að Reynisfjöru til að tala við fólkið mitt, segja því að aldan þarna sé óútreiknanleg, hún sé misstór og að þarna hafi fólk látist,“ segir Hjálmar. Hann bætir við að hann brýni jafnan einnig fyrir fólki að passa sig á svokölluðum „selfie“ tilburðum.

„Þá bakkar það bara á meðan það heldur á símanum og sér ekki nema brot af því sem er að gerast. Það eru þessar selfie myndir sem eru svo hættulegar. Ég segi þeim líka að ég geti ekki passað þau. Ég hef ekki mjög góða reynslu af því að standa yfir fólki öskrandi á það stöðugt. Almennt gengur það ekki vel að passa fólk.“

Eftir að hann hafði sagt skilið við ferðamennina að sinni segir Hjálmar að hann hafi farið inn á veitingastaðinn Svörtu fjöruna, sem reistur var á staðnum sumarið 2014.

„Ég kem þar inn og sé um leið að það er eitthvað alvarlegt á seyði, en þar er fjöldi lögreglumanna ásamt sjúkraflutningamönnum.“

Frétt mbl.is: Aldan skall á stuðlaberginu

Ferðamenn hafa margir átt fótum fjör að launa í Reynisfjöru.
Ferðamenn hafa margir átt fótum fjör að launa í Reynisfjöru. mbl.is/RAX

Áfram stofnaði fólk sér í voða

„Ég bið þar um kaffisopa og spyr afgreiðslukonuna um leið hvort slys hafi orðið. „Já,“ segir hún. „Það varð dauðaslys.“ Þá sný ég mér við og sé að það situr fjölskylda þarna við borð og menn eru að votta henni samúð sína.

Þau voru þrjú þarna við borðið. Kona og tvö börn. Annað barnanna var á unglingsaldri en hitt virtist vera um 12 ára. Þau voru alveg frosin að sjá og maður fann að það var mikið um tilfinningar þarna inni,“ segir Hjálmar.

Hann afréð þá að fara aftur niður í fjöruna.

„Þar eru björgunarsveitarmenn búnir að loka vinstri væng fjörunnar, þar sem stuðlabergið er. En þar sé ég fólk samt vera að fara sér að miklum voða, það er að fara niður í ölduna og virðist ekki skilja þá hættu sem við er varað.“

Frétt mbl.is: Með heilu þorpin á flakki

Ferðamenn eru tíðir gestir fjörunnar.
Ferðamenn eru tíðir gestir fjörunnar. mbl.is/Jónas Erlendsson

Oft séð litlu muna í fjörunni

Eftir slysið á miðvikudag ákváðu inn­an­rík­is­ráðherra og iðnaðar- og viðskiptaráðherra, í sam­ráði við lög­regl­una á Suður­landi, að í ljósi endurtekinna atburða verði lög­reglu­vakt við Reyn­is­fjöru.

Spurður um hvernig sé hægt að fyrirbyggja það að þetta endurtaki sig segir Hjálmar að fyrir sér sé aðeins ein raunhæf lausn í sjónmáli.

„Ég held að eina ráðið sé að hafa þarna mikla girðingu og að fólk þurfi að fara í gegnum hlið eða göng til að komast í fjöruna. Á leiðinni væru myndir og einhvers konar fræðsla um þessa atburði sem þarna hafa gerst.“

Þá kveðst hann oft hafa séð aðeins litlu muna um hvort fólk komist lífs af úr fjörunni.

„Í hvert einasta sinn sem ég hef komið þangað þá hef ég séð fólk á harðahlaupum undan öldunni og nokkrum sinnum hef ég komið að þar sem fólk er nýbúið að lenda illa í henni,“ segir Hjálmar og bendir á að aðeins viku fyrir umrætt slys hafi ekki nokkur maður verið í fjörunni þegar hann bar þar að með hóp.

Fræðslu- og viðvörunarskilti við Reynisfjöru.
Fræðslu- og viðvörunarskilti við Reynisfjöru. mbl.is/Jónas Erlendsson

Alda greip ferðamann viku áður

„Þá hafði komið þarna stór alda og tekið einn ferðamann. Hann náðist sem betur fer en það var við ramman reip að draga. Það virðist gerast í hverri viku að fólk lendir í sjónum, hvort sem það er minniháttar eða alveg í kaf.“

En af hverju er Reynisfjara svona hættuleg? Hjálmar segir hættuna felast í hraðri dýpkun fjörunnar.

„Þetta er ekki löng og breið fjara þar sem þú sérð ölduna koma langa leið á sléttu. Það er svo bratt niður í sjóinn úr sandvíkinni og þar er síðan svo djúpt að sogið verður alveg óskaplegt. Og loks, þegar brimið kemur upp að landi, þá felst í því þessi ofboðslegi kraftur.“

mbl.is

Bloggað um fréttina

Innlent »

Ráðþrota, þreytt, sár og reið

17:58 Steinunn Hannesdóttir og maðurinn hennar sitja uppi með einbýlishús sem þau keyptu fyrir þremur árum og kostaði 71 milljón króna. Þau hafa þó aldrei búið þar, en myglusveppur greindist í húsinu eftir undirritun kaupsamnings. Dómstóll hefur þó gert þeim að standa skil á öllum greiðslum. Meira »

Buðu sýrlensku flóttafólki Gullna hringinn

17:56 Sýrlenska flóttafólkið sem komið hefur til Íslands í ár og fyrra var um helgina boðið að skoða Gullna hringinn. Það var ferðaþjónustufyrirtækið Guide to Iceland sem stóð fyrir ferðinni í samstarfi við Rauða krossinn. Meira »

Loksins stór fiskur á austfirsku miðunum

17:29 Ísfisktogarinn Barði NK kom sneisafullur til Neskaupstaðar í nótt, með 112 tonn, og var uppistaða aflans stór og fallegur þorskur. Að undanförnu hefur einungis fengist smár fiskur á hefðbundnu austfirsku togaramiðunum en nú er þar loksins genginn stór fiskur, að sögn Bjarna Más Hafsteinssonar sem var í fyrsta sinn í skipstjórastól Barða í veiðiferðinni. Meira »

Lögfesting samningsins mikilvægt réttindamál

17:25 Þorsteinn Víglundsson félagsmálaráðherra segir ummæli sín þess efnis að stjórnarandstaðan hafi hindrað framgang frumvarps um þjónustu við fatlað fólk vera á misskilningi byggð. Meira »

Öryggismálin ráðherrunum ofarlega í huga

17:07 Norræn samvinna og ýmis alþjóða- og öryggismál voru viðfangsefnin á fyrri degi sumarfundar forsætisráðherra Norðurlandanna sem nú fer fram í Bergen í Noregi. Í fréttatilkynningu frá forsætisráðuneytinu segir að mikilvægi baráttunnar gegn hryðjuverkum og öfgasamtökum hafi verið ráðherrunum ofarlega í huga. Meira »

Tómas fékk rautt nef, Ólafur ekki

17:00 Margar af styttum borgarinnar fengu á sig rautt nef í dag þegar Ungmennaráð Unicef gekk um miðbæinn og skellti rauðum nefjum á þær styttur sem eru með nef sem eru innan seilingar. Framtakið var þáttur í átakinu Dagur rauða nefsins sem verður þann 9. júní og er stærsta fjáröflun Unicef á Íslandi. Meira »

Gjaldtaka borgarinnar ólögmæt?

16:23 Færa má sterk rök fyrir því að innheimta Reykjavíkurborgar á svokölluðum innviðagjöldum sé ólögmæt. Þetta kemur fram í minnisblaði sem lögmannsstofan LEX vann fyrir Samtök iðnaðarins og hefur nú verið opinberað. Meira »

Hringdi 271 sinnum á 8 dögum

16:38 Hæstiréttur staðfesti í dag úrskurð héraðsdóm um að karlmaður skyldi sæta nálgunarbanni og verði bannað að koma að heimili barnsmóður sinnar eða nálgast hana og vera í innan við 50 metra fjarlægð frá henni. Meira »

Framkvæmdastjóri án þess að muna það

16:13 Héraðsdómur Reykjavíkur dæmdi í síðustu viku karlmann á fertugsaldri í sjö mánaða skilorðsbundið fangelsi og til að greiða rúmlega 30 milljóna króna sekt til ríkissjóðs fyrir meiriháttarbrot gegn skatta- og bókhaldslögum, sem framkvæmdastjóri einkahlutafélags. Meira »

Einn bíll keyptur síðustu þrjú ár

16:03 Forsætisráðuneytið hefur keypt eina bifreið frá árinu 2014 og var hún keypt að undangengnu útboðsferli hjá Ríkiskaupum. Bifreiðin sem keypt var er af tegundinni Mercedes Benz S 350 Blue Tec Sedan árgerð 2015 og er eldsneytisgjafi hennar dísilolía. Meira »

Malín búin að áfrýja dóminum

15:49 Malín Brand hefur áfrýjað dómi héraðsdóms Reykjavíkur þar sem hún var dæmd í 12 mánaða fangelsi, þar af 9 mánuði skilorðsbundna, fyrir fjárkúgun til Hæstaréttar. Mál hennar er komið á áfrýjunarskrá Hæstaréttar og staðfestir verjandi hennar að hann hafi áfrýjað hennar hlut málsins. Meira »

Áfram í varðhaldi vegna hnífstungu

15:28 Karlmaður var dag úrskurðaður í áframhaldandi gæsluvarðhald til 23. júní, en hann er grunaður um tilraun til manndráps með því að hafa stungið ann­an mann með hníf í höfuðið. Kom til rysk­inga milli mann­anna þegar sá sem varð fyr­ir árás­inni fór ásamt konu að sækja bíl sem kon­an hafði lánað meint­um árás­ar­manni. Meira »

Sólveig bjó til „lítið skrímsli“

15:14 Facebook-hópurinn Keypt í Costco Ísl. Myndir og verð. er orðinn einn stærsti stærsti Facebook-hópur landsins, en í hópnum eru tæplega 62 þúsund meðlimir. Hann er orðinn stærri en Góða systir, sem telur um 51 þúsund meðlimi. Meira »

„Húsbók“ fylgi með seldu húsnæði

14:46 Á ráðstefnu um veggjatítlur og myglusveppi sem var haldin á Nauthól í morgun lagði Katrín Júlíusdóttir, framkvæmdastjóri Samtaka fjármálafyrirtækja, til að eins konar húsbók fylgdi með hverju húsnæði sem keypt væri þannig að nýir eigendur geti séð þær endurbætur sem hafi verið gerðar á húsnæðinu. Meira »

Veiktist og ók á vegg

14:40 Sendiferðabíll ók á afturhlið bílskúrs í Háaleitishverfi í Reykjavík í hádeginu í dag. Samkvæmt upplýsingum frá lögreglunni á höfuðborgarsvæðinu fékk bílstjórinn flogakast og missti stjórn á bifreiðinni. Meira »

Brúar „gamli“ Páll bilið í Eyjum?

14:56 Vinnslustöðin í Vestmannaeyjum afhendir Gullbergið VE um miðjan júlí, en skipið var í vetur selt til Noregs. Hugsanlegt er að fyrirtækið kaupi gamla Pál Pálsson ÍS af Hraðfrystihúsinu - Gunnvöru hf. Meira »

Snældurnar tækifæri en ekki ógn

14:45 Þegar skólar banna hluti sem börn hafa áhuga á verður til gjá á milli nemenda og skólans og þá er nærtækara að nota áhugann til kennslu. Svokallaðar snældur eru ekki ógn heldur tækifæri til að nýta áhuga nemenda til kennslu. Þetta segir Ingvi Hrannar Ómarsson, sem starfar við skólaþróun. Meira »

Hélt að dælan væri biluð

13:55 Klukkan 15.45 í dag eru nákvæmlega 9 ár liðin frá Suðurlandsskjálfta. Skjálftinn mældist 6,1 stig og átti upp­tök sín suðvest­ur af Sel­fossi, skammt frá Ingólfsfjalli. Meira »

Vilborg Arna klífur Everest 2017

Manntal 1703
Manntal á Íslandi 1703 til sölu ásamt manntali í þremur sýslum 1729, innbundið í...
Combi Camp Valley
Til sölu allt að því ónotaður Combi Camp Valley með fortjaldi og eldhúsi. Keyptu...
Toyota Landcruiser 2010 150 GX
Ek 99 Sjálfskiptur Topplúga Filmur Gluggahlífar 2 eigendur frá upphafi 2 g...
 
Meðeigandi óskast í málmfyrirtæki upplý
Ýmislegt
Meðeigandi óskast í málmfyrirtæki Up...
Aðalfundur
Fundir - mannfagnaðir
Aðalfundur SÁÁ Aðalfundur SÁÁ verður ...
Aðalfundur
Fundir - mannfagnaðir
Aðalfundur Síldarvinnslunnar...
Framhald uppboðs
Nauðungarsala
Uppboð Einnig birt á www.naudungarsolu...