Þúsundir tonna sælgætis á ári

Algengt er að fólk kaupi sér bland í poka á laugardögum, bæði börn og fullorðnir. Sumir gæta hófs en stundum er býsna vel í lagt, svo ekki sé fastar að orði kveðið.

Smávegis mæra lítur sakleysislega út, en þegar að er gáð kemur í ljós að í 300 grömmum – sem virkar ekki mikið – eru 75 sykurmolar. Í sælgæti í 500 gr poka, sem þykir lítið þegar nammibarinn er sóttur heim á laugardögum að sögn þeirra sem til þekkja, eru 125 sykurmolar!

Eitur þá en ekki nú?

Fjallað er um mikla sykurneyslu Íslendinga í fjölmiðlum reglulega; bent á að með einhverjum ráðum verði að draga úr, heilsu þjóðarinnar sé stefnt í hættu og bent á sykursýki 2, ýmsa hjarta- og æðasjúkdóma og þar fram eftir götunum. Þar til umræðan fer næst af stað breytist hins vegar sorglega lítið til batnaðar og tonn eftir tonn hverfur áfram ofan í landann.

Fyrir nokkrum misserum var frá því greint að heildarframboð sælgætis hérlendis árlega væri sex þúsund tonn. Enginn getur fullyrt hve mikið er borðað af því magni, en gera verður ráð fyrir að stærstum hluta sé sporðrennt.

Laufey Hrólfsdóttir, sem er í doktorsnámi í næringarfræði í Háskóla Íslands, bendir á öfgana sem voru áberandi í nýliðinni viku og þeirri næstu þar á undan.

„Í síðustu viku var mikið rætt um sykur í mat, hve hann væri mikið eitur og að hann leyndist í matvælum út um allt. Mikið var talað um samfélagslega ábyrgð og þulin upp nöfn á tugum heita yfir leyndan sykur í mat,“ segir hún í samtali við Sunnudagsblað Morgunblaðsins.

Hvað gerist svo?

„Viku síðar kemur öskudagurinn, krakkar koma heim með sælgæti í kílóavís og þá er ekkert falið; allt uppi á borðum og allir vita af sælgætinu – sem er stútfullt af sykri – enda alls staðar myndir á Facebook og Snapchat! Þá er allt í lagi og bara gaman. Hvaða skilaboð erum við að senda börnunum okkar?“ spyr Laufey.

Hún er búsett á Akureyri, sem löngum hefur verið höfuðstaður öskudagsins á Íslandi. Laufey tekur sem dæmi að ef barn á aldrinum 6 til 9 ára fær 2 kg af sælgæti á öskudaginn dugi sá skammtur í heilt ár, miðað við ráðlagðan skammt!

Viltu eyðileggja daginn?

Davíð Kristinsson heilsufrömuður býr einnig á Akureyri. Honum blöskraði ástandið í liðinni viku, tjáði sig á Facebook og hlaut bæði hrós og miklar skammir fyrir.

Hann fullyrðir að algengt sé að börn hafi um 4 kíló sælgætis upp úr krafsinu og þau duglegustu sem hann veit um komu heim með 8 og hálft kíló.

„Ég hef engan áhuga á að leggja niður eða eyðileggja öskudaginn, eins og sumir sökuðu mig um á Facebook, þvert á móti; ég vildi bara benda á vitleysuna sem viðgengst. Er ekki allt í lagi að draga aðeins úr því sem hvert barn fær á hverjum stað eða gefa eitthvað annað en sælgæti alls staðar. Ég gaf krökkunum til dæmis harðfisk, það var mjög vinsælt og töluvert meira magn en ég var með í fyrra fór út á mun skemmri tíma vegna þess að þegar það fréttist að hjá mér væri harðfiskur streymdu liðin hingað.“

Nánar er fjallað um málið Sunnudagsblaði Morgunblaðsins.

Forsíða Sunnudagsblaðs Morgunblaðsins.
Forsíða Sunnudagsblaðs Morgunblaðsins.

Innlent »

Þrír árekstrar á Akureyri í kvöld

Í gær, 23:14 Þrír árekstrar hafa orðið með skömmu millibili á Akureyri í kvöld, en glerhált er á götum bæjarins eftir að snögghlýnaði í kvöld, samkvæmt upplýsingum frá lögreglunni á Akureyri. Að minnsta kosti einn áreksturinn, á gatnamótum Borgarbrautar og Glerárgötu, var töluvert harður, en lítil sem engin slys urðu á fólki. Meira »

Skúli Mogensen Markaðsmaður ársins

Í gær, 22:06 Skúli Mogensen, forstjóri WOW air er Markaðsmaður ársins 2017, en það var samhljóða álit dómnefndar ÍMARK, samtaka markaðsfólks á Íslandi, sem veitti Markaðsverðlaunin 2017 á Kjarvalstöðum í dag. Guðni Th. Jóhannesson, forseti Íslands, afhenti Skúla verðlaunin. Meira »

Þau hljóta Kraumsverðlaunin 2017

Í gær, 21:29 Kraumsverðlaunin voru afhent í tíunda sinn nú rétt í þessu á veitinga- og tónleikastaðnum Bryggjunni. Sex hljómsveitir og listamenn hlutu Kraumsverðlaunin í ár. Á meðal verðlaunahafanna eru fjórir kvenkyns listamenn og ein hljómsveit, Cyber, sem aðeins er skipuð konum. Meira »

„Meirihluti íslenskra kvenna hórur“

Í gær, 21:10 Babtistaprestinum Steven L. Anderson í Arizona hefur lengi verið í nöp við Íslendinga. Nú hefur hann sent mynd á íslenska fjölmiðla þar sem hann rekur í löngu máli hvað sé að íslensku þjóðinni en þá einna helst lauslæti. Myndin var einnig sett á Youtube fyrir skömmu og hefur fengið 22 þúsund áhorf. Meira »

Ráðist til atlögu við sífellt grárri tilveru

Í gær, 21:02 Norska litafræðingnum Dagny Thurmann-Moe finnst kominn tími á litabyltingu. Í nýútkominni bók sinni, Lífið í lit, gerir hún grein fyrir hvernig litanotkun getur stuðlað að heilnæmu umhverfi í góðu jafnvægi sem og þeim áhrifum sem litir og litleysi hafa á vort daglega líf. Meira »

Heppinn miðaeigandi fékk 70 milljónir

Í gær, 20:54 Úlfar Gauti Haraldsson, rekstarstjóri flokkahappdrættis Háskóla Íslands, þurfti að beita öllum sínum sannfæringarkrafti til að fá vinninghafann til að trúa fréttunum þegar hann hringdi í hann. „Þegar viðkomandi vissi upphæðina þá bað hann mig um að hinkra aðeins því hann vildi setjast niður.“ Meira »

Tólf bjargað við hrikalegar aðstæður

Í gær, 20:17 Sjötíu ár eru liðin frá einhverju frækilegasta björgunarafreki Íslandssögunnar þegar 12 skipverjum var bjargað úr enska togaranum Dhoon við Látrabjarg, við hrikalegar aðstæður í miklu hafróti. Meira »

Starfsfólki sagt upp á hverju ári

Í gær, 20:33 Starfsfólki í mötuneyti og á kaffistofum Háskóla Íslands er gjarnan sagt upp störfum á vorin og svo endurráðið að hausti. Dæmi eru um að eldri konur hafi starfað með þessum hætti áratugum saman. Þetta kemur fram í frétt RÚV. Meira »

Verðum 5 árum á undan Norðurlöndunum

Í gær, 20:17 Góður rómur var gerður á leiðtogafundi um loftslagsmál í París í dag að þeirri ákvörðun íslenskra stjórnvalda að ganga lengra en Parísarsamkomulagið kveður á um. Þetta segir Katrín Jakobsdóttir forsætisráðherra, sem kynnti áform­ nýrr­ar rík­is­stjórn­ar í um­hverf­is- og lofslags­mál­um á fundinum. Meira »

Fossadagatalið rýkur út

Í gær, 19:38 Fossadagatalið 2018 og Fossabæklingur með ljósmyndum af Gullfossum Stranda hefur rokið út í dag, á fyrsta söludegi. Dagatalið er nú uppselt hjá útgefanda en búið er að panta annað upplag, 1.000 eintök. Tómas Guðbjartsson hjartaskurðlæknir og Ólafur Már Björnsson augnlæknir tóku myndirnar. Meira »

Sagði ráðherra með dómara í vinnu

Í gær, 19:01 Lögmaður Jóhannesar Rúnars Jónssonar í áfrýjunarmáli hans og Ástráðs Haraldssonar vegna skipunar Landsréttardómara sagði það með ólíkindum að ráðherra hafi svigrúm til að ráða því hverjir verði dómarar og hverjir ekki eftir því hvort verið sé að skipa til Landsréttar, Hæstaréttar eða héraðsdóms. Meira »

Greindi frá áformum um kolefnishlutleysi

Í gær, 18:37 Katrín Jakobsdóttir forsætisráðherra greindi frá áformum nýrrar ríkisstjórnar í umhverfis- og lofslagsmálum og nefndi sérstaklega markmið um kolefnishlutlaust Ísland árið 2040, í ávarpi sínu á leiðtogafundi í París í dag. Meira »

Árásarmaðurinn samstarfsfús við lögreglu

Í gær, 17:47 Maðurinn sem situr í gæsluvarðhaldi vegna morðsins á hinum albanska Klevis Sula, sem lést eftir að hafa verið stunginn með hnífi á Austurvelli, hefur verið samstarfsfús við lögreglu. Grímur Grímsson yfirlögregluþjónn segir venju að fara fram á geðrannsókn vegna mála sem þessa. Meira »

Réttindalaus rútubílstjóri stöðvaður

Í gær, 17:26 Í síðustu viku hafði lögreglan á Suðurlandi afskipti af ökumanni með kínverskt ríkisfang sem reyndist ekki hafa almennt rekstrarleyfi til aksturs með farþega og að auki hafði hann ekki aukin ökuréttindi til slíks. Var hann að aka með farþega sína í Bláa lónið. Meira »

Hlaut starfsmerki fyrir óeigingjarnt starf

Í gær, 17:14 Rán Kristinsdóttir hlaut á héraðsþingi Héraðssambands Snæfells- og Hnappadalssýslu (HSH) í gærkvöldi starfsmerki UMFÍ fyrir mikið og óeigingjarnt starf fyrir íþróttahreyfinguna í Snæfellsbæ. Auður Inga Þorsteinsdóttir, framkvæmdastjóri UMFÍ, afhenti Rán starfsmerkið. Meira »

Vilji til að efla náin tengsl ríkjanna

Í gær, 17:40 Guðlaugur Þórðarson utanríkisráðherra átti í dag fund með Liam Fox, utanríkisviðskiptaráðherra Bretlands, í Buenos Aires í Argentínu, þar sem nú stendur yfir ráðherrafundur Alþjóðaviðskiptastofnunarinnar, WTO. Ræddu þeir meðal annars fríverslun á heimsvísu. Meira »

Sameining leik- og grunnskóla í kortunum

Í gær, 17:26 „Þetta er rökrétt næsta skref í skólamálum,“ segir Gísli H. Halldórsson, bæjarstjóri Ísafjarðarbæjar, um fyrirhugaða sameiningu leikskólans og grunnskólans á Flateyri. Í grunnskólanum eru um 20 börn og í leikskólanum Grænagarði eru um fimm börn. Meira »

Stolnir munir kirkjugesta fundnir

Í gær, 17:13 Ýmsir munir; peningar, greiðslukort og lyklar og fleira sem stolið var úr yfirhöfnum tónleikagesta í Ísafjarðarkirkju í gærkvöldi, hafa nú nær allir fundist. Þetta kemur fram í tilkynningu frá lögreglunni á Vestfjörðum. Meira »

Börnin sem kerfið gleymdi

VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
Lok á heita potta og hitaveitu- skeljar
Lok á heita potta og hitaveitu- skeljar Stærðir í cm: 200x200, 210x210, 220x220,...
https://www.funiceland.is - Ferðavefur
FunIceland.is er ferða- og upplýsingavefur um náttúru Íslands. Skoðaðu vefinn m...
 
Styrkir virk
Styrkir
Styrkir VIRK Virk starfsendurhæfingar...
Kröflulína
Tilkynningar
Mynd af auglýsingu ...
Land til sölu
Til leigu
Land til sölu Til sölu eða leigu 4,6 h...
Matsveinn
Sjávarútvegur
Matsveinn Vísir hf óskar eftir...