Þeir sem eru í stuði til að renna sér niður fjallshlíðar á skíðum, snjóbretti eða á sleða ættu að finna eitthvað við sitt hæfi í dag, hvort sem þeir eru í nágrenni Bláfjalla, Hlíðarfjalls eða í Tungudal. Flest skíðasvæði eru opin í dag.
Í dag verður opið í Bláfjöllum frá kl. 10-17. Forsvarsmenn svæðisins segja að þetta stefni í einn fallegasta dag ársins.
Skíðasvæði Tindastóls í Skagafirði verður opið frá kl. 11-16. Veðrið er sagt vera frábært færið æðislegt.
Skíðasvæðið á Siglufirði er opið í dag frá 10-16. Búið að troða 7 skíðaleiðir.
Þá verður opið í Hlíðarfjalli á Akureyri frá 10-16. Skíðaskóli fyrir börn er í dag frá 10-14, og er hann einnig alla vikuna frá 11-13.
Skíðasvæðið á Dalvík er opið í dag kl. 10-16.
Síðast en ekki síst, þá er opið í Tungudal á frá 10-16 og á Seljalandsdal frá kl. 10 að sögn forstöðumanns Skíðasvæðis Ísafjarðarbæjar. Þar stefnir í flottan dag.
Það er þó rétt að minnast á athugasemd frá Veðurstofu Íslands, en þar er fólki sem er ferð í fjalllendi bent á óstöðug snjóalög séu víða um land og því hætta á ferðamenn komi af stað snjóflóðum.
Þá mælist óson óvenjulágt nú yfir Íslandi og er spáð sólbjörtu veðri í dag. Ef útvistarfólk er um lengri tíma í sól, þar sem snjór einnig hylur jörðu, er rík ástæða til að verja sig gegn geislum sólar, t.d. með því að nota sólgleraugu og sólvörn.