Óska eftir kærleiksríku fólki

Börn sem hingað koma eru ekki öll í för með ...
Börn sem hingað koma eru ekki öll í för með fjölskyldum sínum. mbl.is/Skapti Hallgrímsson

Auglýsing frá Barnaverndarstofu vakti töluverða athygli í gær en þar var spurt hvort fólk vildi taka inn á heim­ili sitt barn á aldr­in­um 13 til 17 ára. Börnin hafa þá komið án fylgd­ar full­orðinna til Íslands.

Bragi Guðbrandsson, forstjóri Barnaverndarstofu, segir að stofnunin hafi aldrei áður auglýst eftir fólki til að taka börn inn á heimili, en auglýsingin birtist bæði í Morgunblaðinu og Fréttablaðinu í gær.

Á síðasta ári komu til landsins sjö til níu einstaklingar þar sem staðfest þótti að viðkomandi væri yngri en átján ára en sá yngsti var fjórtán.

Eiga ekkert sameiginlegt með hvert öðru

„Tilgangurinn er að afla fósturheimila til að bjóða þessum börnum upp á. Það er afstaða Barnaverndarstofu að heppilegra sé að vista þessa einstaklinga á heimilum og finna fjölskyldur fyrir þá til að búa hjá, fremur en að setja sérstaka móttökustöð á laggirnar,“ segir Bragi og bætir við að margar ástæður séu fyrir þeirri afstöðu.

„Í fyrsta lagi er dvöl á heimili hagfelldari fyrir þessi börn. Þau njóta þar að öðru jöfnu meira tilfinningalegs atlætis og umönnunar og þá er betur hægt að skynja þeirra einstaklingsbundnu þarfir og veita þeim það sem þau þarfnast.

Svo er á hitt að líta, að þessi börn koma úr öllum áttum, frá mjög ólíkum menningarsvæðum, tala mismunandi tungumál og svo framvegis. Þau eiga því ekki margt sameiginlegt annað en það að hafa verið á flótta. Engar sérstakar knýjandi ástæður eru þannig fyrir því að hafa þau undir sama þaki.“

Flóttafólk frá Sýrlandi við komuna til Íslands í Leifsstöð.
Flóttafólk frá Sýrlandi við komuna til Íslands í Leifsstöð. mbl.is/Eggert

Stunda svarta vinnu á Norðurlöndunum

Bragi segir að árlega komi lítill fjöldi barna til Íslands án fylgdar fullorðinna og þeim hafi þá jafnan verið fundin fósturheimili. Núna hafi hins vegar gengið erfiðlega að finna heimili fyrir þrjú börn sem nýlega eru komin til landsins. Af þeim sökum hafi Barnaverndarstofa gripið til þeirra úrræða að auglýsa eftir heimilum.

Börnin þrjú dvelja nú á móttökustöðinni í Hafnarfirði en þau eiga uppruna sinn að rekja til Afganistan og Albaníu. Bragi segir börnin yfirleitt koma hingað fljúgandi með farþegaflugi frá Norðurlöndunum. Þá hafi þau flest verið á flótta lengi.

„Þetta eru gjarnan hópar ungmenna eða ungmenni sem ferðast með einhverjum sem er eldri, án þess þó að sá hafi nokkra umsjá með þeim sem yngri er. Sumir koma þessa leið á eigin spýtur, það er í raun allur gangur á þessu. Oft hafa einstaklingar komist í svarta vinnu á Norðurlöndunum og þannig safnað sér fyrir fargjaldi. Þetta er eitt af því sem alltaf er kannað sérstaklega.“

Kát börn við komuna til Íslands.
Kát börn við komuna til Íslands. mbl.is/Eggert

Kærleikur er skilyrði

Búist er við að komum barna til landsins fjölgi á næstunni.

„Þetta hefur ekki verið ýkja stór hópur en þau hafa aldrei verið jafn mörg og á síðasta ári. Ég held að við verðum að búa okkur undir að þau kunni að vera enn fleiri á þessu ári. Þess vegna viljum við auglýsa núna svo við séum í stakk búin þegar þar að kemur.“

Í auglýsingunni segir að æskilegt sé að fólk hafi reynslu eða þekk­ingu á mál­efn­um flótta­barna, mis­mun­andi menn­ingu þeirra, trú og hefðum og eða tali tungu­mál þeirra. Umfram allt segir Bragi þó að verið sé að leita að kærleiksríku fólki.

„Við erum að leita að góðu fólki sem hefur til að bera mannkærleik og hug á að liðsinna börnum sem jafnvel hafa misst fjölskyldur sínar eða heimili, og er reiðubúið að leggja sitt af mörkum. Þekkinguna og fræðsluna getum við svo útvegað.“

mbl.is

Bloggað um fréttina

Innlent »

Þrír árekstrar á Akureyri í kvöld

23:14 Þrír árekstrar hafa orðið með skömmu millibili á Akureyri í kvöld, en glerhált er á götum bæjarins eftir að snögghlýnaði í kvöld, samkvæmt upplýsingum frá lögreglunni á Akureyri. Að minnsta kosti einn áreksturinn, á gatnamótum Borgarbrautar og Glerárgötu, var töluvert harður, en lítil sem engin slys urðu á fólki. Meira »

Skúli Mogensen Markaðsmaður ársins

22:06 Skúli Mogensen, forstjóri WOW air er Markaðsmaður ársins 2017, en það var samhljóða álit dómnefndar ÍMARK, samtaka markaðsfólks á Íslandi, sem veitti Markaðsverðlaunin 2017 á Kjarvalstöðum í dag. Guðni Th. Jóhannesson, forseti Íslands, afhenti Skúla verðlaunin. Meira »

Þau hljóta Kraumsverðlaunin 2017

21:29 Kraumsverðlaunin voru afhent í tíunda sinn nú rétt í þessu á veitinga- og tónleikastaðnum Bryggjunni. Sex hljómsveitir og listamenn hlutu Kraumsverðlaunin í ár. Á meðal verðlaunahafanna eru fjórir kvenkyns listamenn og ein hljómsveit, Cyber, sem aðeins er skipuð konum. Meira »

„Meirihluti íslenskra kvenna hórur“

21:10 Babtistaprestinum Steven L. Anderson í Arizona hefur lengi verið í nöp við Íslendinga. Nú hefur hann sent mynd á íslenska fjölmiðla þar sem hann rekur í löngu máli hvað sé að íslensku þjóðinni en þá einna helst lauslæti. Myndin var einnig sett á Youtube fyrir skömmu og hefur fengið 22 þúsund áhorf. Meira »

Ráðist til atlögu við sífellt grárri tilveru

21:02 Norska litafræðingnum Dagny Thurmann-Moe finnst kominn tími á litabyltingu. Í nýútkominni bók sinni, Lífið í lit, gerir hún grein fyrir hvernig litanotkun getur stuðlað að heilnæmu umhverfi í góðu jafnvægi sem og þeim áhrifum sem litir og litleysi hafa á vort daglega líf. Meira »

Heppinn miðaeigandi fékk 70 milljónir

20:54 Úlfar Gauti Haraldsson, rekstarstjóri flokkahappdrættis Háskóla Íslands, þurfti að beita öllum sínum sannfæringarkrafti til að fá vinninghafann til að trúa fréttunum þegar hann hringdi í hann. „Þegar viðkomandi vissi upphæðina þá bað hann mig um að hinkra aðeins því hann vildi setjast niður.“ Meira »

Tólf bjargað við hrikalegar aðstæður

20:17 Sjötíu ár eru liðin frá einhverju frækilegasta björgunarafreki Íslandssögunnar þegar 12 skipverjum var bjargað úr enska togaranum Dhoon við Látrabjarg, við hrikalegar aðstæður í miklu hafróti. Meira »

Starfsfólki sagt upp á hverju ári

20:33 Starfsfólki í mötuneyti og á kaffistofum Háskóla Íslands er gjarnan sagt upp störfum á vorin og svo endurráðið að hausti. Dæmi eru um að eldri konur hafi starfað með þessum hætti áratugum saman. Þetta kemur fram í frétt RÚV. Meira »

Verðum 5 árum á undan Norðurlöndunum

20:17 Góður rómur var gerður á leiðtogafundi um loftslagsmál í París í dag að þeirri ákvörðun íslenskra stjórnvalda að ganga lengra en Parísarsamkomulagið kveður á um. Þetta segir Katrín Jakobsdóttir forsætisráðherra, sem kynnti áform­ nýrr­ar rík­is­stjórn­ar í um­hverf­is- og lofslags­mál­um á fundinum. Meira »

Fossadagatalið rýkur út

19:38 Fossadagatalið 2018 og Fossabæklingur með ljósmyndum af Gullfossum Stranda hefur rokið út í dag, á fyrsta söludegi. Dagatalið er nú uppselt hjá útgefanda en búið er að panta annað upplag, 1.000 eintök. Tómas Guðbjartsson hjartaskurðlæknir og Ólafur Már Björnsson augnlæknir tóku myndirnar. Meira »

Sagði ráðherra með dómara í vinnu

19:01 Lögmaður Jóhannesar Rúnars Jónssonar í áfrýjunarmáli hans og Ástráðs Haraldssonar vegna skipunar Landsréttardómara sagði það með ólíkindum að ráðherra hafi svigrúm til að ráða því hverjir verði dómarar og hverjir ekki eftir því hvort verið sé að skipa til Landsréttar, Hæstaréttar eða héraðsdóms. Meira »

Greindi frá áformum um kolefnishlutleysi

18:37 Katrín Jakobsdóttir forsætisráðherra greindi frá áformum nýrrar ríkisstjórnar í umhverfis- og lofslagsmálum og nefndi sérstaklega markmið um kolefnishlutlaust Ísland árið 2040, í ávarpi sínu á leiðtogafundi í París í dag. Meira »

Árásarmaðurinn samstarfsfús við lögreglu

17:47 Maðurinn sem situr í gæsluvarðhaldi vegna morðsins á hinum albanska Klevis Sula, sem lést eftir að hafa verið stunginn með hnífi á Austurvelli, hefur verið samstarfsfús við lögreglu. Grímur Grímsson yfirlögregluþjónn segir venju að fara fram á geðrannsókn vegna mála sem þessa. Meira »

Réttindalaus rútubílstjóri stöðvaður

17:26 Í síðustu viku hafði lögreglan á Suðurlandi afskipti af ökumanni með kínverskt ríkisfang sem reyndist ekki hafa almennt rekstrarleyfi til aksturs með farþega og að auki hafði hann ekki aukin ökuréttindi til slíks. Var hann að aka með farþega sína í Bláa lónið. Meira »

Hlaut starfsmerki fyrir óeigingjarnt starf

17:14 Rán Kristinsdóttir hlaut á héraðsþingi Héraðssambands Snæfells- og Hnappadalssýslu (HSH) í gærkvöldi starfsmerki UMFÍ fyrir mikið og óeigingjarnt starf fyrir íþróttahreyfinguna í Snæfellsbæ. Auður Inga Þorsteinsdóttir, framkvæmdastjóri UMFÍ, afhenti Rán starfsmerkið. Meira »

Vilji til að efla náin tengsl ríkjanna

17:40 Guðlaugur Þórðarson utanríkisráðherra átti í dag fund með Liam Fox, utanríkisviðskiptaráðherra Bretlands, í Buenos Aires í Argentínu, þar sem nú stendur yfir ráðherrafundur Alþjóðaviðskiptastofnunarinnar, WTO. Ræddu þeir meðal annars fríverslun á heimsvísu. Meira »

Sameining leik- og grunnskóla í kortunum

17:26 „Þetta er rökrétt næsta skref í skólamálum,“ segir Gísli H. Halldórsson, bæjarstjóri Ísafjarðarbæjar, um fyrirhugaða sameiningu leikskólans og grunnskólans á Flateyri. Í grunnskólanum eru um 20 börn og í leikskólanum Grænagarði eru um fimm börn. Meira »

Stolnir munir kirkjugesta fundnir

17:13 Ýmsir munir; peningar, greiðslukort og lyklar og fleira sem stolið var úr yfirhöfnum tónleikagesta í Ísafjarðarkirkju í gærkvöldi, hafa nú nær allir fundist. Þetta kemur fram í tilkynningu frá lögreglunni á Vestfjörðum. Meira »

Börnin sem kerfið gleymdi

Hermannabuxur
Hermannabuxur til sölu. Upplýsingar í síma: 8935005...
Flott kommóða rótar-spónn - sími 869-2798
Er með flotta kommóðu, spónlagða og innlagða á 25.000. Hæð 85x48x110 cm, 5 skúff...
HÚSAVIÐHALD
Viðgerðir og viðhald fasteigna er okkar fag. Húsaklæðning ehf. hefur í áratugi ...
 
Framhald uppboðs
Nauðungarsala
Uppboð Einnig birt á www.naudungarsolu...
Framhald
Nauðungarsala
Uppboð Einnig birt á www.naudungarsolu...
L helgafell 6017120619 iv/v
Félagsstarf
? HELGAFELL 6017120619 IV/V Mynd af ...
Framhald
Nauðungarsala
Uppboð Einnig birt á www.naudungarsolu...