Ísland á leið „niður í aðra deild“

Húsnæði Landspítalans er að mygla og vegir að molna, segir ...
Húsnæði Landspítalans er að mygla og vegir að molna, segir Guðmundur. mbl.is/Júlíus

„Ég bjóst við að ég myndi sjá að gefið yrði í á uppgangstímum. Það eru mér vonbrigði að sjá að svo er ekki,“ sagði Guðmundur Steingrímsson þingmaður Bjartrar Framtíðar á þingi í dag, en þá fóru fram sérstakar umræður um fjárfestingar í innviðum.

Hann bætti við að þetta væri honum mikið áhyggjuefni.

„Þó það væri ekki nema bara fyrir fólksfjölgun og fjölgun ferðamanna. Það er augljóst að það þarf að fjárfesta í innviðum. Rannsóknir hafa sýnt að eðlilegt sé að fjögur til fimm prósent landsframleiðslu fari í fjárfestingu í innviðum, en þetta hlutfall hefur á undanförnum árum verið í kringum tvö prósent.“

Uppsöfnuð þörf í þjóðfélaginu

Guðmundur sagði að vegna þessa hefði safnast upp ákveðin þörf.

„Samtök iðnaðarins hafa bent á að uppsöfnuð þörf á margvíslegum opinberum fjárfestingum sé að minnsta kosti hundrað milljarðar,“ sagði hann og benti á að í vegakerfinu væri uppsöfnuð þörf sem næmi 60-70 milljörðum.

„Maður þarf ekki að vera sérstakur vísindamaður til að sjá þetta. Seglin voru dregin saman eftir hrun og nú erum við að verða vitni að því að innviðir eru að versna. Húsnæði Landspítalans er að mygla og vegir eru að molna. Í fjárlögum er gert ráð fyrir frekari afskriftum en fjárfestingum. Opinberar eignir eru að rýrna og það þýðir að samfélagið mun versna.“

Guðmundur Steingrímsson þingmaður Bjartrar framtíðar.
Guðmundur Steingrímsson þingmaður Bjartrar framtíðar.

„Förum niður í aðra deild“

„Eitt er alveg augljóst og kristaltært. Það er ekki hægt að fjármagna hallalausan rekstur á ríkissjóði með því að fresta nauðsynlegum framkvæmdum og viðhaldi. Það er ekki sjálfbært. Við föllum um flokk og förum niður í aðra deild.

Væri kannski skynsamlegt að nota hundrað milljarða til að byggja upp innviði til framtíðar í stað þess að fara í skuldaleiðréttingar með óljósum árangri? Það verður að gera áætlanir svo að við sjáum loks til lands í þessum efnum. Þar er ríkisstjórnin hreinlega að skila auðu.“

Erum að komast upp úr öldudal

Bjarni Benediktsson fjármálaráðherra sagði gagnrýni Guðmunds að einhverju leyti óréttmæta.

„Í tíð síðustu ríkisstjórnar fór fjárfesting í innviðum úr 2,4% niður fyrir eitt prósent. Það var skorið stórkostlega niður á því tímabili og við erum að komast upp úr þeim öldudal. Menn verða að kannast við það að við erum að koma úr mjög lágri opinberri fjárfestingu.“

Hann bætti við að forgangsröðun í niðurskurði hefði birst harkalega í miklum samdrætti í opinberri fjárfestingu. Benti hann svo á að honum fyndist 4-5% vera fullhá tala.

„Frá 1998 hefur fjárfesting í innviðum verið um tvö prósent af landsframleiðslu að jafnaði. Hún hefur verið lægri á undanförnum árum og hefur rétt náð einu prósenti. Þó höfum við verið að mjaka okkur upp í 1,3% á þessu ári,“ sagði Bjarni. „Það er hárrétt að til lengri tíma sé þetta of lítið.“

Bjarni Benediktsson fjármálaráðherra.
Bjarni Benediktsson fjármálaráðherra.

Eitt prósent þýði 23 milljarða

Þá sagði hann að tilfærsla í málaflokknum um eitt prósent til viðbótar næmi um 23 milljörðum.

„En það er mjög lítið svigrúm til að auka hlutfallið mikið því einkageirinn hefur tekið mjög við sér og er að nálgast langtímameðaltal í fjárfestingu. Það dregur úr svigrúmi hins opinbera. En hér er nánast ekkert atvinnuleysi og slakinn er horfinn. Seðlabankinn hefur verið að hækka vexti sem er góður vísir um ástand efnahagsins.“

Bjarni sagðist sammála Guðmundi um að stjórnvöld stæðu frammi fyrir mjög mörgum brýnum verkefnum.

Mörg stór verkefni að klárast

„En góðu fréttirnar eru þær að mörg stór verkefni eru að klárast og 5, 10 eða 15 milljarða svigrúm að myndast fyrir komandi ár,“ sagði hann og bætti við að honum fyndist of lítið fjármagn hafa verið sett í viðhald vega á undanförnum árum.

„Við þurfum að haga seglum eftir vindi og svigrúmið væri vissulega hægt að skapa ef rekstur ríkisins yrði minnkaður, en það er engin samstaða um slíkt á þinginu. Það er vandlifað þegar menn vilja hækka laun um 7% á ári og sjá atvinnulífið taka við sér og skapa ný störf, og á sama tíma stórauka fjárfestingarstigið.“

mbl.is

Innlent »

Nafnið réðst af fyrsta marki á EM

14:47 Magnús Yngvi Einarsson og Kristín Dögg Eysteinsdóttir fóru heldur óhefðbundnar leiðir við að ákveða nafn dóttur sinnar sem fæddist þann 16. júlí síðastliðinn, en nafn hennar réðst út frá því hvaða íslenska landsliðskona í knattspyrnu skoraði fyrsta markið á Evrópumótinu í síðasta mánuði. Meira »

Byssumaðurinn er ófundinn

14:30 Tveir karlmenn, sem handteknir voru af sérsveit ríkislögreglustjóra í Borgartúni í Reykjavík í gær vegna gruns um að þeir hefðu komið að málum þegar maður ógnaði fólki í bifreið með skotvopni fyrir utan veitingastað í Hafnarfirði á föstudagskvöldið, voru yfirheyrðir í dag en reyndust hins vegar ekki hafa komið við sögu í málinu. Meira »

„Versta er skorturinn á upplýsingum“

13:13 „Þetta var hræðileg nótt en það versta er skorturinn á upplýsingum,“ segir Heiða Sigríður Davíðsdóttir í samtali við mbl.is en hún er á meðal þeirra sem bíða eftir að komast heim frá Tenerife á Kanaríeyjum með flugfélaginu Primera Air. Farþegar eru nú komnir á hótel og gert ráð fyrir brottför seint í kvöld. Meira »

„Þetta er bara óhappahelgi hjá okkur“

12:07 „Þarna er bara um tæknilega bilun að ræða, því miður, sem verið er að vinna að viðgerð á eins fljótt og auðið er. Því miður eru engar leiguvélar tiltækar um helgar í Evrópu í sumar. Þannig að þegar ein vél bilar þá kemur eiginlega ekkert í staðinn,“ segir Hrafn Þorgeirsson, forstjóri Primera Air. Meira »

Drangey komin til heimahafnar

10:55 Mikill mannfjöldi fagnaði hinu nýja og glæsilega skipi Drangey SK 2, í eigu FISK Seafood, er það sigldi til heimahafnar í gær. Jón Edvald Friðriksson, framkvæmdastjóri félagsins, flutti ávarp og bauð skipið velkomið og sérstaklega skipstjórann Snorra Snorrason og áhöfn hans, en nokkrir áratugir eru síðan Skagfirðingar tóku síðast á móti nýju skipi. Meira »

Flestir inni fyrir kynferðis- og fíkniefnabrot

10:30 Alls eru nú 152 fangar í afplánun hér á landi. Samkvæmt tölum frá Fangelsismálastofnun afplána flestir fangar dóma fyrir fíkniefnabrot og næst flestir fyrir kynferðisafbrot. Meira »

Frost í jörðu í innsveitum

09:06 Frost var í jörðu sums staðar í innsveitum í nótt samkvæmt upplýsingum frá Veðurstofu Íslands. Þó var það aðeins lítillega og frostið mest -0,9% stig í Húsafelli í Borgarfirði. Á Þingvöllum fór hitinn niður í frostmark. Meira »

„Fólk sefur bara hérna á gólfunum“

09:29 „Við erum bara hérna enn á flugvellinum og ekkert að frétta,“ segir Erna Karen Stefánsdóttir í samtali við mbl.is en hún er stödd ásamt fjölskyldu sinni á Tenerife en 18 klukkustundir eru síðan þau ásamt fjölda annarra farþega áttu að fljúga heim með flugfélaginu Primera Air. Meira »

Reykur út frá eldamennsku

07:44 Slökkviliðið á höfuðborgarsvæðinu fékk tilkynningu um klukkan sjö í morgun um reyk í íbúð við Tryggvagötu í Reykjavík.  Meira »

Voru á annað hundrað þúsund

07:28 Menningarnótt 2017 lauk seint í gærkvöldi með glæsilegri flugeldasýningu sem tónlistarmaðurinn Helgi Björns taldi niður í en niðurtalningin fór fram á glerhjúpi tónlistar- og ráðstefnuhússins Hörpu. Hátíðin þótti takast afar vel og tók mikið fjölmenni þátt í henni eða á annað hundrað þúsund manns. Meira »

Beindi byssu að fólki í bifreið

Í gær, 22:10 Fjórir karlmenn voru handteknir síðastliðna nótt og í dag vegna atviks sem átti sér stað í gærkvöldi fyrir utan veitingastað í Hafnarfirði. Þar steig einn mannanna út úr bifreið og ógnaði að sögn vitna fólki í annarri bifreið með skotvopni. Meira »

Staðið verður við búvörusamninginn

Í gær, 21:06 Stjórnvöld hafa ekki annað í hyggju en að standa við búvörusamninginn sem samþykktur var á Alþingi síðasta haust. Þetta hefur Ríkisútvarpið eftir Bjarna Benediktssyni forsætisráðherra. Mikilvægt sé hins vegar að finna lausn til framtíðar á vanda sauðfjárbænda. Meira »

Tvær deildir á tveimur árum

Í gær, 20:10 „Við spilum með hjartanu og hver fyrir annan,“ segir Jóhannes Helgason, einn liðsmanna meistaraflokks Gnúpverja í körfuknattleik, um ótrúlegan uppgang liðsins undanfarin tvö ár. Meira »

Stemning í miðbænum - myndir

Í gær, 19:12 Mikil stemning hefur ríkt í miðbæ Reykjavíkur í dag, þar sem Menningarnótt fer fram í blíðskaparveðri. Hátíðin er allsherjar tónlistar- og menningarveisla, og fjölmargir viðburðir fara fram í allan dag. Meira »

Vel heppnuðu Reykjavíkurmaraþoni lokið

Í gær, 18:38 Vel heppnuðu Reykjavíkurmaraþoni Íslandsbanka, sem haldið var í 34. sinn í dag, er nú lokið. Rúmlega fjórtán þúsund manns tóku þátt í fimm vegalengdum. Þetta kemur fram í fréttatilkynningu frá Íþróttabandalagi Reykjavíkur. Meira »

Fjórir fá 20 milljónir hver

Í gær, 19:47 Fyrsti vinningur lottósins gekk út í kvöld en hann var samtals rúmar 80 milljónir króna. Fjórir skipta honum með sér og fær því hver um sig rúmar 20 milljónir í sinn hlut. Meira »

Kerfisbreytingar lagðar til hliðar

Í gær, 18:52 „Manni virðist þessi ríkisstjórn í raun og veru snúast fyrst og fremst um að viðhalda ákveðinni hægrisinnaðri efnahagsstjórn, sveltistefnu í garð almannaþjónustu og skattabreytingum sem eru ekki til þess að auka jöfnuð heldur þvert á móti,“ segir Katrín Jakobsdóttir, formaður VG. Lítið bóli á þeim kerfisbreytingum sem Viðreisn og Björt framtíð hafi boðað. Meira »

Mála stíginn rauðan

Í gær, 18:15 Í Sjálandshverfi í Garðabæ hafa nokkrir kaflar á göngu- og hjólastíg hverfisins verið málaðir rauðir. Svokölluðum hvinröndum verður komið fyrir á rauðu köflunum á næstunni en það eru litlar rákir í gangstéttinni Meira »
Óska eftir tilboði -7 sæta Peugeot 807
Til sölu ágætur Peugot 807 2,0 7 sæta, sjsk strumpari. Hann er skoðaður 2018, ...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
Heima er bezt tímarit
6. tbl. 2017 Þjóðlegt og fróðlegt Áskriftarsími 553 8200 www.heimaerbezt.n...
 
Félagsstarf
Staður og stund
Árskógar Hádegismatur, mexíkanskur hakkr...
Félagsstarf
Staður og stund
Árskógar Opin smíðastofa kl. 9-15. Opið ...
Framhald uppboðs
Nauðungarsala
Uppboð Einnig birt á www.naudungarsolu...
Háseti
Sjávarútvegur
Háseti Vísir hf óskar eftir a...