Rúmlega eitt þúsund manns hafa skrifað undir beiðni til Akureyrarbæjar um að hætta að nota salt á götur bæjarins.
Undirskriftalistinn fór í loftið á mánudag en einnig hefur verið stofnuð síða á Facebook undir heitinu „Við viljum saltið burt af götum Akureyrar“. Þar hafa 1.700 líkað við síðuna.
Eiríkur Björn Björgvinsson, bæjarstjóri á Akureyri, segir bæinn koma í veg fyrir svifryksmengun með því að nota saltið en Haukur Már Ingólfsson, skoðunarmaður hjá Tékklandi, bendir á að járn í og við bremsuprófarann sé orðið brúnt af ryði.