Framsendu ekki erindið á réttan stað

Ragnar Aðalsteinsson hæstaréttarlögmaður.
Ragnar Aðalsteinsson hæstaréttarlögmaður.

Ragnar Aðalsteinsson hæstaréttarlögmaður segir það ekki rétt sem forsvarsmaður Útlendingastofnunar hafi fullyrt, að hann hafi ekki sótt um endurupptöku máls skjólstæðinga sinna, þeirra Christian Boa­di og Mart­in Omulu.

Frétt mbl.is: Óskuðu ekki eftir endurupptöku

Í samtali við mbl.is segist Ragnar hafa sent tölvupóst til innanríkisráðuneytisins og afrit til Útlendingastofnunar þann 9. desember síðastliðinn, þar sem þess var óskað að skjólstæðingum hans yrði veitt dvalarleyfi á Íslandi.

Erindið fyrst núna til kærunefndarinnar

„Það var stílað á innanríkisráðuneytið og afrit sent á Útlendingastofnun svo þessum aðilum var kunnugt um vilja skjólstæðinga minna að þessu leyti. Hins vegar hefði greinilega, samkvæmt því sem stofnanirnar segja, átt að beina erindinu að kærunefnd útlendingamála. En samkvæmt stjórnsýslulögum þá ber því stjórnvaldi, sem fær erindi sem heyrir undir annað stjórnvald, að senda það til rétts stjórnvalds.“

Þar vísar Ragnar til 7. greinar stjórnsýslulaga, þar sem segir að berist stjórnvaldi skriflegt erindi, sem ekki snertir starfssvið þess, beri því að framsenda erindið á réttan stað svo fljótt sem unnt er. Svo virðist sem þessu ákvæði hafi ekki verið hlítt af hálfu hins opinbera og málið fer því nú fyrst á réttan stað, til kærunefndar útlendingamála.

„Núna fyrst mun ég senda ítarlegt erindi til kærunefndarinnar. Af hálfu Útlendingastofnunar var það forsenda þess að brottvísunin yrði afturkölluð í gærkvöldi að sótt yrði um endurskoðun og dvalarleyfi fyrir þeirra hönd,“ segir Ragnar.

Frétt mbl.is: Ekki fluttir úr landi í nótt

Ragnar fær ekki séð af hverju ákvörðun um brottvísun sé ...
Ragnar fær ekki séð af hverju ákvörðun um brottvísun sé tekin núna. mbl.is/Golli / Kjartan Þorbjörnsson

Segir stjórnvöld brjóta á meðalhófsreglunni

Ragnar telur að ýmsir vankantar hafi verið á stjórnsýslunni í málinu.

„Mennirnir eru með gilt dvalarleyfi og ég get ekki séð að þar sé getið neins fyrirvara. Hins vegar er ekki útilokað að það hefði mátt skrifa upplýsingar um fyrirvara inn í dvalarleyfið en ég kem ekki auga á slíkt. Þess vegna dreg ég í efa að það megi afturkalla leyfið og í raun var það ekki einu sinni afturkallað.“

Hann segist engan grundvöll sjá fyrir brottvísun mannanna. Þá geri hann sér ekki grein fyrir hvers vegna ákvörðun sé nú án sýnilegs fyrirvara tekin um að vísa þeim á brott.

„Það er enn fremur brot á meðalhófsreglu að gefa mönnum aðeins sólarhring til að búa sig undir brottflutning frá landinu. Það eru engin rök sem mæla með því og það hefur engan tilgang að haga málum þannig. Þeir eru báðir í fastri vinnu með gilt dvalarleyfi og þar af leiðandi engin ástæða til að gera það með skyndingu.“

Meðalhófsregla sú sem Ragnar vísar til felst í 12. grein stjórnsýslulaga þar sem segir að stjórnvald skuli aðeins taka íþyngjandi ákvörðun þegar lögmætu markmiði, sem að sé stefnt, verði ekki náð með öðru og vægara móti. Þá skuli þess gætt að ekki sé farið strangar í sakirnar en nauðsyn beri til.

Fram hefur komið að skjólstæðingar Ragnars hafa dvalið hér á landi í fjögur ár, eru með gilt dvalarleyfi, atvinnuleyfi og fasta vinnu. Hann segist engin fordæmi þekkja þar sem fólki í svipaðri stöðu hefur verið vísað af landi brott.

Ragnar segir afstöðu dómstóla hafa legið fyrir í málinu.
Ragnar segir afstöðu dómstóla hafa legið fyrir í málinu. mbl.is/Kristinn

Hæstiréttur vísaði málinu frá

Ef mál hefur verið til meðferðar í stjórnsýslunni í tvö ár eða lengur þá er í lögum um útlendinga sérstakt heimildarákvæði sem segir til um að veita megi mönnum rétt til að búa hér á landi, að öðrum skilyrðum uppfylltum. Ragnar segir að meðal annars sé vísað til þess ákvæðis í hans málflutningi.

„Auðvitað voru gerðar kröfur um dvalarleyfi af mannúðarástæðum hér á sínum tíma. Síðan fór málið fyrir dómstóla þar sem Hæstiréttur tók þá afstöðu að dómstólar gætu ekki fjallað um hvort fyrir hendi séu skilyrði til að veita dvalarleyfi af mannúðarástæðum. Afstaða dómstóla hefur alltaf legið fyrir að þessu leyti.“

Nú taka því við samskipti við kærunefnd útlendingamála. Spurður um hversu langan tíma afgreiðsla þeirrar nefndar muni taka segist Ragnar ekki þekkja málshraða hennar nægilega vel.

„Almennt gengur stjórnsýslan hægt og ég veit ekki hvort þetta fær einhverja sérstaka flýtimeðferð.“

mbl.is

Innlent »

Gerum skynsemi almenna

22:20 Gerum skynsemi almenna og breytum fyrri vinnubrögðum og viðhorfum. Þetta sagði Helgi Hrafn Gunnarsson, þingmaður Pírata, á Alþingi í kvöld. Píratar séu oft taldir róttækir og það ýmist talið þeim til skammar eða tekna. Meira »

Metnaður til að bæta kjör hóflegur

22:18 Ólafur Ísleifsson, þingmaður Flokks fólksins, sagði flokkinn vilja renna stoðum undir almenna hagsæld um leið og hann vildi tryggja að hún næði til allra en ekki bara sumra. „Enginn velkist í vafa um hverjir það eru sem standa höllustum fæti í íslensku samfélagi.“ Meira »

Steingrímur er íhaldsmaður

22:07 Áframhaldandi áhersla á að setja heilbrigðismálin í forsæti er góðs viti. Það sé líka góð vísbending um að Vinstri grænum sé alvara með heilbrigðismálin að flokkurinn hafi tekið að sér þennan óvinsæla ráðherra stól. Þetta sagði Jón Þór Ólafsson, þingmaður Pírata, á Alþingi í kvöld. Meira »

Hver króna skilar sér áttfalt til baka

21:50 Ísland framtíðar á að vera hugverkadrifið. Þetta sagði Lilja Alfreðsdóttir menntamálaráðherra á Alþingi í kvöld. Sagði hún nýja ríkisstjórn ætla að blása til stórsóknar í menntamálum og benti á að hver króna sem stjórnvöld greiddu til náms á háskólastigi skilaði sér áttfalt til baka. Meira »

Gleymst hafi að kynna landsmönnum hersetu

21:47 Helga Vala Helgadóttir, þingmaður Samfylkingarinnar, byrjaði sína ræðu á að tala um það góða nafn sem Íslendingar hafa skapað sér vegna afstöðu til jafnréttis kynjanna, umhverfismála, málefna Norðurslóða, loftslagsmála, réttindamálum samkynhneigðra og þegar kemur að sjálfstæðisbaráttu ríkja. Meira »

Leiði björgunarleiðangur íslensks samfélags

21:47 „Við teljum að innviðir samfélagsins séu orðnir svo veikir að veruleg hætta stafi af. Þess vegna erum við hér,“ sagði Svandís Svavarsdóttir heilbrigðisráðherra í ræðu sinni á Alþingi í kvöld. Rangt sé að ný stjórn sé ekki að stuðla að kerfisbreytingum. Meira »

Jöfnu tækifærin aðeins fyrir suma

21:26 Inga Sæland, formaður Flokks fólksins, flutti sína fyrstu ræðu í ræðustól Alþingis og var þakklát fyrir það tækifæri sem kjósendur veittu henni. Hún sagði margt gott og kjarnmikið í nýjum stjórnarsáttmála, en allt of fátt sem hönd væri á festandi. Meira »

Baneitraður kokteill skattalækkana

21:42 Það er á tímum góðæris sem stærstu efnahagsmistök stjórnvalda eru gerð. Þetta sagði Þorsteinn Víglundsson, þingmaður Viðreisnar, í ræðu sinni. Stefna stjórnarinnar í ríkisfjármálum gangi þvert gegn öllum varnaðarorðum og boðið sé upp á baneitraðan kokteil skattalækkana og útgjaldaaukningar. Meira »

Íþyngjandi frelsistakmarkanir á íslandi

21:25 Áslaug Arna Sigurbjörnsdóttir, þingmaður Sjálfstæðisflokksins, ítrekaði hversu vel Íslendingum vegnaði og sagði lífskjör vera með því besta sem gerðist í heiminum. „En þrátt fyrir góða stöðu og jákvæðar horfur, er ekki þar með sagt að á Íslandi sé ekkert sem megi bæta, breyta eða lagfæra.“ Meira »

Ekki afgirt virki þar sem allt er bannað

21:06 Markmiðið um kolefnishlutlaust Ísland árið 2040 hefur þegar vakið athygli utan landsteinana. Þetta sagði umhverfisráðherra á Alþingi í kvöld. Einstakt tækifæri skapist þegar andstæð öfl í pólitík mætist við ríkisstjórnarborðið og þess vegna hafi hann ákveðið að ganga til liðs við ríkisstjórnina. Meira »

Stjórnarmyndunarviðræðurnar Hungurleikar

20:59 Þorgerður Katrín Gunnarsdóttir, formaður Viðreisnar kvaðst stolt yfir því að Katrín Jakobsdóttir sé orðin forsætisráðherra. „Það er ekki bara töff heldur er hún mannkostamanneskja sem vonandi tekst að taka utan um, ekki bara stjórnarflokkana heldur samfélagið allt,“ sagði hún. Meira »

Nýtt þing ára­mót stjórn­mála­manna

20:56 Bjarni Benediktsson, þingmaður Sjálfstæðisflokksins og fjármálaráðherra nýrrar ríkisstjórnar, sagði nýtt þing eins og áramót stjórnmálamanna og væntingar fyrir nýja ríkisstjórn miklar. Meira »

„Þetta reddast“ ekki alltaf farsælt viðhorf

20:37 „Núverandi ríkisstjórnarsamstarf þriggja stærstu þingflokkanna á Alþingi byggist á sameiginlegri sýn ólíkra flokka sem hafa það markmið að vinna að ákveðnum lykilverkefnum sem koma Íslandi í fremstu röð.“ Þetta sagði Sigurður Ingi Jóhannsson, samgöngu- og sveitarstjórnar­ráð­herra, á Alþingi í kvöld. Meira »

„Tókst að beygja bakland eigin flokks“

20:20 Sigmundur Davíð Gunnlaugsson, formaður Miðflokksins, byrjaði ræðu sína í kjölfar stefnuræðu forsætisráðherra á Alþingi í kvöld á að óska Katrínu Jakobsdóttur til hamingju með embættið. „Henni tókst að beygja bakland eigin flokks.“ Meira »

Ábyrgð stjórnarmeirihlutans mikil

19:53 Stundum þarf að fórna minni hagsmunum fyrir meiri, en niðurstaðan þarf að vera samfélaginu sem heild til heilla, sagði Katrín Jakobsdóttir forsætisráðherra í stefnuræðu sinni á Alþingi í kvöld. Fátækt eigi heldur ekki að vera til staðar á jafn ríku landi og Íslandi. Meira »

Vanmeti hvað sé þjóðfélaginu til heilla

20:28 Lögbann á fjölmiðil korteri fyrir kosningar gengur gegn þeirri styrkingu lýðræðisins að tryggja lagaumhverfi sem gerir fjölmiðlum kleift að miðla upplýsingum sem teljast mikilvægar í pólitísku samhengi. Þetta sagði Halldóra Mogensen þingmaður Pírata í ræðu sinni á alþingi nú í kvöld Meira »

„Gefa afslátt í baráttunni gegn ójöfnuði“

20:07 Logi Einarsson, formaður Samfylkingarinnar og 5. þingmaður norðausturkjördæmis, byrjaði ræðu sína á að óska nýrri ríkisstjórn velfarnaðar og fagnaði því að nú sæti kona í forsæti öðru sinni. Sagðist hann vona að það teldist ekki til tíðinda í náinni framtíð. Meira »

Gífurlegt tjón á húsnæði Kvikkfix

18:19 Starfsemi bílaverkstæðis Kvikkfix liggur niðri og gífurlegt tjón varð á húsnæði fyrirtækisins. „Það flæddi í öll 3 húsin okkar, um öll herbergi og allt saman,“ segir Hinrik Morthens, einn þriggja eigenda Kvikkfix, í samtali við mbl.is. Meira »

Börnin sem kerfið gleymdi

Í jólapakka golfarans
Lagerhreinsun - hentug viðbót í jólapakkann Síðustu eintökin af Vasapésunum á s...
Egat Diva Snyrti-/nuddbekkur rafmagns fyrir Snyrti,Fótaðgerða,Nuddara
Egat Diva Rafmagns snyrti-/nuddbekkur, svartir og beige á litinn.100% visa raðgr...
HARMONIKKUHURÐIR SPARA MIKIÐ PLÁSS
Smíðum eftir máli, oftast afgreiddar samdægurs, verð frá kr. 13.900,- Mex ehf, ...
 
Félagsstarf
Staður og stund
Aflagrandi 40 Opin vinnustofa kl 9, fore...
Onrs- 2017- 19 ræstingaþjónusta
Tilboð - útboð
/ 14.12.2017 Útboð Orka náttúrunna...
Álagning vanrækslugjalds
Nauðungarsala
Sýslumaðurinn á Vestfjörðum Auglýsin...
Félagsstarf aldraðra
Staður og stund
Aflagrandi 40 Opin vinnustofa kl. 9, gön...