Sýning í tilefni af 90 ára afmæli Betel-safnaðarins í Vestmannaeyjum verður opin næstu þrjár vikurnar en þeim tímamótum fagnaði söfnuðurinn um helgina.
„Við byrjuðum á föstudagskvöldið með sálmakvöldi þar sem voru sungnir gömlu sálmarnir okkar í kántrístíl,“ sagði Guðni Hjálmarsson, forstöðumaður safnaðarins. „Svo á laugardaginn opnuðum við þessa sýningu í Einarsstofu af sögu safnaðarins með myndum og hlutum úr starfinu frá upphafi.“
Söfnuðurinn var formlega stofnaður með skírn 22 stofnfélaga hans árið 1926 og hóf fljótlega m.a. öflugt barnastarf.