Byrjað er að hífa ál um borð í flutningaskip við álverið í Straumsvík en yfirmenn í fyrirtækinu hafa unnið að því í morgun að flytja álið niður á höfn í kjölfar verkfalls hafnarverkamanna. Þetta staðfestir Kolbeinn Gunnarsson, formaður verkalýðsfélagsins Hlífar í Hafnarfirði í samtali við mbl.is.
Verkfallsverðir fylgjast með en Kolbeinn segir framgönguna fela í sér skýrt verkfallsbrot að mati félagsins. Vinnueftirlitið mun vera á leiðinni á staðinn til þess að kanna hvort þeir sem vinna að því að koma álinu um borð hafi til þess tilskilin réttindi. Kolbeinn segist telja að svo sé ekki.