Ragnar Aðalsteinsson, hæstaréttarlögmaður, telur að niðurstaða Hæstaréttar Íslands um að lög um endurupptökunefnd standist að einhverju leyti ekki stjórnarskrá, breyti engu um framtíðina hjá nefndinni.

„Framvegis þá gætir endurupptökunefnd sín á því að fella ekki úr gildi þá dóma sem um er fjallað, heldur eingöngu fallast á endurupptöku ef það á við. Hún þarf að geta þess að dómurinn sem fjallað er um standi óbreyttur þangað til nýr dómur gengur,“ segir Ragnar.

Skiptir engu með framtíðarmál

„Ef það eru einhver mál sem hafa fengið samskonar meðferð og þessi, sem ég hef grun um að séu eitt eða tvö mál, þá skapast meiri vandi. En með framtíðarmál eins og þau sem eru í úrvinnslu, Guðmundar- og Geirfinnsmálið og önnur, þá skiptir þetta ekki neinu máli að mínu viti,“ bætir hann við.

Ragnar Aðalsteinsson situr við hlið Lúðvíks Bergvinssonar, sem er lögmaður erfingja þeirra Tryggva Rúnars Leifssonar og Sævars Ciesielski í Guðmundar- og Geirfinnsmálinu. mbl.is/Árni Sæberg

Ragnar er lögmaður Erlu Bolladóttur og Guðjóns Skarphéðinssonar en settur ríkissaksóknari í Guðmundar- og Geirfinnsmálinu komst það þeirri niðurstöðu síðasta sumar að rök væru fyrir hendi í endurupptöku á máli þeirra sem voru dæmdir á sínum tíma.

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• Ríkið þarf að greiða Alberti 26 milljónir
• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu

» Fleiri tengdar fréttir

Endurupptökunefnd

Málflutningurinn tekur tvo daga

• Verði látið samræmast stjórnarskrá
• Laga sig að dómi Hæstaréttar
• Útilokar ekki endurupptöku mála
• Má ekki fella dóma úr gildi

» Fleiri tengdar fréttir

• Blogga um frétt