Lækkar greiðslubyrði um allt að 30%

Ragnar Árnason, hagfræðiprófessor á ráðstefnunni í dag.
Ragnar Árnason, hagfræðiprófessor á ráðstefnunni í dag. Mbl.is/Árni Sæberg

Vandamál núverandi húsnæðiskerfis er að það eru mjög þungbærar greiðslur og vaxtabyrði af húsnæðislánum í upphafi þegar fólk er að kaupa íbúðir í fyrsta skipti. Þá er þröskuldurinn til að eiga fyrir útborgun nokkuð hár sem mörgum reynist erfitt að yfirstíga. Þessi staða ýtir undir að fólk verði á leigumarkaðnum í staðinn fyrir að eignast sjálft eigið húsnæði, en það er hagfræðilega mjög óhagkvæmt. Þetta kom fram í máli hagfræðiprófessorsins Ragnars Árnasonar á Fasteignaráðstefnunni í Hörpu í dag.

Meðalraunhækkun verið 2,4% síðustu 15 ár

Mbl.is sagði frá hugmynd Ragnars í gær, en þær fela í sér að komið verði á fót fjárfestingasjóði ríkisins fyrir íbúðarhúsnæði. Myndi þá ríkið leggja til 3 milljónir til fyrstu íbúðakaupa einstaklinga gegn eignarhluta upp á þá hlutdeild. Slíkt myndi lækka þörf á eiginfjárframlagi fólks við fyrstu kaup og lækka vaxtakostnað vegna lægri lána. Á móti kæmi að ávinningur eigenda væri minni þegar íbúðaverð hækkar þar sem ríkið myndi eiga hluta eignarinnar og fá sinn hluta af söluverðina þegar íbúðin væri seld.

Ragnar benti í fyrirlestri sínum á að verðhækkun íbúðarhúsnæðis myndi tryggja ávöxtun sjóðsins af þessari fjármögnun og því væri ekki um styrk að ræða heldur fjárfestingarframlag frá ríkinu. Hann sagði að þetta gæti einnig verið fjárfestingahugmynd fyrir einkaaðila eða banka þegar fram líða stundir. Benti hann á að á höfuðborgarsvæðinu væri árleg meðalraunhækkun fyrir landið í heild um 2,4% á árunum 2000-2015. Á höfuðborgarsvæðinu væri hækkunin 2,6 til 2,8% og úti á landi 1,2%.

Ragnar segir nýju leiðina geta sparað kaupendum allt að þriðjung ...
Ragnar segir nýju leiðina geta sparað kaupendum allt að þriðjung í greiðslubyrði. mbl.is/Sigurður Bogi Sævarsson

Gæti lækkað greiðslubyrði um þriðjung

Ragnar setti upp dæmi fyrir hóflega fyrstu íbúð fyrir par sem væri að kaupa og kostaði 20 milljónir. Ef miðað væri við að hvort þeirra gæti fengið 3 milljóna fjármögnun frá ríkinu og þau væru sjálf með eina milljón í eigið fé, þá væri árleg greiðslubyrði af verðtryggðu 13 milljóna láni til 25 ára um 1,19 milljónir á ári á móti 1,78 milljónum sem slíkt lán kostar í dag. Þetta gæti því vel sparað heimili um þriðjung húsnæðiskostnaðar á ári.

Ókostirnir við þetta fyrirkomulag eru að sögn Ragnar mikil fjármagnsþörf í upphafi, sérstaklega þar sem væntanlega sé uppsöfnuð þörf í dag. Slíkt væri reyndar hægt að takmarka með einhverjum leiðum.

100 milljarða uppsöfnuð fjármagnsþörf

Sagði Ragnar að ef miðað væri við rúmlega 6 ára meðaleignartíma og að fjöldi umsækjenda í þessa leið væri 6 þúsund á ári til að byrja með en svo 3.500 til lengri tíma litið, þá væri kostnaður fyrsta árið 18 milljarðar en færi svo niður í 10 milljarða á fimm árum.

Uppsöfnuð fjármagnsþörf vegna þessa væri í heild 100 milljarðar að hans sögn væri miðað við 3 milljónir á hvern einstakling, en 160 ef horft væri til 5 milljóna.

Til að setja þetta í samhengi sagði Ragnar að heildarvirði íbúðarhúsnæðis á Íslandi í dag væri um 2.800 milljarðar og að útlán Íbúðalánasjóðs nemi 700 milljónum. Sagði hann þetta því raunhæfan möguleika ef vilji væri til að fara þessa leið.

Ármann og Eygló spennt fyrir hugmyndunum

Ármann Kr. Ólafsson, bæjarstjóri Kópavogs, var einn af frummælendum í dag. Tók hann undir hugmyndir Ragnars og rifjaði upp að svipað kerfi hefði verið í gangi í 1-2 ár þegar hann keypti sína fyrstu íbúð árið 1987. „Veit ekki af hverju þetta hætti,“ sagði Ármann og bætti við að hann hefði heyrt í mjög fáum sem hefðu nýtt sér þetta svo hann væri ekki viss um hvort þetta væri ímyndun ein, en fundargestur lét vita að hann hefði einnig nýtt sér þetta og því hafi þetta verið raunveruleg aðgerð á sínum tíma.

Eygló Harðardóttir, félags- og húsnæðismálaráðherra, var meðal fundargesta og sagði hún í fyrirspurnartíma að henni litist vel á þessar hugmyndir Ragnars og að þær væru í takt við hugmyndir ríkisstjórnarinnar um séreignarstefnu. Sagði hún þó einn ókost vera í þessu máli sem hefði komið fram í greiningu ráðuneytisins á húsnæðisfrumvörpum sem nú liggja fyrir. Það væri að líkur væru til þess að húsnæðisverð myndi hækka samhliða svona aðgerð. „Það er ekki nóg að styrkja eftirspurnarhliðina, það þarf líka að styrkja framboðshliðina,“ sagði Eygló.

mbl.is

Innlent »

Funda um stöðvun framkvæmda

12:04 Atvinnuveganefnd Alþingis ætlar að ræða stöðuna sem upp er komin eftir að úrskurðarnefnd umhverfis- og auðlindamála stöðvaði framkvæmdir við Þeistareykjalínu 1 og Kröflulínu 4. Kristján Möller, sem óskaði eftir fundinum, segir að kalla ætti málsaðila á fund nefndarinnar. Meira »

Myndaði norðurljósin með dróna

11:28 Norðurljósin eru byrjuð að láta aftur á sér kræla nú þegar daginn er tekið að stytta eftir sumarið. Kvikmyndagerðarmaðurinn Óli Haukur Mýrdal nýtti óvenjulega aðferð til að mynda sjónarspilið í vikunni en hann notaði dróna sem tók þau upp í rauntíma. Meira »

Átta bílar í árekstri

11:26 Mikil umferðateppa myndaðist á Hafnafjarðarveginum við Kópavogsgjá eftir átta bíla árekstur þar sem hver bíllinn ók aftan í þann næsta upp úr 8 í morgun. Samkvæmt lögreglunni var enginn fluttur á sjúkrahús en tveir einstaklingar hlutu minniháttar meiðsli og ætluðu sjálfir að leita sér aðhlynningar. Meira »

Grunur um umfangsmikil fjársvik

11:02 Lögreglan á Suðurnesjum hefur til rannsóknar umfangsmikið fjársvikamál sem upp kom laugardaginn 13. ágúst. Einn sætir gæsluvarðhaldi vegna málsins. Maðurinn er grunaður um að hafa greitt fyrir flugferðir með stolnum greiðslukortaupplýsingum. Meira »

Norður á sem minnstu eldsneyti

10:58 Sparaksturskeppni FÍB og Atlantsolíu þar sem ekið er frá Reykjavík til Akureyrar alls 381,6 km hófst í morgun. Markmiðið er að nota sem minnst eldsneyti en 19 bílar taka þátt og hægt er að fylgjast með ferðum þeirra í rauntíma. Meira »

Lækka verð til bænda um 12%

10:52 Sláturhús SAH afurða á Blönduósi hefur lækkað verð til bænda um 12%, en það er til samræmis við verðskrá Sláturfélags Vopnfirðinga sem kynnt var í gær. Ástæður lækkunarinnar eru sagðar þær að bændur skuli bera tap vegna uppsafnaðra birgða af gærum og aukaafurðum og þá sé gengisþróun óhagstæð. Meira »

Leitað að Elvu Brá

10:20 Lögreglan á höfuðborgarsvæðinu lýsir eftir Elvu Brá Þorsteinsdóttur. Elva Brá, sem er 26 ára og glímir við veikindi, er 165 cm á hæð, grannvaxin með ljóst sítt hár. Hún var klædd í svartar buxur og bláa íþróttatreyju. Meira »

Dýrkeyptur hraðakstur

10:44 Rúmlega tuttugu ökumenn voru kærðir í vikunni fyrir of hraðan akstur í umdæmi lögreglunnar á Suðurnesjum samkvæmt tilkynningu frá lögreglunni. Meira »

Viðar ráðinn prestur við Landakirkju

09:29 Viðar Stefánsson, 26 ára gamall guðfræðingur frá Gnúpverjahreppi í Árnessýslu, hefur verið ráðinn prestur við Landakirkju.  Meira »

Hugnast ekki að starfa með Pírötum

09:12 Bjarni Benediktsson, fjármálaráðherra og formaður Sjálfstæðisflokksins, hefur verulegar efasemdir um ríkisstjórnarsamstarf með Pírötum eftir kosningar. Meira »

Unnið við brú yfir Hafnarfjarðarveg

08:28 Í dag, 26. ágúst, verður unnið við brú yfir Hafnarfjarðarveg við Hamraborg.   Meira »

Roðageitungur á ferðinni

08:18 Fregnir af endalokum roðageitungs hérlendis hafa verið stórlega ýktar því undanfarna daga hefur hann sést í garði í Kvíslunum í Reykjavík. Meira »

Allt að 43% verðmunur á máltíðum

07:57 Að minnsta kosti 43% getur munað á verði skólamáltíða í grunnskólum. Þetta kemur í ljós eftir lauslega könnun Morgunblaðsins á gjaldskrám ýmissa stærri sveitarfélaga. Meira »

Sigríður sækist eftir 2. sæti

07:30 Sigríður Á. Andersen alþingismaður sækist eftir 2. sæti í prófkjöri sjálfstæðismanna í Reykjavík sem fram fer 3. september. Meira »

Hannes og Hallgerður efst

06:33 Stórmeistarinn Hannes Hlífar Stefánsson varð efstur á mjög sterku skákmóti sem Hrókurinn og Stofan Café efndu til á fimmtudagskvöldið, í tilefni af Ólympíuskákmótinu sem hefst í Bakú í Aserbaídsjan í næstu viku. Meira »

Létta á sér við flugvöllinn

07:37 Borið hefur á því að erlendir ferðamenn gangi örna sinna við áningarstað á Reykjanesi í námunda við Keflavíkurflugvöll.   Meira »

Lægðir á leið til landsins

06:49 Þokkalegt veður verður um helgina en blautt og fremur kalt. Eftir helgi er jafnvel von á lægðum til landsins með tilheyrandi vindi og rigningu. Meira »

Drukkinn ökumaður olli tjóni

06:01 Drukkinn ökumaður ók á ljósastaur skömmu fyrir klukkan eitt í nótt á höfuðborgarsvæðinu, samkvæmt upplýsingum frá lögreglu.  Meira »
Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
Kerra m/ lyftu til sölu.
Kerra með lyftu,opnanleg á báðum hliðum,önnur hliðin opnast alveg.Innbyggður raf...
Húsgagnaviðgerðir
Ég tek að mér viðgerðir á húsgögnum bæði gömlum og nýjum. Starfsemin fer fram í ...
Viðhald fasteigna
Við þjónustum þig með lítil sem stór verk. Tímavinna eða tilboð. sími: 544-44...
 
Samkoma
Félagsstarf
Samkoma kl. 20 í Kristniboðs- salnum. M...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Árskógar 4 Smíðar og útskurður með leiðb...
Eldri borgarar
Staður og stund
Árskógar 4 Félagsvist með vinningum kl. ...