Lögreglu skorti heimild til að sekta

Justin Bieber í Jökulsárlóni.
Justin Bieber í Jökulsárlóni. Skjáskot af YouTube

Töluverðar umbætur verða gerðar í slysavörnum við Jökulsárlón fyrir sumarið. Til stendur að setja upp nokkur skilti, afmarka bílastæði og setja upp björgunarlykkjur við lónið.

Nokkuð er um að gestir lónsins fari út á ísinn, sigli á gúmmíbátum eða syndi jafnvel í lóninu. Stutt er síðan hátt í fimmtíu ferðamenn röltu um á ísnum og var Björgunarfélag Hornafjarðar kallað út þeim til bjargar.

Jónas Guðmundsson hjá Slysavarnarfélaginu Landsbjörg segir í samtali við mbl.is úrræði skorti svo hægt að sekta þá sem fari á svæði sem eru hættuleg og varað hefur verið við. Fyrir rúmu ári var fundað um slysavarnir við Jökulsárlón og nú lítur út fyrir að hægt verði að bæta stöðu mála á næstu tveimur mánuðum.

Hægt að keyra niður að lóninu

„Þetta hófst með því að fulltrúar Vatnajökulsþjóðgarðs, sveitarfélagsins, lögreglu, landeigenda og Landsbjörg komu saman og veltu fyrir sér hvað hægt væri að gera þarna,“ segir Jónas en oft hefur legið við slysi við Jökulsárlón.

Ákveðið var að setja upp fleiri skilti, afmarka bílastæði og setja upp björgunarlykkju og því næst var hafist handa við fjármögnun verkefnisins. Verkefnið kallast Slysavarnir á völdum svæði og er stefnt að því að skoða næst hvað betur megi fara í slysavörnum við Sólheimajökul.

„Næsta skref er að setja upp mjög góð skilti sem benda á hættuna sem felst í því að fara út á ísinn. Bílastæðin verða afmörkuð þannig að umferðinni sé stýrt en í dag er hægt að keyra þarna alla sanda niður í fjöru og að lóninu,“ segir Jónas. Þá verða settar upp að minnsta kosti fimm Björgvinsbelti, eða svokallaðar björgunarlykkjur.

Við skiltagerðina verður litið til Nýja Sjálands. „Við ætlum ekki að fara í þessa stöðluðu skiltagerð eins og mikið er hér á landi heldur vera með sértæk skilaboð sem miða við staðinn hverju sinni,“ bætir hann við.

Stórhættulegt að sigla um á gúmmíbátum

Jónas segir að atvikið um daginn, þegar hátt í fimmtíu ferðamenn gengu um lónið sem var ísilagt að hluta, hafi orðið til þess ýta enn frekar við hópnum.

Telur þú að fyrirhuguð skilti og merkingar gætu komið fyrir atvik sem þetta?

„Ég held að þó að skiltið og annað hefði verið komið upp hefði það ekki komið í veg fyrir þetta. Það sem vantar til viðbótar við fræðslu og slysavarnir á hverjum stað er að lögregla og aðrir hafi úrræði, það er að segja, það er ekkert sem bannar fólki að fara út á ísínn, það er enginn sem bannar fólki að synda í Jökulsárlóni,“ segir Jónas.

„Það eru nokkrir sem koma með litla gúmmíbáta, sem er stórhættulegt. Það er ekki hægt að banna það, lögreglan hefur ekki vald til þess og fólk er hrætt við að taka af skarið. Svona þarf að vera bannað af því að það er ljóst að þetta er stórhættulegt,“ bætir Jónas við og vill sjá að fólk verði sektað fyrir hegðun sem þessa.

Frétt mbl.is: Búið að koma öllum af ísnum

Frétt mbl.is: Óttast að fólk elti Bieber

Töluverðar umbætur verða gerðar í slysavörnum við Jökulsárlón fyrir sumarið.
Töluverðar umbætur verða gerðar í slysavörnum við Jökulsárlón fyrir sumarið. mbl.is/Ómar Óskarsson
Jónas Guðmundsson hjá Landsbjörg.
Jónas Guðmundsson hjá Landsbjörg.
mbl.is

Innlent »

Hafa til loka maí til að semja

05:30 Vilhjálmur Vilhjálmsson, forstjóri HB Granda, segist hóflega bjartsýnn á að fyrirtækið nái samningi við Akraneskaupstað á næstu mánuðum sem tryggi áframhaldandi vinnslu botnfisks í bæjarfélaginu. Meira »

Seldur á undirverði

05:30 Verðmat sem Icora Partners gerði fyrir hóp lífeyrissjóða á Arion banka bendir til að vogunarsjóðirnir fjórir sem keyptu 29% hlut í bankanum fyrr í þessum mánuði hafi fengið hlutinn á undirverði. Meira »

Kærir tvo menn fyrir fjársvik

05:30 Áslaug Björt Guðmundardóttir, bókaútgefandi, hyggst leggja fram kæru vegna fjársvika, en bókakassar í hennar eigu fundust á víðavangi í vikunni. Kom fundurinn henni í opna skjöldu. Meira »

Spurði 14 spurninga sama dag

05:30 Undanfarna daga hefur fyrirspurnum rignt yfir ráðherra ríkisstjórnarinnar á Alþingi. Í þessari og síðustu viku hafa alþingismenn lagt fram 53 fyrirspurnir til ráðherranna og óskað eftir munnlegum eða skriflegum svörum. Meira »

Boðar lækkun virðisaukaskatts

05:30 Undir lok þessarar viku hyggst ríkisstjórnin kynna hugmyndir að lækkun hins svokallaða almenna þreps virðisaukaskattskerfisins sem í dag stendur í 24%. Það var síðast lækkað úr 25,5% í ársbyrjun 2015. Meira »

Margoft bent Þjóðskrá á áhættuna

05:30 Pósturinn segir að fyrirtækið hafi margoft bent Þjóðskrá á að ekki sé æskilegt að senda vegabréf með almennum bréfapósti.   Meira »

Veðurstofan varar við stormi

Í gær, 23:39 Veðurstofa Íslands varar við austanstormi undir Eyjafjöllum og austur í Öræfasveit á morgun. Vindhviður geti náð 35 m/s. Búast megi við talsverðri úrkomu austan Öræfa síðdegis. Meira »

Ekkert helíum í blöðrur

05:30 „Aðallega er þetta táknrænt en vissulega er helíum sjaldgæf gastegund og fer þverrandi,“ segir Kristinn Andersen, bæjarfulltrúi Sjálfstæðisflokksins í Hafnarfirði, en hann situr í umhverfis- og framkvæmdaráði Hafnarfjarðar sem leggur til að stofnanir bæjarins hætti að nota helíum í gasblöðrur. Meira »

Vilja kjósa um nýjar viðræður við ESB

Í gær, 22:33 Þingflokkur Pírata hefur lagt fram þingsályktunartillögu á Alþingi um að fram fari þjóðaratkvæðagreiðsla um það hvort óska eigi eftir nýjum viðræðum við Evrópusambandið um inngöngu Íslands í sambandið. Þjóðaratkvæðið fari fram vorið 2018. Meira »

Vont að neytendur þurfi að bíða lengur

Í gær, 22:16 Ólafur Stephensen, framkvæmdastjóri Félags atvinnurekenda, segir það bagalegt fyrir innflytjendur matvæla að gildistöku tollasamnings við Evrópusambandið seinki enn frekar enda hafi þeir verið byrjaðir að skipuleggja innkaup og birgðahald með hliðsjón af því að samningurinn tæki gildi um mitt ár. Meira »

Dynjandisheiði opnuð í dag

Í gær, 21:38 Vegir eru greiðfærir að mestu um allt land samkvæmt upplýsingum frá Vegagerðinni en hálka eða hálkublettir eru á flestum fjallvegum á Vestfjörðum. Meira »

Vilja efla viðskipti við Bretland

Í gær, 21:29 Kanada hyggst efla viðskipti sín við Bretland eftir að Bretar segja skilið við Evrópusambandið. Þetta sagði Justin Trudeau, forsætisráðherra Kanada, í dag. Bresk stjórnvöld hófu formlega í dag úrsagnarferli Bretlands úr sambandinu. Meira »

Matvara ódýrari um næstu áramót

Í gær, 20:58 Tollasamningur Íslands og Evrópusambandsins um viðskipti með landbúnaðarvörur tekur ekki gildi fyrr en um næstu áramót, ári seinna en upphaflega stóð til. Í lok síðasta árs var þó fyrirséð að gildistöku samningsins myndi seinka fram á mitt ár 2017. Meira »

Ímynd kennarastarfsins í krísu

Í gær, 20:30 Bæta þarf ímynd kennarastarfsins og starfið þarf að vera samkeppnishæft svo nýnemar skrái sig í kennaranám. Menntamálaráðherra hyggst meðal annars skoða veitingu leyfisbréfa til kennara með það fyrir augum að þeir geti kennt á fleiri skólastigum. Þetta kom m.a. fram á ársfundi Kennarasambandsins. Meira »

Verið að klára vopnaleitina

Í gær, 19:34 Verið er að ljúka vopnaleit í Flugstöð Leifs Eiríkssonar sem framkvæmd var í kjölfar þess að flugstöðin var rýmd fyrr í dag af öryggisástæðum. Farþegar með flugvél frá Grænlandi fóru ekki í gegnum vopnaleit við komuna til Keflavíkur og blönduðust öðrum farþegum. Meira »

Fleiri eldri borgarar hafa fjárhagsáhyggjur

Í gær, 20:45 Fleiri eldri borgarar telja að heilbrigðisþjónustan hafi versnað síðustu ár. Hins vegar eru þeir sem nýta sér hana almennt nokkuð sáttir við aðgengið. Það fjölgar í þeim hópi sem hefur áhyggjur af fjárhag. Þetta kemur fram í könnun á greiningu á högum og líðan aldraðra á Íslandi árið 2016. Meira »

Flugvélarnar ein af annarri í loftið

Í gær, 20:16 Farþegum, sem þurftu að yfirgefa Flugstöð Leifs Eiríkssonar fyrr í dag af öryggisástæðum, hefur öllum verið hleypt í gegnum vopnaleit og inn á brottfararsvæðið. Flugvélarnar sem seinkaði vegna þessa eru að leggja af stað ein af annarri og hafa þegar nokkrar farið. Meira »

Glatt landann með tónum í 95 ár

Í gær, 19:30 Lúðrasveit Reykjavíkur heldur í dag upp á 95 ára afmæli sitt með stórtónleikum í Hörpu í Reykjavík. Sveitin varð til þegar tveir lúðraflokkar, Harpan og Gígja, sameinuðust 1922. Síðan þá hefur lúðrasveitin starfað óslitið og oftar en ekki glatt landann á hátíðisdögum þjóðarinnar og á tónleikum. Meira »
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
Notar þú fatastærð 38-58 ?
Vertu þú sjálf, vertu Bella Donna Fallegur og vandaður fatnaður, frá Hollandi, ...
GLERFILMUR
Glerfilmur, gluggafilmur, sand& sólarfilma. Merkismenn, sími 544- 2030 www.merk...
 
Eldri borgarar
Staður og stund
Aflagrandi 40 Opin vinnustofa kl. 9, mor...
Aðalfundur
Fundir - mannfagnaðir
Aðalfundur Aðalfundur ...
L edda 6017032819 i
Félagsstarf
? EDDA 6017032819 I Mynd af auglýsin...
Aðalfundur
Fundir - mannfagnaðir
Félag sjálfstæðismanna í Grafarholt...