„Börn eiga alltaf að njóta vafans“

Börn í skólasundi. Myndin tengist ekki efni greinarinnar.
Börn í skólasundi. Myndin tengist ekki efni greinarinnar. mbl.is/Ásdís

Tvö systkini á Þingeyri, sex og ellefu ára, hafa hvorki mætt í leikfimi né skólasund síðan í nóvember en faðir þeirra hefur staðið í hatrömmum deilum við starfsmann sundlaugarinnar og íþróttamiðstöðvarinnar á staðnum og sakar hann um að hafa svikið samkomulag sem gert var síðasta vor en því var ætlað að tryggja að börnin gætu mætt í umrædda tíma. Pattstaða virðist komin upp í málinu.

Faðir barnanna sem hvorki hafa mætt í sund né leikfimi á Þingeyri frá því í nóvember síðastliðnum, Snorri Guðbergur Snorrason, hefur lengi staðið í hatrömmum deilum við starfsmann sundlaugarinnar og íþróttamiðstöðvarinnar og telur hann engar líkur á því að hægt verði að ná sáttum. Til þess hafi of mikið gengið á. Tekið skal fram að ágreiningur Snorra og mannsins tengist ekki störfum hans í sundlauginni og Morgunblaðið hefur heimildir fyrir því að aðrir foreldrar hafi ekki kvartað undan störfum hans þar.

Snorri vill ekki að börn sín umgangist manninn enda séu þau hrædd við hann. Það munu þau hafa viðurkennt fyrir fagaðilum.

Börnin neituðu fyrst að mæta í leikfimi og sund á síðasta skólaári og þegar fyrir lá að maðurinn myndi starfa áfram í sundlauginni og íþróttamiðstöðinni hafði skóla- og tómstundasvið Ísafjaðarbæjar milligöngu um gerð samkomulags sem átti að tryggja að börnin gætu mætt í tímana. Að sögn Snorra kom umboðsmaður barna að málinu líka.

Yrði ekki á vakt

Í samkomulaginu fólst að Snorri myndi sjálfur fylgja dóttur sinni í leikfimi og sund en vinnusvæði starfsmannsins er hvorki sundlaugin sjálf, íþróttasalurinn né kvennaklefinn. Þannig var svo búið um hnúta að maðurinn yrði ekki á vakt meðan sonur Snorra væri í leikfimi eða sundi og skildi Snorri það svo að honum bæri að yfirgefa húsið á meðan.

Á þetta fyrirkomulag reyndi fyrst í ágúst síðastliðnum. Allt gekk að óskum til að byrja með og börnin stunduðu tímana. Fljótlega komst Snorri hins vegar að því að maðurinn ætti til að ílendast í húsinu enda þótt hann væri ekki á vakt og fyrir vikið rakst sonur hans ítrekað á manninn. Við þetta gat Snorri ekki unað og vakti athygli skóla- og tómstundasviðs Ísafjarðarbæjar á þessu. Þegar ekkert breyttist ákvað Snorri að draga börn sín alfarið úr sundi og leikfimi. Segir hann það hafa verið að frumkvæði barnanna sjálfra. Þetta var í nóvember síðastliðnum og hafa börnin ekki mætt í tímana síðan.

Í litlu hlutastarfi

Snorri segir ekki koma til greina að börnin byrji að sækja tímana á ný fyrr en tryggt sé að maðurinn verði ekki í húsinu meðan drengurinn er þar líka. Maðurinn sé aðeins í litlu hlutastarfi við sundlaugina og fyrir vikið ætti þetta ekki að vera flókið. Hann kveðst hins vegar hafa fengið þau svör hjá skóla- og tómstundasviði Ísafjarðarbæjar að ekki sé hægt að gera þá kröfu til starfsmannsins að hann víki úr húsinu á meðan drengurinn er þar enda þótt hann sé ekki á vakt. Hann eigi fullan rétt á að vera þar sem gestur. Þarna stendur hnífurinn í kúnni.

Snorri segir starfsmanninn hafa farið í frí í nóvember eða desember og furðar sig á því að skólinn hafi ekki látið hann og eiginkonu hans vita en börnin hefðu hæglega getað sótt tímana á meðan.

Að sögn Snorra fengu bæði börnin einkunn í sundi og leikfimi á haustönn og mun það hafa verið byggt á mati kennarans en börnin mættu sem kunnugt er í ágúst, september og október. Hann veit ekki hvað verður gert á vorönn, hvort þau fái einkunn enda þótt þau hafi ekki mætt eða alls enga einkunn.

Lýg ekki um ástæðuna

Að sögn Snorra hefur skólinn lagt til að hann sæki um leyfi fyrir börnin bæði í sundi og leikfimi en ekki á þeim forsendum að þau geti ekki umgengist téðan starfsmann. Því hafnaði Snorri. „Ég lýg ekki til um ástæðuna,“ segir hann.

Snorri fékk á dögunum bréf frá Grunnskólanum á Þingeyri þess efnis að málið hefði verið tilkynnt barnaverndaryfirvöldum en þegar börn mæta af einhverjum ástæðum ekki í skóla kemur venjulega til þeirra kasta. Hann kveðst ekki óttast þá úttekt enda vegni börnunum að öðru leyti mjög vel, bæði félagslega og í námi. Öllum eigi að vera ljóst hvers vegna þau sæki ekki umrædda tíma.

Í huga Snorra ætti ekki að vera erfitt að leysa þetta mál. Aðeins þurfi að tryggja að starfsmaðurinn sé ekki í húsinu þegar sonur hans er í leikfimi eða sundi. Til þess virðist á hinn bóginn ekki vera vilji, hvorki hjá skólanum sjálfum né skóla- og tómstundasviði Ísafjarðarbæjar. Hann hefur skilning á því að ekki sé hægt að skikka manninn til að yfirgefa húsið en á vont með að skilja hvers vegna ekki megi semja um það fyrirkomulag við hann þannig að börnin fái notið sín. Og farið eftir því. Þeirra hagsmunir hljóti að vega þyngst í málinu og grátlegt sé að deila milli tveggja fullorðinna manna bitni á þeim. „Samkvæmt Barnasáttmála Sameinuðu þjóðanna eiga börn alltaf að njóta vafans,“ segir hann.

Íhuga að flytja í burtu

Snorri og eiginkona hans hafa íhugað að flytja frá Þingeyri vegna þessa máls en hann segir það hægara sagt en gert. Þau hafi keypt þar hús fyrir fáeinum árum og kostað miklu til að gera það upp. Þess utan sé sáralítil eftirspurn eftir húsnæði á staðnum. Þau séu í raun í átthagafjötrum.

Sjálfur hóf hann nýverið störf á Ísafirði og getur vel hugsað sér að hafa börnin með sér þangað á morgnana til að sækja skóla. „Hafi ekkert breyst í haust verður það mjög líklega niðurstaðan,“ segir Snorri. „Ég held þó enn í vonina; að málið verði leyst, þannig að börnin mín geti áfram verið í skóla hér á Þingeyri.“

Allt verið reynt

Erna Höskuldsdóttir, skólastjóri Grunnskólans á Þingeyri, sem einnig kennir bæði leikfimi og sund, vildi ekki tjá sig um málið þegar eftir því var leitað og vísaði á Margréti Halldórsdóttur, sviðsstjóra skóla- og tómstundasviðs Ísafjarðarbæjar. Hún vildi heldur ekki tjá sig við Morgunblaðið að öðru leyti en því að Ísafjarðarbær hefði gert allt sem í hans valdi stæði til að leysa þann ágreining sem um ræðir og er á milli fullorðinna einstaklinga.

Bloggað um fréttina

Innlent »

Finnst ljótu handritin áhugaverðust

18:27 Hún las Ódysseifskviðu Hómers barn að aldri og heillaðist. Hún veit ekkert skemmtilegra en að gramsa í útkrotuðum handritum sem flestir hafa engan áhuga á, af því þau eru talin vera ljót. Hún les á milli línanna í tilfinningar kennara og/eða nemenda sem birtast í glósum á spássíum miðaldahandrita. Meira »

Jón: „Vildi ekki valda neinum skaða“

18:12 Jón Trausti Lúthersson segist ekki hafa veitt Arnari Jónssyni Aspar neina áverka. Fyrr í dag hafði Sveinn Gestur Tryggvason, sem ákærður er fyrir stórfellda líkamsárás í tengslum við andlát Arnars, sagt að Arnar og Jón Trausti hefðu tekist á og að Jón Trausti hefði lamið Arnar með neyðarhamri. Meira »

Vegum víða lokað vegna veðurs

17:57 Þjóðvegur 1 er lokaður um Skeiðarársand, frá Lómagnúpi að Jökulsárlóni. Einnig eru Mývatns- og Möðrudalsöræfi lokuð og þá er óvissustig á Flateyrarvegi og í Súðavíkurhlíð vegna snjóflóðahættu. Meira »

Þeir fyrstu að koma til Egilsstaða

17:31 Fyrstu farþegarnir, sem voru í rútunni sem ók aftan á snjóplóg á Austurlandi fyrr í dag, eru væntanlegir til Egilsstaða á hverri stundu. Að sögn aðgerðarstjóra lögreglunnar á Egilsstöðum hefur ferðin sóst hægt enda er vont veður og blint á fjallvegum. Meira »

Gefa út áætlun um neyðarrýmingu

17:15 Ef til neyðarrýmingar kemur vegna eldgoss í Öræfajökli skulu þeir sem búa í námunda við jökulinn fara stystu leið að bæjunum Svínafelli 1, Hofi 1 eða Hnappavöllum 2. Þar skulu þeir bíða frekari fyrirmæla í bílum sínum. Meira »

Birtingin ekki borin undir Geir

17:14 Birting á endurriti af símtali Davíðs Oddsonar, þáverandi seðlabankastjóra, og Geirs Haarde, þáverandi forsætisráðherra, var ekki borin undir Geir. Endurritið var birt í Morgunblaðinu á laugardag en Geir segir í svari við fyrirspurn Vísis að það hafi ekki verið borið undir hann. Meira »

Borun eftir heitu vatni við Laugaland hætt

16:19 Veitur hafa nú hætt borun í landi Götu við Laugaland. Markmið borunarinnar var að afla heits vatns og auka þannig nýtanlegan forða fyrir Rangárveitur er þjóna Rangárþingum og Ásahreppi að hluta. Meira »

Opna fjöldahjálparstöð á Egilsstöðum

16:31 Fljótsdalshéraðsdeild Rauða krossins hefur opnað fjöldahjálparstöð á Egilsstöðum þar sem tekið verður á móti farþegum rútu sem lentu í slysi í Víðidal. Þetta kemur fram í tilkynningu frá Rauða krossinum. Meira »

„Þetta hefur gengið ágætlega“

16:11 „Þetta hefur gengið ágætlega,“ segir Katrín Jakobsdóttir, formaður Vinstrihreyfingarinnar - græns framboðs, í samtali við mbl.is en viðræður hafa staðið yfir frá því í morgun varðandi fyrirhugaða stjórnarmyndun VG, Sjálfstæðisflokksins og Framsóknarflokksins. Meira »

Rútuslys í aftakaveðri fyrir austan

15:40 Níu björgunarsveitir á Norðausturlandi hafa verið kallaðar út eftir rútuslys í Víðidal á Austurlandi. Rúta ók þá aftan á snjóruðningstæki en samkvæmt upplýsingum frá lögreglunni á Egilsstöðum er einn slasaður, þó ekki alvarlega. Fimm aðrir meiddust lítillega. Meira »

„Veit ekki hver staðan er“

15:39 „Ég hreinlega veit ekki hver staðan er og er mjög döpur vegna þess,“ segir víetnamski matreiðsluneminn Chuong Le Bui. Á mánudag fékk hún fimmtán daga frest til að yfirgefa landið. Síðan þá hefur dómsmálaráðherra sagt að lögin sem valda því verði leiðrétt en Choung segir óvissuna þó vera mikla. Meira »

Þinghaldi lokað í einni skýrslutöku

15:30 Dómari í máli ákæruvaldsins gegn Sveini Gesti Tryggvasyni, vegna stórfelldrar líkamsárásar í tengslum við andlát Arnars Jónssonar Aspar, lokaði þinghaldi þegar réttarmeinafræðingur kom til að bera vitni í málinu. Meira »

„Brottkast og svindl er ólíðandi“

15:25 „Stjórnin fordæmir hverskonar sóun á verðmætum við meðhöndlun okkar helstu náttúruauðlindar,“ segir í tilkynningu frá stjórn Samtaka fiskvinnslu og útflytjenda, SFÚ. Tilefnið er fréttaskýringaþáttur Kveiks, sem sýndur var á RÚV í gær, en í honum voru sýndar myndir af miklu brottkasti afla. Meira »

„Fæ líka pósta með ábendingum“

14:55 „Ég ákvað að hitta í fyrramálið sjómannaforystuna og útgerðarmenn,“ segir Þorgerður Katrín Gunnarsdóttir, sjávarútvegs- og landbúnaðarráðherra, en í ráðuneytinu var í morgun haldinn fundur vegna þeirra upplýsinga sem fram komu í fréttaskýringaþættinum Kveik á RÚV í gærkvöldi. Meira »

Unnustan og nágranni með aðra sögu

14:36 Vitnisburður Heiðdísar Helgu Aðalsteinsdóttur, unnustu Arnars Jónssonar Aspar, og Árna Jónssonar, nágranna þeirra Arnars og Heiðdísar, var í nokkrum veigamiklum atriðum annar en hjá Sveini Gesti Tryggvasyni, sem ákærður er fyrir stófellda líkamsárás í tengslum við andlát Arnars í júní. Meira »

Safnaði 1,7 milljón fyrir Bleiku slaufuna

15:13 Ása Gunnlaugsdóttir gullsmiður hjá asa iceland afhenti í gær styrk upp á 1.750.000 kr. sem er afrakstur sölu á 200 silfurhálsmenum Bleiku slaufunnar í ár. Meira »

Í gæsluvarðhaldi til 6. desember

14:40 Héraðsdómur Reykjavíkur hefur úrskurðað manninn og konuna sem voru handtekin í gær vegna rannsóknar á umfangsmikilli vændisstarfssemi í gæsluvarðhald til sjötta desember. Meira »

„Fólk vill oft gleymast“

14:27 „Er ættingi þinn eða vinur á sjúkrahúsi, hjúkrunarheimili, fangelsi, sambýli eða býr einn? Skipulegðu heimsóknir til hans, þjöppum fjölskyldu og vinum saman og dreifum ábyrgðinni, Enginn vill vera einn og yfirgefinn. Veitum ást hlýju og umhyggju.“ Þannig hljómar kynning á nýrri vefsíðu. Meira »

Mátturinn eða dýrðin - Greinaflokkur

STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
Stofuskápur úr furu til sölu.
Skápur úr furu ,hentar vel í sumarbústaðinn 9000 þúsund kr., hæð 200 cm, breidd...
antik flott innskotsborð innlögp plata
er me falleg innskotsborð,innlögð rós í plötu í góðu standi.fæst á 45,000 kr sí...
Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
 
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9, for...
Eldri borgarar
Staður og stund
Aflagrandi 40 Opin vinnustofa kl. 9 og j...