Ríkissáttasemjari hefur boðað til nýs fund­ar í kjara­deilu starfs­manna ál­vers Rio Tinto Alcan í Straums­vík klukkan þrjú í dag. Í samtali við mbl.is segir Gylfi Ingvarsson talsmaður starfsmanna að meiri þrýstingur sé farinn að skapast gagnvart Rio Tinto.

Í dag kem­ur skip til Straums­vík­ur með hrá­efni til ál­vers­ins og einnig til að flytja út afurðir. Að óbreyttu verður af­greiðsla skips­ins stöðvuð, líkt og gerðist í síðustu viku þegar stjórn­end­ur ál­verk­smiðjunn­ar ætluðu ganga í störf hafn­ar­verka­manna en voru stöðvaðir.

„Nú er útflutningsbannið farið að bíta. Skipið kemur í dag og þá reynir frekar á þetta,“ segir Gylfi. „Það hlýtur að vera kominn meiri þrýstingur á Rio Tinto, það segir sig alveg sjálft. Þegar þeir geta ekki komið framleiðslu sinni til kaupenda þá hlýtur að skapast þrýstingur, ég trúi ekki öðru.“

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• Blogga um frétt