Fagnar samþykkt um fríverslun við Japan

„Verslunaráðið hefur lengi stutt slíkan samning og ályktað um hann. Verslunarráðið mun nú leggja sitt af mörkum til að afla hugmyndinni stuðnings hér í Japan,“ segir í tilkynningu frá Verslunarráði Íslands í Japan sem undirrituð er af Bolla Thoroddsyni, formanni ráðsins þar sem fagnað er að Alþingi hafi samþykkt þingsályktunartillögu um fríverslunarviðræður við Japan.

Þingsályktunartillagan var samþykkt fyrr í vikunni en samkvæmt henni verður ríkisstjórn Íslands falið að hefja undirbúning að fríverslunarviðræðum við Japan á grundvelli yfirlýsinga japönsku ríkisstjórnarinnar um að auka hlut fríverslunar í milliríkjaviðskiptum. Fyrsti flutningsmaður tillögunnar var Össur Skarphéðinsson, þingmaður Samfylkingarinnar og fyrrverandi utanríkisráðherra, en meðflutningsmenn komu úr Sjálfstæðisflokknum, Bjartri framtíð og Vinstrihreyfingunni - grænni framtíð auk Samfylkingarinnar.

Fréttir mbl.is:

Sammála um fríverslun við Japan

Ræddu um fríverslun í Japan

Enginn fótbolti en lærði japönsku

Bolli Thoroddsen, formaður Verslunarráðs Íslands í Japan. mbl.is

• Blogga um frétt