Ahmad Aldzasem Ibrahim og Wajden S. Rmmo verða ekki sendir úr landi á morgun líkt og til stóð, en senda átti mennina aftur til Búlgaríu eftir að Útlendingastofnun synjaði þeim um hæli hér á landi.
„Þeir verða ekki fluttir af landi brott í nótt eða í fyrramálið. En ég veit ekki hversu lengi þetta varir,“ segir Helga Vala Helgadóttir lögmaður í samtali við mbl.is í kvöld, en Toma Toshiki, prestur innflytjenda, greindi frá þessu á Facebook-síðu sinni.
Spurð hvers vegna mennirnir verða ekki sendir úr landi í nótt eða á morgun svarar Helga Vala: „Við óskuðum eftir frestun réttaráhrifa þessarar ákvörðunar og kærunefndin hefur ekki tekið afstöðu til þeirrar kröfu,“ en bíða verður með endursendinguna þar til afstaðan liggur fyrir.
Fyrri frétt mbl.is:
Kæru vinir!! Ég var núna að frétta þetta en brottvísun flóttamanna frá Sýrlandi, Ahmad Ibrahim og Wajde Drbasea, hefur...
Posted by Toma Toshiki on Monday, March 7, 2016