Í gær kom nautkálfur í heiminn í Fjölskyldu- og húsdýragarðinum. Samkvæmt facebookfærslu garðsins er hann duglegur og stæðilegur og var farinn að sjúga pela með broddi fljótlega eftir burð.

Á Facebook lýsa starfsmenn garðsins eftir ungum dreng sem fagnaði tveggja ára afmæli sínu í garðinum í gær og ákvað m.a. að heimsækja nautgripina í fjósinu.

„Okkur starfsfólk FHG langar að bjóða þessum upprenandi kúabónda að nefna kálfinn ef drengurinn finnst. Líklegast er hann sjálfur ekki á FB og biðjum við ykkur kæru vinir að deila myndbandinu í von um að stráksi finnist,“ segir í færslunni. 

Tengdar fréttir

Íslenska dýraríkið

Velja íslenskt hafsvæði í stað þess karabíska

• „Verulega óvenjulegt og ótrúlega merkilegt“
• „Fer að verða eins og heimilisköttur“
• Sterkur viljinn til að standa á eigin fótum
• Einn eftirminnilegasti dagurinn á ævi Tómasar

» Fleiri tengdar fréttir

• Blogga um frétt