Liggur enn á gjörgæslu
Landspítalinn í Fossvogi.
mbl.is/Eggert
Setja bókamerki
Líðan mannsins sem stunginn var með hnífi fyrir utan stúdentagarðana við Sæmundargötu í Reykjavík aðfaranótt sunnudags er óbreytt. Hann er enn þungt haldinn og er honum haldið sofandi í öndunarvél á gjörgæsludeild Landspítalans.
Hann gekkst undir aðgerð eftir komuna á sjúkrahús.
Árásarmaðurinn hefur játað verknaðinn en hann veitti fórnarlambi sínu stunguáverka í bakið. Lögreglan á höfuðborgarsvæðinu fór fram á að gæsluvarðhald yfir manninum yrði framlengt en Héraðsdómur Reykjavíkur hafnaði því. Hefur hann því verið látinn laus.
Mennirnir eru sagðir vera vinir og eru þeir báðir fæddir árið 1989, en svo virðist sem einhver ágreiningur hafi komið upp á milli þeirra.
„Á réttri leið en nokkuð í land ennþá“
Æskuvinur Íslendings myrtur í Noregi
Tveir í bílnum sem lenti utan vegar
Tóku upp hanskann fyrir leikskólabörn
„Skýr skilaboð til Seðlabankans“
Skiptir miklu meira máli en fólk grunar
„Hvílir mikil leynd yfir þessu öllu“