„Sendiráð Bandaríkjanna á Íslandi lítur á tilkynningu Hvals hf. um að veiða ekki langreyðar í sumar sem jákvæða þróun,“ segir m.a. í svari frá bandaríska sendiráðinu á Íslandi til Morgunblaðsins.
Vill sendiráðið að íslensk stjórnvöld hugleiði „alvarlega“ að hætta hvalveiðum í atvinnuskyni, að því er fram kemur í umfjöllun um bréf sendiráðsins í Morgunblaðinu í dag.
Óskað var viðbragða frá sendiherra Bandaríkjanna, Robert C. Barber, við þeirri ákvörðun Hvals að veiða ekki stórhvali í sumar. Barber er staddur erlendis en svar barst frá talsmanni sendiráðsins.