Tókst ekki að sanna ásetning

Frá dómshaldi í Hæstarétti í dag.
Frá dómshaldi í Hæstarétti í dag. mbl.is/Eggert

Sig­ur­jón Árna­son, fyrr­ver­andi banka­stjóri Lands­bank­ans og Sig­ríður Elín Sig­fús­dótt­ir, fyrr­ver­andi fram­kvæmda­stjóri fyr­ir­tækja­sviðs bank­ans, höfðu ekki ásetning til að afla Kaupþingi fjárvinnings með þeim hætti að Landsbankinn hlyti af tjón. Þetta er meðal þess sem fram kemur í forsendum Hæstaréttar, en Sigurjón og Elín voru sýknuð af ákærum um umboðssvik fyrr í dag.

Frétt mbl.is: Sigurjón og Elín sýknuð

Ákæruvaldið hafði lýst meintum umboðssvikum þannig að Sigurjón og Elín hefðu í störfum sínum hjá Landsbankanum, en bæði voru meðlimir í áhættunefnd bankans, misnotað aðstöðu sína og stefnt fé bankans í verulega hættu.

Lánveitingar til aflandsfélaga

Voru þau sögð hafa gert það í tveimur tilvikum, með því að fara út fyrir heimildir til að veita ábyrgðir er þau í sameiningu samþykktu og undirrituðu fyrir hönd Landsbankans sjálfskuldarábyrgð á þremur samningum við Kaupþing banka.

Annars vegar í júlí 2006 vegna tveggja og hálfs milljarðs króna láns til aflandsfélags og 4,3 milljarða króna láns til annars aflandsfélags. Bæði voru tryggð með handveði í hlutabréfum bankanna og í báðum tilvikum var gjalddagi lánanna í júní árið 2007.

Hins vegar vegna sjálfskuldarábyrgðar Landsbankans á láni sem Kaupþing veitti í júní 2007 til fyrra aflandsfélagsins að fjárhæð 6.8000.000.000 krónur á gjalddaga í júní 2008.

Sigurjón Árnason og Elín Sigfúsdóttir voru bæði sýknuð fyrir Hæstarétti.
Sigurjón Árnason og Elín Sigfúsdóttir voru bæði sýknuð fyrir Hæstarétti.

Sigurjón og Elín brutu reglur bankans

Í dómi Hæstaréttar var rakið að félögin tvö hefðu verið svokölluð kaupréttarfélög sem Landsbankinn stofnaði til þess að efna kauprétti við starfsmenn bankans. Lengst af og fram til 2006 hafi bankinn sjálfur fjármagnað lán til kaupréttarfélaganna, en í framangreindum tilvikum hafi Kaupþing veitt félögunum lán og krafist sjálfskuldarábyrgðar Landsbankans.

Hæstiréttur komst að þeirri niðurstöðu, hvað varðar sjálfskuldarábyrgðir Landsbankans vegna lána til félaganna tveggja, að Sigurjón og Elín hefðu brotið reglur bankans, sem fylgja þurfti til þess að umræddar ábyrgðir yrðu veittar með réttum hætti.

Hefði háttsemi þeirra því fullnægt þeim þáttum 249. gr. almennra hegningarlaga nr. 19/1940 sem lytu að heimildum og misnotkun þeirra á aðstöðu sinni, að því er fram kemur í dómi Hæstaréttar.

Ásetningurinn stóð ekki til tjóns

Við mat á ásetningi Sigurjóns og Elínar, og því hvort þau hafi skapað Landsbankanum verulega fjártjónshættu með háttsemi sinni, var litið til þess að frá upphafi kaupréttarkerfis bankans hefði hann sjálfur fjármagnað kaupréttarfélög með því að veita þeim lán til hlutafjárkaupa.

Taldi Hæstiréttur ósannað að sú ráðstöfun, að Landsbankinn legði til sjálfskuldarábyrgð í stað þess að standa sjálfur að lánveitingunni, hafi haft áhrif á áhættu hans. Taldi dómurinn því að ákæruvaldið hefði ekki sýnt fram á að ásetningur Sigurjóns og Elínar hafi staðið til þess að afla Kaupþingi fjárvinnings á þann hátt að Landsbankinn biði við það tjón.

Þá taldi Hæstiréttur í dómi sínum að ekki hafi verið færðar sönnur á að Sigurjón og Elín hafi, miðað við þá skipan sem var á fjármögnun kaupréttarfélaga fyrir júlí 2006, vitað eða hlotið að vita að sömu eða meiri líkur væru á því að Landsbankinn yrði fyrir fjártjóni vegna þeirrar háttsemi sem ákært var fyrir.

Verjendur ákærðu í Hæstarétti í dag.
Verjendur ákærðu í Hæstarétti í dag. mbl.is/Eggert

Misnotuðu aðstöðu sína

Hvað snerti sjálfskuldarábyrgð Landsbankans á láni til fyrra aflandsfélagsins komst Hæstiréttur að þeirri niðurstöðu að Sigurjón og Elín hafi misnotað aðstöðu sína er þau bundu bankann við ábyrgðina.

Við mat á því hvort þau hafi með þeirri ráðstöfun af ásetningi valdið Landsbankanum verulegri fjártjónshættu var tekið tillit til þess að ákæruvaldið hefði ekki sannað að ætluð áhætta bankans miðað við aðdraganda að veitingu ábyrgðarinnar og aðstæðna á þessum tíma hafi verið veruleg.

Leit Hæstiréttur meðal annars til þess að gengi hluta í Landsbankanum hefðu farið hækkandi um nokkurra mánaða skeið.

Þótt Sigurjóni og Elínu hafi verið ljóst að gengið hefði allt eins getað lækkað væri ósannað að þau hafi vitað eða hlotið að vita að sömu eða meiri líkur væru á því að bankinn yrði fyrir tjóni vegna ráðstöfunar þeirra. Samkvæmt þessu voru þau sýknuð af kröfum ákæruvaldsins.

mbl.is

Innlent »

Sækja slasaðan ferðamann við Bláhnúk

14:46 Þyrla Landhelgisgæslunnar er nú á leið að Bláhnúk við Landmannalaugar til að sækja slasaðan ferðamann. Tilkynning um slysið barst á þriðja tímanum í dag, en ferðamaðurinn var þar á ferð með gönguhópi. Meira »

Krefjast varðhalds yfir erlendum manni

14:32 Erlendur karlmaður á fertugsaldri er grunaður um að hafa veitt konu á Hagamel áverka sem leiddu til dauða hennar í gærkvöldi. Farið verður fram á gæsluvarðhaldsúrskurð yfir manninum í dag. Meira »

Frumvarp um afnám uppreistar æru lagt fram?

14:10 Frumvarp um afnám uppreistar æru verður að öllum líkindum lagt fram á fundi forseta Alþingis með formönnum flokkanna, sem er nýhafinn í Alþingishúsinu. Meira »

Aðalmeðferðin hefst í janúar

13:35 Aðalmeðferð í markaðsmisnotkunarmáli Glitnis hefst 17. janúar. Þetta var ákveðið þegar málið var tekið fyrir í Héraðsdómi Reykjavíkur í dag. Fram kom í máli saksóknara að gert er ráð fyrir að aðalmeðferðin taki styttri tíma en í sambærilegum málum hinna bankanna sem féllu í hruninu. Meira »

Vill brúa Skerjafjörð og reisa nýja byggð

13:28 „Þessar tengingar eru hagsmunamál allra sveitarfélaga á höfuðborgarsvæðinu,“ segir Björn Jón Bragason, áhugamaður um skipulagsmál, við mbl.is. Hann hefur sent frá sér stutta heimildamynd um hugmyndir um byggingu brúar yfir Skerjafjörð, svokallaða Skerjabraut. Meira »

Hættulegt að losa skrúfur á hjólum

13:19 Lögreglan á Suðurnesjum segir að allt bendi til þess að framhjól hafi verið losað þegar reiðhjólaslys sem varð á dögunum á Suðurnesjum. Þá fór framhjólið undan reiðhjóli átta ára drengs með þeim afleiðningum hann slasaðist í andliti og braut framtönn. Meira »

Vill fjórmenninga áfram í haldi

12:18 Fjórir Pólverjar, þar af einn búsettur á Íslandi, eru grunaðir um smygl á afmfetamínbasa til landsins. Lögreglan mun í dag fara fram á áframhaldandi gæsluvarðhald yfir mönnunum. Meira »

Vill sætið sem Sigmundur skipar

12:55 Þórunn Egilsdóttir, þingflokksformaður Framsóknarflokksins, sækist eftir því að leiða framboðslista flokksins í Norðausturkjördæmi í þingkosningunum 28. október. Meira »

Mun ekki ljúka við 12 frumvörp

11:59 Starfsstjórn Bjarna Benediktssonar gerir ekki ráð fyrir að ljúka við þau tólf frumvörp sem ríkisstjórnin var búin að samþykkja áður en kom til stjórnarslita. Meira »

Búist við stormi sunnantil

11:58 Kröpp lægð kemur upp að landinu í fyrramálið með hlýju lofti og miklum raka. Á Suðausturlandi mun rigna mikið á morgun frá morgni til kvölds. Á Austfjörðum verður regnið mest frá hádegi og fram á kvöld. Í öðrum landshlutum getur rignt talsvert þegar hitaskilin ganga norðvestur yfir landið. Meira »

Ekkert sjósund vegna saurlamengunar

11:49 Veitur vinna nú að gangsetningu og prófunum á skólphreinsistöðinni á Kjalarnesi. Vegna framkvæmda getur verið nauðsynlegt að losa skólp um yfirföll í sjó. Því er hætta á að saurgerlamengun í sjó fari yfir viðmiðunarmörk meðan á vinnunni stendur og fyrst á eftir. Meira »

Fresta viðgerð á Herjólfi

11:42 Vandamál hafa komið upp með afhendingu varahluta í Herjólf og því verður viðgerð frestað til að tryggja siglingar til Vestmannaeyja eftir 30. september. Er unnið að því að koma Herjólfi á ný í haffært ástand, þannig að skipið hefji áætlanasiglingar frá Vestmannaeyjum sem fyrst. Meira »

Tveir staðnir að reykingum um borð

11:38 Tveir flugfarþegar urðu síðastliðinn sólarhring uppvísir að því að reykja um borð í flugvélum sem voru á leið til landsins. Þetta kemur fram í tilkynningu frá lögreglunni á Suðurnesjum. Meira »

Fékk spritt í stað hægðarlosandi lyfs

11:20 Móðir 19 mánaða gamals drengs fékk afgreitt vitlaust lyf í apóteki og gaf honum Sólarspritt til inntöku í stað Sorbitol sem er hægðarlosandi lyf. Öndunarvegur drengsins lokaðist og hann hóstaði og kúgaðist. Foreldrar hans fóru beint með hann á bráðamóttökuna Meira »

Skerpa þarf á skilningi um hatursorðræðu

10:41 „Við þurfum að sýna hugrekki og þor og taka umræðuna,“ segir Þorsteinn Víglundsson, félags- og jafnréttisráðherra, um hatursorðræðu í íslensku samfélagi. Þorsteinn hélt opnunarávarp á ráðstefnu Æskulýðsvettvangsins um hatursorðræðu í íslensku samfélagi sem stendur nú yfir í Hörpu. Meira »

Túlkun FME hamlandi fyrir atvinnulífið

11:21 GAMMA hefur mótmælt þröngri túlkun Fjármálaeftirlitsins á því hvort fjárfestingarsjóðum sé heimilt að fjárfesta í einkahlutafélögum en í lögunum er ekki lagt bann við slíkum fjárfestingum. Meira »

Veiddu 630 tonn af makríl í nót

11:16 Tímamót urðu á dögunum þegar Börkur NK notaði nót við makrílveiðar í Síldarsmugunni en íslensk fiskiskip hafa ekki ekki beitt þeirri aðferð við veiðar á makríl frá því að þær hófust fyrir alvöru fyrir um áratug síðan. Meira »

Þarf að láta kjósa sig inn á hvern fund

10:18 Theódóra Þorsteinsdóttir frétti af opnum fundi stjórnskipunar- og eftirlitsnefndar í fjölmiðlum og nefndin þurfi að kjósa um hvort hún fengi að sitja fundinn. Hún hefur látið nefndarritara vita af áhuga flokksins á að sitja fundi tengda málinu og óskað eftir fundarboðum. Meira »
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
STIGAR OG HANDRIÐ ALLAR MÖGULEGAR GERÐIR
Sjá meðal annars: http://www.youtube.com/watch?v=73dIQgOl2JQ&feature=channel L...
Sendibílaþjónustan Skutla S:867-1234
Tökum að okkur almenna flutninga, skutl, vörudreifingu o.fl. Nánari uppl. á www....
Hauststemmning í Biskupstungum ...
Hlý og falleg sumarhús til leigu alla daga og helgar. Gisting fyrir 6. Heit laug...
 
Opinn fundur
Fundir - mannfagnaðir
Sjálfstæðisflokkurinn í Hafnarfi...
Eldri borgarar
Staður og stund
Aflagrandi 40 Dagurinn byrjar á opinni v...
Eldri borgarar
Staður og stund
Aflagrandi 40 Hjá okkur er opin vinnusto...
Félagsstarf
Staður og stund
Aflagrandi 40 Hjá okkur er opin vinnusto...