Úrelt að kjósa á fjögurra ára fresti

Magnús Orri Schram (t.h.) við hlið Árna Páls Árnasonar, núverandi ...
Magnús Orri Schram (t.h.) við hlið Árna Páls Árnasonar, núverandi formanns Samfylkingarinnar. mbl.is/Golli

Fólk krefst þess að ákvarðanir í samfélaginu séu teknar með öðrum hætti en nú er gert, að sögn Magnúsar Orra Schram sem býður sem fram til formanns Samfylkingarinnar. Hann segir kosningar á fjögurra ára fresti úrelt fyrirbrigði og vill opna ákvarðanatökuferlið. Framboð sitt segir hann sprottið úr grasrót flokksins.

Magnús Orri lýsti yfir framboði sínu í dag fyrir flokkstjórnarfund Samfylkingarinnar. Hann sat á þingi fyrir flokkinn frá 2009 til 2013 og var meðal annars þingflokksformaður hans um tíma. Síðan þá hefur hann hins vegar að mestu haldið sig utan flokksstörf.

„Ég hef mætt á einstaka viðburði hjá flokknum en ég hef meðvitað tekið mér frí frá öllu starfi vegna þess að ég hef viljað fá aðeins fjarlægð á hið pólitíska starf. Ég hef þá trú að það hafi bara gert mig betur í stakk búinn að takast á við þetta verkefni,“ segir Magnús Orri sem hefur starfað fyrir Capacent við sölu- og markaðsmál.

Flokkurinn þarfnast sterkari forystu

Ris Samfylkingarinnar hefur verið lágt í skoðanakönnunum um langa hríð. Magnús Orri telur flokkinn þarfnast sterkari forystu og að tala öðruvísi við fólk. Hann standi sterkum fótum í jafnaðarstefnunni en draga þurfi áherslur hans skýrar fram.

„Mitt framboð sprettur upp hjá grasrótinni, hjá unga fólkinu, hjá hinum almenna flokksmanni. Það er hann sem hefur leitað til mín. Þaðan finn ég stuðninginn. Ég held að það sé jarðvegur fyrir það sem við erum að berjast fyrir. Við sjáum það til dæmis í viðhorfum fólks til heilbrigðiskerfisins, í þeim vandamálum sem blasa við ungu fólki sem er að reyna að koma sér þaki yfir höfuðið og í þeirri áherslu minni á að ríkasta fólkið eigi að borga hærri skatta og við eigum að lækka skatta á venjulegt launafólk,“ segir Magnús Orri.

Vill breyta lögum um ráðherraábyrgð og Landsdóm

Framboð Magnúsar Orra var ekki orðið margra klukkustunda gamalt þegar Ingibjörg Sólrún Gísladóttir, fyrrverandi utanríkisráðherra og formaður Samfylkingarinnar, deildi hart á það á Facebook-síðu sinni. Gagnrýndi hún að Magnús Orri telji sig fallinn til flokksforystu eftir að hafa verið forystumaður Samfylkingarinnar í Landsdómsmálinu.

Magnús Orri sat í þingmannanefnd sem tók ákvörðun um ákærur á hendur fjórum fyrrverandi ráðherrum vegna bankahrunsins. Sjálfur lagði hann fram tillögu um ákæru á hendur Ingibjörgu Sólrúnu, Geir H. Haarde og Árna Mathiesen en vildi sleppa flokksbróður sínum Björgvini G. Sigurðssyni við ákæru. Aðeins Geir var á endanum ákærður eftir atkvæðagreiðslur í þinginu.

„Þetta Landsdómsferli var öllum mjög erfitt. Ég ætla ekki að draga neina fjöður yfir það. Ég er þeirrar skoðunar eftir að hafa tekið þátt í þessu ferli að það þurfi að breyta lögum um ráðherraábyrgð og Landsdóm,“ segir Magnús Orri sem vill að öðru leyti ekki tjá sig efnislega um ummæli fyrrverandi formanns flokksins.

Fólk fái að segja hug sinn oftar en á fjögurra ára fresti

Útkoman í skoðanakönnunum telur hann skilaboð um að fólk vilji öðruvísi pólitík. Það vilji heiðarlegri pólitík, meiri auðmýkt og að fólk fái að taka meiri þátt í ákvarðanatökum. Ein hugmyndin sem Magnús Orri hefur fyrir Samfylkinguna er að 15% skráðra flokksmanna geti óskað eftir atkvæðagreiðslu um mál sem eru til umfjöllunar á Alþingi til að þeir hafi meira að segja um ákvarðanir á þingi.

Magnús Orri segist vilja opna lýðræðislega ferlið í samfélaginu en núverandi kerfi sé orðið úrelt.

„Fólk krefst þess að ákvarðanir séu teknar öðruvísi. Það vill fá að taka oftar afstöðu til mála sem fyrir þjóðinni liggja. Að kjósa á fjögurra ára fresti til Alþingis er í raun og veru úrelt fyrirbrigði. Við eigum að opna ferlið miklu meira og leyfa fólki að taka oftar afstöðu til mála en bara í gegnum Alþingiskosningar á fjögurra ára fresti,“ segir hann.

Gekk kerfinu of mikið á hönd á þingi

Uppgangur Pírata í skoðanakönnun og slakt gengi fyrrverandi ríkisstjórnarflokkanna gefur vísbendingu um að kjósendur vilji nýtt fólk í áhrifastöður. Spurður að því hvort að hann telji það munu vinna gegn sér í augum kjósenda að hafa setið á þingi í tíð ríkisstjórnar Samfylkingarinnar og Vinstri grænna segir Magnús Orri það þurfa að koma í ljós. Sjálfur telji hann það hafa verið mjög gott fyrir sig að hafa setið á þingi því hann hafi fengið ákveðna reynslu. Sú þekking nýtist honum vonandi til að taka betri ákvarðanir.

„Ég var inni á þingi á sínum tíma og þá gekk maður svolítið kerfinu á hönd. Maður tók of mikinn þátt í starfinu eins og manni var sagt að gera það. Ég held að með því að fara út og hlaða batteríin og fá fjarlægð á þetta hús, hvernig hlutirnir eru unnir þarna inni, sé ég betur í stakk búinn að gera góða hluti í stjórnmálum,“ segir frambjóðandinn.

Ingibjörg Sólrún Gísladóttir, fyrrverandi formaður Samfylkingarinnar.
Ingibjörg Sólrún Gísladóttir, fyrrverandi formaður Samfylkingarinnar. mbl.is/Rósa Braga
Magnús Orri sat á þingi frá 2009 til 2013.
Magnús Orri sat á þingi frá 2009 til 2013. mbl.is/Árni Sæberg
mbl.is

Bloggað um fréttina

Innlent »

Leitað að pari á Vestfjörðum

Í gær, 23:38 Björgunarsveitir Slysavarnafélagsins Landsbjargar á norðanverðum Vestfjörðum voru kallaðar út til leitar á ellefta tímanum í kvöld þegar par sem ætlaði að ganga frá Bolungarvík að Galtarvita og þaðan í Selárdal skilaði sér ekki á réttum tíma. Meira »

Veðurtepptir kajakræðarar

Í gær, 22:47 Það kom á óvart á Jónsmessunni að sjá ofurlítið rautt tjald alveg niðri við fjöruborð hjá Fossá, rétt innan við Þórshöfn og við beljandi, vatnsmikla ána var íbúi tjaldsins að bursta tennurnar á laugardagsmorgni. Meira »

Bátlaus sundmaður leitar báts

Í gær, 21:25 Jón Eggert Guðmundsson varð fyrir því óláni að bæði aðal- og varabáturinn, sem hann hafði fengið fyrir verkefni sitt Íslandssund, eru bilaðir. Bátinn þarf Jón til þess að fylgja sér þar sem hann ætlar að synda hringinn í kringum Ísland. Meira »

Minni þyrlur koma ekki í stað stærri

Í gær, 21:10 Ekki ert gert ráð fyrir sjúkraþyrlu í kaupum Landhelgisgæslunnar á þremur nýjum þyrlum á árunum 2019 til 2021 en þyrlurnar þrjár koma í stað núverandi vélakosts Landhelgisgæslunnar sem á eina af þremur þyrlunum sem stofnunin hefur til umráða. Sú sem er í eigu Gæslunnar er yfir 30 ára en hinar tvær eru leigðar. Meira »

„Fleiri skólar að fara þessa leið“

Í gær, 21:07 „Hliðstætt fyrirkomulag hefur verið tekið upp af nokkrum skólum. Það eru ýmsar leiðir sem hægt er að fara í þessum efnum. Sumir skólar hafa gert þetta í samstarfi við viðkomandi foreldrafélög og síðan hafa sum sveitarfélög séð alfarið um þetta eins og Vogar.“ Meira »

Loksins húsnæði eftir 10 ára bið

Í gær, 21:04 Kaflaskil urðu í sögu Náttúruminjasafns Íslands í dag þegar skrifað var undir samning um að safnið fá aðstöðu til sýninga í Perlunni. Meira »

Mynda gönguleiðir á Reykjanesi

Í gær, 19:47 Reykjanes Geopark, Markaðsstofa Reykjaness og GeoCamp Iceland í samstarfi við Google standa að sameiginlegu verkefni sem miðar að því að kortleggja og mynda allar gönguleiðir á Reykjanesi með 360° myndavél. Meira »

Hafnað vegna sektar eftir 11 ára dvöl

Í gær, 20:25 Fjárfestinum Bala Kamallakharan var neitað um íslenskan ríkisborgararétt í dag vegna hraðasektar sem hann fékk eftir að hafa sent inn umsóknina. Hann hefur verið búsettur á Íslandi í 11 ár, er giftur íslenskri konu og á tvö börn. Þá er hann stofnandi Startup Iceland. Meira »

Berskjaldaðri fyrir spákaupmönnum

Í gær, 19:09 Kæmi til þess að krónan yrði tengd við gengi erlends gjaldmiðils, eins og til að mynda evrunnar, gæti það leitt til þess að Íslendingar yrðu berskjaldaðri fyrir árásum spákaupmanna að mati OECD sem aftur gæti leitt til þess að koma yrði á fjármagnshöftum á nýjan leik til þess að bregðast við þeim. Meira »

Hrundið af stað nýju „höfrungahlaupi“

Í gær, 18:48 Kjararáð, í umboði Alþingis, hefur „hvellsprengt“ launarammann, að sögn formanns Rafiðnaðarsambands Íslands. Hann segir æðstu stofnun landsins hafa hleypt af stað „nýjasta höfrungahlaupinu“ sem aðilar vinnumarkaðarins hafi reynt að halda aftur af á síðustu árum. Meira »

Fékk nýjan síma í sárabætur

Í gær, 18:35 Arnþór Sævarsson varð fyrir því leiðinlega atviki í gær að símanum hans var stolið þegar hann var á leið heim úr sundi. Hann var ekki símalaus í langan tíma því Epli ákvað að gefa honum nýjan iPhone 7 í sárabætur. Meira »

Sýkingar tilkynnist til CERT-ÍS

Í gær, 17:48 Póst- og fjarskiptastofnun hefur sent frá sér tilkynningu vegna spilliforrits sem herjar nú á tölvukerfi í nokkrum löndum. Stofnunin segir forritið beita nýju afbrigði hugbúnaðar sem þekktur er undir nafninu Petya en umrædd lönd eru Úkraína, Rússland, Danmörk og Bretland. Meira »

Ekki sterkur grunur um samverknað eða hlutdeild segir lögmaður Jóns Trausta

Í gær, 17:33 Hæstiréttur sneri við dómi héraðsdóms um að Jón Trausti Lúthersson sæti áframhaldandi gæsluvarðhaldi vegna rannsóknar á manndrápi í Mosfellsdal. Lögmaður Jóns Trausta segir greinilegt að Hæstiréttur hafi ekki fallist á að það væri sterkur grunur um samverknað eða hlutdeild í málinu. Meira »

Álagningarseðlarnir komnir á skattur.is

Í gær, 17:13 Álagningarseðlar einstaklinga árið 2017 eru nú aðgengilegir á þjónustvef Ríkisskattstjóra, skattur.is. Álagningarskrár verða lagðar fram á föstudaginn, 30. júní, og verða aðgengilegar í 14 daga. Meira »

Framkvæmdir við Melatorg

Í gær, 16:47 Öllum akreinum að Melatorgi verður lokað í kvöld kl. 21:00. Malbika á hringtorgið og Vegagerðin biður vegfarendur að virða merkingar og hraðatakmarkanir við vinnusvæðið. Meira »

„Þetta er alþekkt í fluginu“

Í gær, 17:19 „Icelandair tekur á sig kostnað við þjálfun nýliða gegn samkomulagi um starf þeirra í ákveðinn tíma. Þetta er alþekkt í fluginu með flugmenn og fleiri stéttir,“ segir upp­lýs­inga­full­trúi Icelanda­ir. Nýir flugmenn hjá Icelanda­ir skrifa upp á skulda­bréf að and­virði 60 þúsund evr­a. Meira »

Hafa sömu reynslu af Stígamótum

Í gær, 16:57 Níu konur sem komu að starfi Stígamóta á síðustu árum hafa lýst yfir að reynsla þeirra af starfi Stígamóta sé sambærileg og sú sem Helga Bald­vins­dótt­ir Bjarg­ar­dótt­ir lýsti í pistli sínum um daginn. Þetta kemur fram í fréttatilkynningu sem send var á fjölmiðla í dag. Meira »

Söfnuðu meira en 20 milljónum

Í gær, 16:37 Söfnun WOW Cyclothon til styrktar Slysavarnafélaginu Landsbjörg lauk í gær en alls söfnuðust 20.425.710 krónur.   Meira »
HÚSAVIÐGERÐIR
Viðgerðir og viðhald fasteigna er okkar fag. Húsaklæðning ehf. hefur í áratugi ...
Vélstjóra vantar í afleysingar
Jakob Valgeir ehf, leitar að vélstjóra í afleysingar á Sirrý ÍS 36 frá 3 júlí f...
 
Uppboð
Nauðungarsala
Uppboð Einnig birt á www.naudungarsolu...
Félagsstarf aldraða
Staður og stund
Árskógum 4 Félagsstarfið er með opið í s...
Foroya landstýri announcement
Tilkynningar
Announcement Føroya Landsstýri - ...
Breyting á aðalskipulagi
Tilkynningar
Auglýsing um skipulag á Akranesi Tilla...