Búið er að koma rafmagni aftur á Ketildalalínu en bilun fannst á Selárdalsálmu og er sú álma enn úti. Samkvæmt upplýsingum frá Orkubúi Vestfjarða verður farið í veðgerðir á henni um leið og veður gengur niður.
Rafmagn er hins vegar komið á álmuna að Feigsdal.
Í Súðavík er enn keyrt á takmörkuðu varaafli eftir að bilun varð á Súðavíkurlínu. Unnið er að viðgerð á línunni sem og á varavélinni. Vegna þessa er rafmagn nú skammtað í Súðavík og verður það gert þar til viðgerð lýkur.
Rafmagn fór einnig af í Ketildölum í Arnarfirði í gærkvöldi auk þess sem rafmagnslaust varð um tíma í Engidal.