Veðurstofa Íslands hefur lýst yfir hættusvæði á Patreksfirði vegna snjóflóða. Á vef Veðurstofunnar segir að mikil leysing hafi verið í dag og að nokkur krapahlaup hafi fallið í Bíldudal. Talið er að vatn sé farið að safnast fyrir í snjónum í Geirseyrargili, ofan byggðarinnar á Patreksfirði og að krapi gæti hlaupið fram.
Sjá frétt mbl.is: Krapaflóð féll á hús á Bíldudal
Hefur einnig verið ákveðið að rýma nokkur hús undir gilinu og verður fylgst með ástandinu í kvöld og í nótt.
Sjá frétt mbl.is: Spáð ofsaveðri í kvöld