Veðrið heldur að ganga niður

Mynd úr safni af björgunaraðgerðum
Mynd úr safni af björgunaraðgerðum

Veðrið er heldur að ganga niður fyrir norðan og annars staðar er orðið skaplegt veður. Ofsarok var fyrir norðan í nótt og fárviðri á einhverjum stöðum. Mestallt millilandaflug er á áætlun en farþegar þurftu að bíða í vélum við flugstöðina um tíma í nótt vegna veðurs. Staðan verður metin á Patreksfirði þegar fer að birta en að sögn Haralds Eiríkssonar, veðurfræðings á Veðurstofu Íslands, er farið að kólna í veðri þar en talsverð úrkoma fylgdi óveðrinu þar í gær. 

Frá Patreksfirði í gærkvöldi
Frá Patreksfirði í gærkvöldi Ljósmynd Helga Gísladóttir

Hættustigi var lýst yfir á Vestfjörðum vegna krapaflóðahættu á Patreksfirði í gær og var 21 hús rýmt og fjöldahjálparstöð opnuð. 

Samkvæmt upplýsingum frá varðstjóra í lögreglunni á Vestfjörðum er veðrið að mestu gengið yfir þrátt fyrir að enn sé mjög hvasst. Veðrið var verst í kringum miðnætti og mikið álag á björgunarsveitum, einkum í Bolungarvík, Ísafirði og Bíldudal en þeirra starfi lauk um hálfþrjúleytið í nótt. Það er fimm stiga hiti og rok fyrir vestan. 

Mikið vatn flæðir yfir veg númer 823 við Hrafnagil í Eyjafirði og telst hann ekki fær minni fólksbifreiðum. Ófært er til Súðavíkur vegna snjóflóða.

Enn er mjög hvasst á Vesturlandi, Vestfjörðum og á Norðurlandi en vegir eru greiðfærir en þó eru hálkublettir á Holtavörðuheiði og á fjallvegum á Vestfjörðum.

Greiðfært er um Suður-, Suðaustur- og Austurland en víða eru þungatakmarkanir á vegum landsins.

Varhugaverðir vatnavextir

Varað er við asahláku en samhliða asahláku hefur vatnsborð nokkurra áa farið hækkandi víðsvegar um landið og jafnvel hafa þær flætt yfir bakka sína. Búist er við áframhaldandi hláku en þó aðallega á Snæfellsnesi, Hvítársvæðinu (bæði vestan og sunnan við Langjökul), á Norðurlandi vestra sem og á vatnasviði Norðurár í Borgarfirði, kringum Eyjafjalla- og Mýrdalsjökul og við sunnanverðan Vatnajökul. Athugið að rennsli í ám og vatnsföllum getur enn aukist sem eykur hættu á að þær flæði yfir bakka sína og jafnvel varnargarða. Þá er viðbúið að aukið álag verði á afrennsliskerfi bæja. Einnig eru vegfarendur hvattir til að sýna sérstaka gát við ár, segir í viðvörun frá Veðurstofu Íslands.

 Alls bárust sautján tilkynningar um tjón til lögreglunnar á höfuðborgarsvæðinu. Þar má nefna að í Stekkjarhvammi fuku þakrennur og þakplötur og hið sama var uppi á teningnum á Hnoðravöllum. Við Tjarnarbraut fuku þakplötur og á einhverjum stöðum fuku girðingar og lausamunir.

Haraldur segir að enn sé mjög hvasst fyrir norðan en orðið þokkalegt sunnanlands. Það fór að draga úr veðri fyrir norðan um miðja nótt en enn er víða stormur, það er 20-25 metrar á sekúndu á norðurhluta landsins. Þar var fárviðri á stöku stað en vindhraðinn var 30-35 metrar á sekúndu fyrri hluta nætur.

Á Snæfellsnesi, á veginum við Kolgrafabrú, flettist malbik af veginum á kafla en þar er farið að lægja. Vegagerðin biður fólk um að fara varlega á þessum slóðum en búið er að opna veginn.

Það er spáð suðvestan 18-25 m/s norðan til, en lægir smám saman, mun hægari vindur syðra. Dálítil rigning eða slydda á Suður- og Vesturlandi, en bjartviðri norðaustanlands. Hiti 1 til 10 stig, hlýjast austast. Sunnan 8-13 og súld eða dálítil rigning á morgun, en áfram léttskýjað á NA-landi. Hiti 3 til 8 stig.

Seinkanir hjá Wow Air en Icelandair á áætlun

Flugvélar Icelandair sem eru að koma frá Norður-Ameríku eru allar á áætlun og útlit fyrir að flug til meginlands Evrópu verði á áætlun nú í morgunsárið hjá Icelandair. 

Aftur á móti eru tafir á flugi Wow Air og vél félagsins sem átti að koma frá Baltimore klukkan 5.10 lendir ekki fyrr en 7.05. 

Vél Wow til Kaupmannahafnar sem á að fara í loftið klukkan 7 er á áætlun en flug Wow til Parísar, Amsterdam og London er allt um það bil klukkutíma á eftir áætlun. 

Hér er hægt að fylgjast með flugi til og frá landinu.

Björgunarsveitir voru víða kallaðar út í gærkvöld vegna veðurs; í Stykkishólmi, Bolungarvík, höfuðborgarsvæðinu, Garði, Patreksfirði, Ísafirði, Akranesi, Borgarnesi, Suðureyri og Reykholti.

Flest verkefnin hafa verið á Vestfjörðum og mest í Bolungarvík. Um var að ræða hefðbundin óveðursverkefni, þ.e. lausar þakplötur og þakkantar, skjólveggir að fjúka, bátar að losna frá höfn og rúður að brotna. 

Hátt í eitt hundrað björgunarmenn tóku þátt í aðgerðum í gærkvöldi. 

Icelandair er á áætlun en tafir eru flestu flugi Wow ...
Icelandair er á áætlun en tafir eru flestu flugi Wow air. mbl.is/Sigurður Bogi Sævarsson
mbl.is

Innlent »

Hverfandi líkur á að finna Begades

18:10 Tíu björgunarsveitarmenn leituðu að Nika Begades í Hvítá í dag. Drónar hafa verið nýttir við leitina og þá eru net sem búið er að koma fyrir í ánni vöktuð. Eftir því sem lengra líður frá því að Begades féll í ána við Gullfoss minnka líkurnar á að hann finnist að sögn yfirlögregluþjóns á Suðurlandi. Meira »

Brasilíumaðurinn í gæsluvarðhald

17:24 Hæstiréttur staðfesti í dag úrskurð Héraðsdóms Reykjaness um að bras­il­ískur karl­maður, sem hefur verið dæmdur í þriggja og hálfs árs fang­elsi fyr­ir stór­fellt fíkni­efna­laga­brot, sæti gæsluvarðhaldi á meðan áfrýjunarfrestur varir og mál hans sætir meðferð fyrir Hæstarétti. Meira »

Maður grunaður um íkveikju hjá Vogi

17:05 Lögreglan leitar að manni sem er grunaður um að hafa kveikt í bif­reið hjá Vogi nærri Stór­höfða í dag. Ekki er enn vitað með hvaða hætti maðurinn kveikti í bílnum. Meira »

Misþyrming á lambi kærð til lögreglu

16:26 Matvælastofnun hefur kært til lögreglu dráp á lambi sem ferðamenn skáru á háls í Breiðdal fyrr í þessum mánuði. Fram kemur í krufningarskýrslu að lambið hlaut mikla áverka áður en það var aflífað. Meira »

Verslunarhúsnæði rís við Akrabraut

16:15 Við Akrabraut 1 í Garðabæ eru hafnar framkvæmdir á lóð þar sem um 1.400 fermetra verslunarhúsnæði rís. Íbúi í nágrenninu er ekki sáttur við framkvæmdirnar sem hann segir að ekki hafi verið greint frá í kynningarefni á aðalskipulagi ársins 2016 - 2030 í vor. Meira »

Ný spá um orkunotkun til ársins 2050

16:11 Orkustofnun hefur gefið út raforkuspá sem fjallar um raforkunotkun fram til ársins 2050. Skýrslan er endurunnin úr síðustu raforkuspá frá árinu 2015 á vegum Orkuspárnefndar út frá nýjum gögnum og breyttum forsendum. Meira »

Varðhald framlengt um fjórar vikur

15:10 Maðurinn sem grunaður er um að hafa orðið Arn­ari Jóns­syni Asp­ar að bana 7. júní síðastliðinn var úrskurðaður í áframhaldandi fjögurra vikna gæsluvarðhald í Héraðsdómi í morgun. Þetta staðfestir Grímur Grímsson aðstoðar­yf­ir­lög­regluþjónn. Meira »

Skoða neyðarloku hjá Hörpu í haust

15:10 Skoðað verður í haust hvort opnunarbúnaður neyðarloku skólp­dælu­stöðvarinnar hjá Hörpu sé gerður úr sama efni og gallaður búnaður lokunnar hjá dælu­stöðinni við Faxaskjól. Þær voru settar niður á svipuðum tíma, árin 2014 og 2015 þegar skipt var um á báðum stöðum. Meira »

Eldur kom tvisvar upp í sama bílnum

15:04 Slökkviliðið á höfuðborgarsvæðinu var kallað að bifreið hjá Vogi nærri Stórhöfða í dag eftir að eldur kom þar upp. Þegar slökkviliðið hafði slökkt eldinn barst útkall vegna elds í álverinu í Straumsvík og fór slökkvibíllinn í útkallið þar sem slökkviliðsmenn töldu sig hafa slökkt eldinn í bifreiðinni. Meira »

Skammhlaup í rafstreng í Straumsvík

14:56 Allt slökkvilið höfuðborgarsvæðisins var kallað út í álverið í Straumsvík á þriðja tímanum í dag eftir að skammhlaup varð í rafstreng sem liggur frá tölvuhúsi í skrifstofuhús. Þegar fyrsti bíll mætti á vettvang var stærsta hluta slökkviliðs snúið við en tveir bílar fóru á vettvang. Meira »

„Viljugur til verka og hörkuduglegur“

14:50 „Hann hefur lagt sig 110% fram í vinnu,“ segir Kristinn Pálsson, vinnuveitandi nígeríska hælisleitandans Sunday, í samtali við mbl.is. Sunday, eiginkonu hans Joy og átta ára gamalli dóttur þeirra, Mary, verður vísað úr landi en þau sóttu um hæli hér á landi og dval­ar­leyfi af mannúðarástæðum. Meira »

Baráttan við bjarnarklóna

14:30 Vinnuhópur á vegum Reykjavíkur vinnur að því að hreinsa bjarnarkló í Laugarnesi. Plöntunni hefur fjölgað mikið síðustu ár og finnst einna helst í einkagörðum. Ef safi úr plöntunni kemst í tæri við húð getur hann valdið slæmum blöðrum og brunasárum. Meira »

Alvarlegt vinnuslys í Keflavík

13:32 Alvarlegt vinnuslys varð í Plastgerð Suðurnesja um hádegið. Maður klemmdist illa í vinnuvél og hefur verið fluttur á slysadeild Landspítalans til aðhlynningar. Þetta staðfesti lögreglan á Suðurnesjum í samtali við mbl.is. Meira »

Ætla að lagfæra og breikka Gjábakkaveg

13:15 „Það hefur staðið lengi til að gera þetta,“ segir Einar Magnússon, verkefnastjóri hjá Vegagerðinni, þegar hann er inntur eftir því hvort standi til að breikka Gjábakkaveg á Þingvöllum. Rúta fór þar út af veginum á miðvikudag og framkvæmdastjóri rútufyrirtækisins sagði veginn stórhættulegan. Meira »

Missteig sig og lagðist niður á graseyju

12:12 Lögreglan á höfuðborgarsvæðinu keyrði ölvaða konu heim í nótt sem hafði lagst til hvílu á graseyju við strætóskýli í Kópavogi. Þá handtók hún tvo menn grunaða um akstur undir áhrifum. Meira »

Björgunarsveitarmenn í háska í Hvítá

13:21 Þrír björgunarsveitarmenn lentu í háska við Bræðratungubrú í Hvítá í dag eftir að bátur þeirra varð vélarvana. Hending réð því að aðrir nærstaddir björgunarsveitarmenn athuguðu með hópinn og sáu þá þrjá björgunarsveitarmenn fasta við net undir Bræðratungubrú. Meira »

Berghlaupið skoðað í þrívídd

12:32 Sprungan sem myndast hefur í Litlahöfða á Fjallabaki er um 155 metra löng og er er flatarmál brotsins um 3.800 fermetrar, eða sem nemur hálfum fótboltavelli. Áætlað rúmmál brotsins er á bilinu 160 til 400 þúsund rúmmetrar, en það fer eftir því við hvaða stærð brotsins er miðað. Meira »

Stígamót hreinsuð af ásökunum

11:48 Stígamót hafa verið hreinsuð af ásökunum og Guðrún Jónsdóttir, talskona samtakanna, hefur tekið við því hlutverki að nýju. Guðrún steig til hliðar á meðan úttekt var gerð á vinnuumhverfi Stígamóta, eftir yfirlýsingu níu kvenna um neikvæða reynslu sína af starfi samtakanna. Meira »
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
 
Félagsstarf
Staður og stund
Árskógar 4 Smíðar/útskurður m./leiðb. kl...
Félagsstarf
Staður og stund
Árskógar 4 Smíðar/útskurður m./leiðb. kl...
Framhald uppboðs
Nauðungarsala
Uppboð Einnig birt á www.naudungarsolu...
Samkoma fellur niður í kvöld
Félagsstarf
Hörgshlíð 12 Samkoma fellur niður í kv...