Tóku út skírskotun í nýjan spítala

mbl.is/Ómar

Hefur Alþingi samþykkt að nýr Landspítali rísi við Hringbraut í Reykjavík? Þessi spurning vaknar í kjölfar ummæla Sigmundar Davíðs Gunnlaugssonar forsætisráðherra að undanförnu þess efnis að þingið hafi ekki samþykkt vorið 2014 að nýr spítali skuli rísa á þeim stað. Einungis hafi verið ákveðið að ráðast í nauðsynlegar endurbætur og uppbyggingu á húsnæði Landspítalans við Hringbraut en endanleg ákvörðun um staðsetningu nýs spítala hafi á hinn bóginn ekki verið tekin.

„Það hefur ekki verið samstaða um málið á Alþingi. Þingsályktunartillögu um byggingu nýs Landspítala við Hringbraut var breytt í tillögu um að ráðast í nauðsynlegar endurbætur á húsnæði spítalans við Hringbraut. Einungis þannig náðist samstaða um tillöguna. Það var enda í samræmi við stefnu ríkisstjórnarinnar en í stjórnarsáttmálanum er því haldið opnu að menn skoði hver besta framtíðarlausnin sé en um leið lögð áhersla á mikilvægi þess að ráðast í úrbætur á núverandi húsnæði,“ sagði Sigmundur í grein á vefsíðu sinni á föstudaginn þar sem hann hvatti til þess að skoðað yrði hvort rétt væri að reisa nýjan Landspítala í landi Vífilstaða í Garðabæ.

Forsætisráðherra ítrekaði síðan þessi orð sín í umræðum sem fram fóru á Alþingi í gær þar sem hann ræddi stöðu Landspítalans við Árna Pál Árnason, formann Samfylkingarinnar: „Ég vil fyrst minna háttvirtan þingmann á að það sem samþykkt var vorið 2014 var einmitt ekki að nýr Landspítali yrði byggður við Hringbraut. Það var vissulega upphafleg tillaga en ekki náðist samstaða um hana vegna þess að menn hafa ólíkar skoðanir á því hvort það sé skynsamleg nálgun. Þess vegna var ákveðið að sammælast frekar um að ráðast í nauðsynlegar endurbætur við Hringbrautina á meðan menn meta aðra kosti.“

En hvað nákvæmlega var samþykkt á Alþingi vorið 2014? Þingsályktunartillaga var lögð fram á þingi í október 2013 sem flutt var af átta þingmönnum Samfylkingarinnar, einum þingmanni Sjálfstæðisflokksins og einum þingmanni Bjartrar framtíðar. Tillagan var svohljóðandi

„Alþingi ályktar að fela ríkisstjórninni að ljúka eins fljótt og verða má undirbúningi byggingar nýs Landspítala við Hringbraut í Reykjavík og hefja byggingu hans strax að því loknu. Nýr Landspítali ohf. eða ríkissjóður fái heimild til að taka lán fyrir byggingarkostnaði, hvort heldur er beint hjá traustum lánveitendum eða óbeint með milligöngu ríkisins. Ríkisstjórnin veiti fullan atbeina til að ljúka megi við bygginguna, inni af hendi stjórnvaldsathafnir og leggi nauðsynleg lagafrumvörp fram á Alþingi.“

Sigmundur Davíð Gunnlaugsson forsætisráðherra.
Sigmundur Davíð Gunnlaugsson forsætisráðherra. mbl.is/Golli

Þingsályktunartillagan var rædd á þingi í byrjun nóvember og síðan send til velferðarnefndar. Velferðarnefnd afgreiddi tillöguna 14. maí 2014 og lagði til að umtalsverðar breytingar yrðu gerðar á orðalagi hennar og efni og var tillagan að lokum samþykkt tveimur dögum síðar með breytingum nefndarinnar. Breytt var tillagan svohljóðandi:

„Alþingi ályktar að fela ríkisstjórninni að ljúka eins fljótt og verða má undirbúningi á endurnýjun og uppbyggingu Landspítala við Hringbraut í Reykjavík og hefja framkvæmdir þegar fjármögnun hefur verið tryggð.“

Breytingin fólst einkum í því að í stað þess að talað væri um að ljúka „undirbúningi byggingar nýs Landspítala við Hringbraut í Reykjavík og hefja byggingu hans strax að því loknu“ var rætt um að ljúka „undirbúningi á endurnýjun og uppbyggingu Landspítala við Hringbraut í Reykjavík og hefja framkvæmdir þegar fjármögnun hefur verið tryggð.“ Þannig var ekki lengur skírskotað til nýs Landspítala. 

Til samræmis við það var heiti þingsályktunartillögunnar að sama skapi breytt. Þannig hét hún upphaflega „Tillaga til þingsályktunar um byggingu nýs Landspítala“ en samþykkt á Alþingi eftir þinglega meðferð bar hún hins vegar heitið „Þingsályktun um endurnýjun og uppbyggingu Landspítala.“

Kristján Þór Júlíusson heilbrigðisráðherra gagnrýndi í morgun í Ríkisútvarpinu ummæli Sigmundar og sagði meðal annars að Alþingi hefði samþykkt lög árið 2010 um að nýr Landspítali yrði við Hringbraut og aftur 2013. Vísar hann þar lagasetningar á síðasta kjörtímabili um stofnun opinbera hlutafélagsins Nýr Landspítali ohf. og síðan breytinga á þeim lögum. Kristján benti ennfremur á að ítrekað hefði verið skírskotað til verkefnisins í fjárlögum.

Kristján Þór Júlíusson heilbrigðisráðherra.
Kristján Þór Júlíusson heilbrigðisráðherra. mbl.is/Styrmir Kári
mbl.is

Bloggað um fréttina

Innlent »

Einn með allar réttar í Lottó

19:46 Einn var með allar tölur réttar í lottóúrdrætti kvöldsins og er orðinn 6,7 milljónum ríkari. Þá var einn með fjórar réttar auk bónustölu og fær tæpar 600.000 krónur. Stóri vinningurinn kom á miða sem keyptur var í N1 á Egilsstöðum en bónusvinningurinn kom á áskriftarmiða. Meira »

Sóttu gangnamenn

19:41 Björgunarsveitir Slysavarnafélagsins Landsbjargar voru kallaðar út um hádegisbil í dag til aðstoðar gangnamönnum í Dýrafirði en þeir voru orðnir hraktir og kaldir í fjöllum ofan Núpsdals. Meira »

Verður að vera agi í hernum

19:30 Gildi íþrótta er sjaldnast ofmetið og gott er til þess að vita að fólk getur stundað sumar greinar meðan heilsan leyfir. Það á við um golfið, þar sem margir eldri borgarar njóta sín í botn, en 55% allra kylfinga í félögum innan Golfsambands Íslands eru eldri en 50 ára. Meira »

„Aldrei, aldrei, aldrei“

19:29 Sigmundur Davíð Gunnlaugsson hyggst enn sækjast eftir endurkjöri sem formaður Framsóknarflokksins. Hann segir Sigurð Inga Jóhannsson, sem tilkynnti framboð sitt í gær, ekki hafa staðið við það sem talað var um þegar Sigurður tók við af Sigmundi sem forsætisráðherra. Meira »

Bauð ferðamönnum í bæinn

18:30 Forvitnir ferðamenn víluðu ekki fyrir sér að kíkja á gluggann heima hjá Ernu Lilju Helgadóttur þrátt fyrir að hún lægi jafnvel í sófanum að horfa á sjónvarpið. Hún ákvað að snúa blaðinu við og opnaði í sumar verslun í stofunni heima hjá sér, en hún býr í einu elsta húsi á Seyðisfirði. Meira »

Önnur framboð í frúnni í Hamborg

18:08 Heilu framboðin virðast hafa verið mótuð um ekkert annað en stór útgjaldaloforð í allar áttir. Þetta sagði Bjarni Benediktsson, fjármálaráðherra, á flokksráðsfundi Sjálfstæðisflokksins í dag sem telur marga tala eins og þeir séu í frúnni í Hamborg. Kosningabaráttan sé raunverulega hafin. Meira »

Alþjóðalög sverð okkar og skjöldur

17:45 Lilja Alfreðsdóttir utanríkisráðherra gerði menntun og baráttuna fyrir bættu stjórnarfari og virðingu fyrir réttarríkinu að meginefni ræðu sinnar á allsherjarþingi Sameinuðu þjóðanna í New York í dag. Meira »

Benedikt endurkjörinn formaður

17:59 Um þrjúhundruð sóttu landsþing Viðreisnar í dag, þar sem Benedikt Jóhannesson var endurkjörinn formaður. Jóna Sólveig Elínardóttir var kjörin varaformaður. Meira »

Loforð er loforð – og loforðið var svikið

17:06 „Ég er hér vegna þess að ég á mér draum,“ sagði Benedikt Jóhannesson, formaður Viðreisnar, á landsþingi flokksins sem nú stendur yfir. „Ég á mér draum um að geta með stolti sagt: Við skiluðum betra Íslandi en við tókum við.“ Benedikt fjallaði m.a. um Evrópumálin og sagði að loforð hefðu verið svikin. Meira »

Fengu að prófa endurlífgun

17:01 Nokkur tólf ára börn fengu tækifæri til þess að framkvæmda endurlífgun á Hilton í dag, en þar stendur nú yfir alþjóðleg ráðstefna um endurlífgun. „Skyndilegt hjartastopp er þriðja algengasta dánarorsökin í iðnríkjum heimsins í dag á eftir hjarta- og æðasjúkdómum og krabbameini,“ segir í tilkynningu um ráðstefnuna. Meira »

Ökumaður sofnaði undir stýri

16:57 Tveir bílar höfnuðu utan vegar í Víkurskarði um klukkan tólf í dag. Samkvæmt upplýsingum frá lögreglunni á Akureyri virðist ökumaður annars bílsins, sem var á leið til Akureyrar, hafa sofnað undir stýri og farið yfir á öfugan vegarhelming. Hinn bíllinn kom úr gagnstæðri átt og átti ökumaðurinn ekki aðra úrkosti en að lenda í árekstri eða að aka út af, sem hann gerði. Meira »

Íslensk ungmenni líklegust til að hafa reykt kannabis

16:43 Íslenskir unglingar eru líklegastir allra evrópskra unglinga til að hafa reykt kannabis á síðustu 12 mánuðum samkvæmt nýútkominni skýrslu Evrópsku vímuvarnastofnunarinnar. Þetta kemur fram í tilkynningu frá Háskólanum á Akureyri. Meira »

Þrír bílar skullu saman í Kollafirði

16:39 Þrír bílar skullu saman í Kollafirði um fjögurleytið í dag. Einn var fluttur á slysadeild með minni háttar meiðsl. Ekki var þörf á slökkviliði á staðinn. Meira »

Sendir frá sér skáldævisögu

16:02 Von er á nýrri skáldsögu frá Guðrúnu Evu Mínervudóttur í lok október en sagan er öðrum þræði skáldævisaga, þar sem hluti hennar byggir á ævi höfundar og helstu persónur eiga sér raunverulegar fyrirmyndir. Meira »

Árni Páll leiðir í Kraganum

14:18 Árni Páll Árnason mun leiða lista Samfylkingarinnar í Suðvesturkjördæmi. Listi flokksins í Kraganum var birtur í dag.   Meira »

Eygló stefnir á varaformanninn

16:26 Eygló Harðardóttir, félags- og húsnæðismálaráðherra, hyggst gefa kost á sér sem varaformaður Framsóknarflokksins að því gefnu að Sigmundur Davíð Gunnlaugsson verði ekki endurkjörinn formaður flokksins. Meira »

Enginn maður er stærri en flokkurinn

15:00 Sigurður Ingi Jóhannsson forsætisráðherra segir Framsóknarflokkinn snúast um málefnin, gildin, vinnuna og lýðræðið en ekki fólk. „Ég er ekki stærri en flokkurinn, og enginn er stærri en flokkurinn,“ sagði Sigurður við framsóknarmenn á kjördæmisþingi Suðurkjördæmis í dag. Meira »

Fallist á framlengingu gæsluvarðhalds

13:48 Héraðsdómur Suðurlands hefur fallist á kröfu Lögreglustjórans í Vestmannaeyjum um áframhaldandi gæsluvarðhald yfir yfir manni sem sem grunaður er um al­var­lega lík­ams­árás og kyn­ferðis­brot gegn konu í Eyj­um síðastliðinn laug­ar­dag. Meira »
Antiksalan
Antíkhúsgögn og munir í úrvali. Skoðið heimasíðuna. Erum á Facebook. Opið frá kl...
Kortasaga Íslands til sölu
Kortasaga Íslands 1+2 til sölu. Verð aðeins 25 þús. saman. Uppl. í s. 772-2990 e...
SUMARHÚS - GESTAHÚS - BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
 
Eldri borgarar
Staður og stund
Aflagrandi 40 Opin vinnustofa kl. 9. Fél...
Framhald
Nauðungarsala
Uppboð Einnig birt á www.naudungarsolu...
Skipulagsmál
Tilkynningar
Rangárþing eystra Auglýsing um skipul...
Fundarboð
Fundir - mannfagnaðir
Kjördæmisráð Sjálfstæðisflokksins ...