Vildu ráða Ketil á auglýsingasamningi

Ketill Sigurjónsson.
Ketill Sigurjónsson.

Eitt af stærri fyrirtækjum landsins í orku- og verkfræðibransanum vildi ekki  að hægt væri að tengja kaup á sérfræðiþjónustu við orkuráðgjafann Ketil Sigurjónsson og buðu honum því frekar auglýsingasamning en verktakasamning. Með þessu væri ólíklegra að Norðurál myndi aðhafast  ef það kæmist að tengslum Ketils við fyrirtækið. Þetta sagði Ketill í Kastljósi í kvöld.

Ketill skrifaði pistil á vefsíðu sína í gær þar sem hann lýsti starfsháttum Norðuráls gegn sér og að hann hafi meðal annars fengið að vita það frá bankastjóra að Norðurál ætlaði sér að „eyðileggja hann“ vegna skrifa Ketils.

Pistill fyrir ári síðan markaði straumhvörf

Undanfarin átta ár hefur Ketill haldið úti Orkublogginu þar sem hann hefur skrifað um innlend og erlend orkumál. Sagði hann í Kastljósþættinum að straumhvörf hafi verið í þeim málum fyrir ári síðan þegar hann skrifaði grein um raforkusamning Norðuráls og Landsvirkjunar. Kom þar fram að samningurinn hafi verið að renna út og að fyrirtækið væri að greiða eitt lægsta verð fyrir raforku til álfyrirtækis sem þekktist í heiminum.

Fjöldi pistlahöfunda sem áður höfðu ekki tjáð sig um orkumál

Eftir það skrifaði framkvæmdastjóri Norðuráls grein þar sem hann að sögn Ketils bar fram rangar upplýsingar og þrætti fyrir að samningurinn væri að renna út. Samt hafði forstjóri samstæðunnar stuttu áður sagt frá því að samningurinn væri að renna út. Þegar Ketill hafði bent á þetta segir hann að Norðurál hafi ekki haft sig í frammi á beinan hátt, heldur hafi fjöldi pistlahöfunda byrjað að skrifa um orkumál sem áður höfðu ekki rætt mikið um slík mál. Sögðu þeir meðal annars að Landsvirkjun væri að fá of hátt verð.

Norðurál í Hvalfirði.
Norðurál í Hvalfirði. mbl.is/Árni Sæberg

Ketill fór einnig að heyra af því frá fólki í orkugeiranum að Norðurál ætlaði sér að fara illa með hann. Aðspurður í þættinum hvort þetta hafi haft áhrif á hann og að honum hafi verið ýtt út úr verkefnum sagði Ketill það svo sannarlega hafa haft áhrif. Sagðist hann hafa upplifað þetta mjög sterkt, meðal annars þegar fyrirtæki í orku- og verkfræðigeiranum vildi ganga til samstarfs við hann en setti þann fyrirvara á að kaupin væru í gegnum auglýsingasamning á heimasíðu hans, en ekki sem kaup á sérfræðiþjónustu. Ástæðan væri sú að fyrirtækið vildi ekki að Norðurál kæmist að því að þeir væru að kaupa af honum þjónustu.

Völd sem ekki allir væru varir um

Sagði Ketill að fólk þyrfti að gera sér grein fyrir að stóriðjufyrirtækin hefðu völd sem ekki allir væru varir um. Hann tók þó fram að umræðan frá í gær hefði að miklu leyti snúist um að hann væri fórnarlamb í þessu máli. Það væri ekki það sem hann væri að benda á, heldur að áhugaverðasti vinkillinn væri að sum þessara stóriðjufyrirtækja hikuðu ekki við að setja fram á opinberum vettvangi upplýsingar sem væru rangar til að blekkja almenning um í hvaða viðskiptaumhverfi þau væru. 

Sagði Ketill að stóriðjan væri í bómullarumhverfi þótt þau reyndu að segja umhverfið harðneskjulegt. Þannig hafi stóriðjufyrirtækin ítrekað sagt að þau væru að borga hátt verð, en hans skoðun væri að verðið væri lágt og að það skipti þjóðarhag Íslendinga miklu máli að hækka verðið til fyrirtækjanna.

Í þættinum var tekið fram að í yfirlýsingu frá Norðuráli væri ásökunum Ketils vísað á bug.

mbl.is

Bloggað um fréttina

Innlent »

Hundarnir njóta nuddsins

20:30 Þegar hundur Berglindar Guðbrandsdóttur tognaði fór hún með hann í hundanudd. Í kjölfarið ákvað hún að læra sjálf hundanudd, sem hún segir þurfa að vera gert á forsendum hundsins. Meira »

Slasaðist á Esjunni

20:15 Sækja þurfti konu upp á Esjuna í dag sökum þess að hún hafði meitt sig á ökkla og gat ekki haldið áfram göngu. Konan var komin upp í miðjar hlíðar fjallsins er hún slasaðist. Slökkviliðið á höfuðborgarsvæðinu notaði sexhjól til að koma konunni niður. Meira »

Tveir með annan vinning í Víkingalottó

19:53 Enginn var með allar tölur réttar í Vík­ingalottó­inu í kvöld, en fyrsti vinningur var tæpir 1,3 milljarðar króna. Tveir hlutu hins vegar annan vinning og fær hvor þeirra 15 milljónir króna í sinn hlut. Var annar miðinn keyptur á Íslandi en hinn í Noregi. Meira »

Hver á rétt á verðmætunum?

19:53 Margir hafa spurt sig hvar eignarréttur á verðmætum í efnahagslögsögu landsins liggur, eftir að norska rannsóknarskipið Seabed Constructor hóf rannsóknir við þýska flakið Minden fyrr á árinu. Hver á rétt á verðmætum í skipinu, sem gætu verið upp á milljarða króna? Meira »

Ekkert eftirlit með fitufrystingu

19:30 „Því er auðvitað tekið mjög alvarlega þegar fólk verður fyrir tjóni,“ segir Haraldur Briem, settur landlæknir, en eins og Sunnudagsblað Morgunblaðsins greindi frá um síðustu helgi kom eitt versta kalsártilvik vegna fitufrystingar á heimsvísu upp hér á landi á síðasta ári. Meira »

Tengslin við náttúruna eru mikilvæg

18:25 „Margir þjást af streitu og áreiti í daglegu lífi og á námskeiðinu einbeitum við okkur að græðandi áhrifum náttúrunnar.“ Þetta segir Kristín Þorleifsdóttir en hún mun, ásamt Bandaríkjamönnunum Greg og Devon Hase, halda námskeið í hugleiðslu og núvitund í Skyrgerðinni í Hveragerði. Meira »

Sólarstundir nýttar í Laugardalnum

17:02 Veðrið hefur leikið við íbúa höfuðborgarsvæðisins í dag þar sem hiti mældist 20 gráður líkt og víða um land. Í Fjölskyldu- og húsdýragarðinum var að vonum fjölmenni sem nýtti sér góða veðrið til að bregða á leik. mbl.is var á staðnum og kíkti á stemninguna. Meira »

Yfirlæknar æfir vegna starfsauglýsingar

17:45 Mikil óánægja ríkir meðal yfirlækna á rannsóknarsviði Landspítala eftir að staða yfirlæknis erfða- og sameindalæknisfræðideildar var auglýst laus til umsóknar. Það sem gerir málið sérstakt er að núverandi yfirlæknir deildarinnar hefur ekki sagt upp eða verið sagt upp. Meira »

Skjálfta­hrinan stendur enn

16:45 Skjálfta­hrinan, sem hófst norðaust­an við Fagra­dals­fjall á Reykja­nesskaga í morg­un, stendur enn. Á annað hundrað skjálfta hefur mælst síðan í morgun, þar sem flestir voru af stærðinni 1,0 og 2,0. Þá hafa mælst sjö skjálftar sem hafa verið um 3,0 að stærð eða stærri. Meira »

Töluverðar blæðingar í Norðurárdal

15:24 „Við erum að reyna komast að því hvað er að,“ segir Jón Helgi Helgason, verkefnastjóri hjá Vegagerðinni, um dularfullar tjörublæðingar í Norðurárdal í Borgarfirði. Blæðingarnar eru töluverðar. Meira »

John Snorri kominn í síðustu búðir

14:53 John Snorri Sigurjónsson var rétt í þessu að komast upp í fjórðu búðir á fjallinu K2. Dagurinn var langur og erfiður og nú er hópurinn að taka stöðuna á því hvenær skuli haldið áfram á toppinn. Meira »

Bíða með óþreyju eftir nýrri reglugerð

14:20 Smábátaeigendur eru nú sagðir bíða með óþreyju eftir reglugerð frá sjávarútvegsráðuneytinu um viðbótarheimildir í makríl. Greint er frá þessu á vef Landssambands smábátaeigenda. Meira »

Skjálfti að stærð 4 við Fagradalsfjall

14:20 Skjálfti að stærð 4,0 með upp­tök um tvo og hálfan kílómetra aust­an við Fagra­dals­fjall á Reykja­nesskaga varð kl. 13.55. Rétt fyrir hádegi, klukkan 11.40, mældist annar jarðskjálfti að stærð 3,9. Meira »

„Þarna fann ég að ég er ekki ein“

13:10 Áslaug Ýr Hjartardóttir, sem fyrr í sumar stefndi íslenska ríkinu vegna synjunar á endurgjaldslausri túlkaþjónustu fyrir ferð hennar til Svíþjóðar í sumarbúðir fyrir daufblind ungmenni á Norðurlöndunum, er nú komin heim eftir dvölina. Meira »

Makrílvertíðarstemning í Neskaupstað

13:05 Líf og fjör er nú í höfn Neskaupstaðar þar sem veiðiskipin skiptast á að koma og fara, á meðan flutningaskip lesta afurðirnar. Makrílvertíðarstemning er í bænum. Meira »

Skipstjóri fær frest til að kynna sér gögn

13:38 Búið er að fresta máli skipstjóra sem ákærður er fyrir að hafa framið almannahættubrot og stórfelld eignaspjöll með því að hafa togað með toghlerum og rækjutrolli þvert yfir rafstreng í Arnarfirði á Vestfjörðum. Málið verður næst tekið fyrir 6. september. Meira »

Greiða milljarð innan tíu daga

13:08 „Þetta er rúmlega 200 blaðsíðna dómur. Við verðum að fá tíma til að lesa hann yfir og fara yfir hann. Áður verður ekkert hægt að segja,“ segir Kristleifur Andrésson, upplýsingafulltrúi United Silicon, kísilversins í Helguvík. Meira »

Minigolfvöllur vígður í Guðmundarlundi

13:00 Nýr minigolfvöllur var tekinn í notkun í Guðmundarlundi í Kópavogi á sumarhátíð eldri borgara í gær. Hugmyndaríkur Kópavogsbúi benti á að tilvalið væri að setja upp minigolfvöll í lundinum og samþykkti bæjarstjórn Kópavogs tillöguna. Meira »
Mánatún 3ja herb. m. stæði í bílagemyslu
Glæsileg 3ja herb. íbúð á 5 hæð með stæði í bílageymlsu til leigu. Allar innrétt...
Til sölu STIGA Garden sláttutraktor
Lipur, léttur og meðfærilegur. 12,5 ha. Briggs&Stratton mótor, rafstart, bakkgír...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Fjölskylda óskar eftir 4+herb íbúð
Fimm manna fjölskylda frá Akureyri bráð vantar 4+ herb íbúð á höfuðborgarsvæðinu...
 
Félagsstarf
Staður og stund
Árskógar 4 Smíðar/útskurður m./leiðb. kl...
Geirlandsá - útboð óskað er eftir tilbo
Veiði
Geirlandsá - útboð Óskað er eftir til...
Samkoma
Félagsstarf
Samkoma kl. 20 í Kristniboðs- salnum. R...
Skrifstofustjóri
Stjórnunarstörf
Skrifstofustjóri óskast til starfa hjá ...