Menntaskólinn í Reykjavík sigraði í tuttugasta skiptið í spurningakeppninni Gettu betur í kvöld. Áttust við lið MR og Kvennaskólans í Reykjavík. Síðustu 6 ár hafa þessi lið mæst þrisvar sinnum í úrslitum og er þetta annað skiptið sem MR vinnur þær rimmur.
Lokatölur í keppninni voru 13-40 fyrir MR. Þetta er stærsti sigur í úrslitakeppni Gettu betur hingað til, en í fyrra vann MR FG með 23 stiga mun sem var mesti munurinn fram að þessu.
Ljósmyndari mbl.is var á staðnum og tók eftirfarandi myndir.