Maðurinn sem óskaði eftir aðstoð rétt vestan við Dettifoss fyrr í dag er kominn í hendur björgunarsveitarmanna.
Þrátt fyrir algera blindu tókst björgunarmönnum skjótt að finna manninn að því er segir í tilkynningu frá Slysavarnafélaginu Landsbjörgu.
Þar kemur fram að maðurinn hafi verið á snjóþrúgum og að hann hafi dregið sleða á eftir sér með farangrinum. Þá hafi áætlun hans verið að ganga um hálendið á næstunni.
„Vegna þess hversu djúpt hann sökk í snjóinn gekk ferðin afar hægt og gerði hann hið eina rétta, að biðja um aðstoð. Björgunarsveitarmenn verða komnir með manninn til byggða um kvöldmat.“
Frétt mbl.is: Leita göngumanns vestur af Dettifossi