Slökkviliðinu á höfuðborgarsvæðinu barst rétt í þessu tilkynning um reyk í spennustöð við Granaskjól í vesturbæ Reykjavíkur. Enn hefur ekki komið í ljós frá hverju reykurinn stafar en slökkviliðið telur líklegt að eitthvað hafi brunnið yfir. Orkuveitan í Reykjavík er einnig á leiðinni á staðinn en hún fer með málið.
Rafmagn hefur farið af stórum hluta Seltjarnarness.