Maður á þrítugsaldri sem hlaut stungusár fyrir utan stúdentagarðana við Sæmundargötu aðfaranótt 6. mars var útskrifaður af gjörgæsludeild Landspítalans í síðustu viku.
Hlaut hann lífshættulega áverka í árásinni og var honum um tíma haldið sofandi. Játning liggur fyrir í málinu og er gerandanum haldið í gæsluvarðhaldi. Hann neitar að hafa ætlað að valda manninum fjörtjóni.
Maðurinn hlaut stungusár neðarlega á baki sem olli rispu á lunga og fór djúpt inn í lifrina.