Fær 1,5 milljónir fyrir þáttinn
Setja bókamerki
Jóhannes Kr. Kristjánsson og fyrirtæki hans Reykjavík Media fá greiddar 1,5 milljónir króna fyrir sérstakan þátt af Kastljósi um aflandsfélög sem sýndur verður í kvöld.
Frá þessu greinir Rakel Þorbergsdóttir, fréttastjóri RÚV, í samtali við eigin miðil en segir hún greiðsluna samsvara tveggja til þriggja mánaða launum og vera sambærileg greiðslu á sýningarrétti heimildarmynda.
Þátturinn er samstarfsverkefni Kastljóss og Reykjavík Media en sambærilegir þættir verða sýndir á sama tíma í mörgum erlendum miðlum í kvöld klukkan sex að íslenskum tíma. Reykjavík Media er aðili að ICIJ, alþjóðsamtökum rannsóknarblaðamanna, sem leiðir vinnuna en gagnalekinn nær til 11 milljóna skjala og samtals hafa 376 blaðamenn víða um heim unnið að því að vinna úr gögnunum.
Í frétt RÚV segir Rakel að fréttastofa RÚV hafi umrædd gögn ekki undir höndum. Aðeins Reykjavík Media og þeir starfsmenn Kastljóss sem unnu þáttinn hafi haft aðgang að þeim.
„Það er því misskilningur að fréttamenn, fréttavaktstjórar eða fréttastjórar hafi haft aðgang að gögnunum.“
Shakespeare fannst í skókassa
„Umsátursástand“
Skemmtiferðaskip hætt komið nærri Viðey
/frimg/1/48/74/1487454.jpg)
Heldur inn í nóttina tuttugu kílóum léttari
„Höfum ekki náð að skríða upp úr þeirri gryfju“
„Það þarf að vinna mikinn fjölda upp“
„Hvílir mikil leynd yfir þessu öllu“