Forsetinn flýtir heimför
Setja bókamerki
Ólafur Ragnar Grímsson forseti er staddur erlendis í einkaerindum en hefur flýtt heimferð sinni og verður kominn til landsins í fyrramálið, að sögn Örnólfs Thorssonar forsetaritara. Hann vill ekki tjá sig um ástæðu þess að forsetinn ákvað að flýta ferð sinni heim.
Uppljóstranir síðustu daga um aflandsfélag í eigu Sigmundar Davíðs Gunnlaugssonar forsætisráðherra og eiginkonu hans hafa valdið mikilli ólgu í íslenskum stjórnmálum. Stjórnarandstaðan hefur boðað þingsályktunartillögu um að þing verði rofið og boðað verði til nýrra kosninga auk vantrauststillögu á hendur forsætisráðherra.
Skrifstofustjóri Alþingis sagði við mbl.is í síðustu viku að þingsályktunartillaga um þingrof hefði engin bein réttaráhrif. Það væri forsætisráðherra sem hefði vald til að rjúfa þing og boða til kosninga.
Í samtali við mbl.is vildi forsetaritari ekki svara því hvort forsetinn ætlaði að beita sér í málinu eða kalla forsætisráðherra á sinn fund.
Innviðir þandir og álagið „gríðarlegt“
Færa slökkviliðið til nútímans
Hægagangur og vaxandi ókyrrð
Ekki byggt í takt við áform sveitarfélaga
„Menn eru bara búnir að forgangsraða“
Sárt að horfa upp á illa meðferð fjármuna
Markaðurinn hitnar og leiguverð hækkar hratt
Kvikan virðist nú skiptast til helminga