Sigmundur Davíð Gunnlaugsson forsætisráðherra vildi ekki ræða við blaðamann mbl.is í húsakynnum Alþingis eftir óformlega þingflokksfundinn sem lauk skömmu fyrir hádegi.
Er hann ekki væntanlegur aftur fyrr en þingfundur hefst kl. 15. Jóhannes Þór Skúlason, aðstoðarmaður Sigmundar Davíðs, staðfesti í samtali við mbl.is að forsætisráðherra mæti á þingfundinn. Þá veitti hann fréttastofu RÚV heldur ekki viðtal eftir þingflokksfundinn í morgun.
Ekki tókst að ljúka fundi Framsóknar í morgun og verður honum haldið áfram kl. 13.
Þórhildur Þorkelsdóttir, fréttakona hjá 365, greinir frá því á Twitter að Sigmundur Davíð verði í beinni útsendingu í aukafréttatíma fjölmiðilsins kl. 12.
Sigmundur Davíð verður í beinni útsendingu í aukafréttatíma Stöðvar 2 kl 12.
— Þórhildur Þorkels. (@ththorkels) April 4, 2016