Sigmundur mættur á þingflokksfund
Setja bókamerki
Óformlegur þingflokksfundur Framsóknarflokksins er hafinn í húsakynnum Alþingis.
Fjölmiðlum var ekki heimilt að mynda fundarmenn við komuna á fundinn eða áður en fundurinn hófst.
Samkvæmt heimildum mbl.is er ástæðan sú að boðað var til fundarins með skömmum fyrirvara og eru sumir fundargestir í óformlegum klæðnaði. Ljósmyndari mbl.is hafði fengið leyfi til að mynda fundinn en var það afturkallað á síðustu stundu.
Sigmundur Davíð Gunnlaugsson forsætisráðherra mætti til fundarins. Hann veitti fjölmiðlum ekki viðtal fyrir fundinn en sagðist ætla að ræða við þá „á eftir.“
Formlegur þingflokksfundur Framsóknarflokksins verður haldinn kl. 13 í dag.
Þingflokksformaður Framsóknarflokksins, Ásmundur Einar Daðason, telur að Sigmundur Davíð Gunnlaugsson forsætisráðherra muni stíga fram í dag og fara betur yfir þau mál sem snúa að honum vegna umfjöllunar um það efni sem er að finna í Panama-skjölunum. Þetta sagði hann í morgunútvarpi Rásar 2 í morgun.
50% fjölgun kærumála og aukið álag
„Ef það er einhver einn lærdómur...“
Mánuður frá gosi: Lengsta gosið frá 2021
Gleymir seint deginum sem skriðurnar féllu
Íslenska ríkið dæmt brotlegt
„Hefur smám saman verið að lagast“
Stórbruni í Kaupmannahöfn: Børsen í ljósum logum