Ólafur Ragnar: Ekki mótað afstöðu
Setja bókamerki
Tengdar fréttir
Forsetakosningar 2016
Ólafur Ragnar Grímsson, forseti Íslands, hefur ekki mótað afstöðu til þess hvort upplýsingar um aflandsfélag fjölskyldu eiginkonu hans, Dorritar Moussaieff, sem komu fram í gær hafi áhrif á framboð hans til forseta Íslands. Hið sama gildir um hvort hjónin muni gera upplýsingar um skattaskýrslur þeirra opinberar.
Þetta kemur fram í skriflegu svari skrifstofustjóra skrifstofu forseta Íslands til mbl.is. Sendar voru tvær spurningar og beðið um viðtal við forseta.
Kjarninn og Grapevine greindu frá því í gær að félag í eigu Dorritar Moussaieff hafi verið skráð á Bresku Jómfrúareyjunum frá árinu 1999 til ársins 2005. Félagið er að finna í gögnum lögfræðistofunnar Mossack Fonseca.
Spurningar mbl.is til forseta Íslands:
1. Í fréttum Kjarnans og Grapevine í gær kom fram að félag í eigu fjölskyldu Dorritar Moussaieff hafi verið skráð á Bresku Jómfrúareyjunum frá árinu 1999 til ársins 2005. Félagið, sem heitir Lasca Finance Limited, er að finna í gögnum frá lögfræðistofunni Mossack Fonseca. Árið 2005 seldi fjölskyldufyrirtækið Moussaieff Jewellers Ltd. tíu prósenta hlut sinn í Lasca Finance til hinna tveggja eigenda þess. Þeir voru S. Moussaieff og „Mrs.“ Moussaieff.
Hafa þessar upplýsingar einhver áhrif á framboð þitt til forseta Íslands? Ef svo er, hvaða áhrif hafa þær?
2. Ætlið þið hjónin að gera upplýsingar úr skattaskýrslum ykkar opinberar líkt og nokkrir stjórnmálamenn hafa gert að undanförnu?
Í svari Árna Sigurjónssonar, skrifstofustjóra skrifstofu forseta Íslands, sagði að forseti hefði ekki mótað afstöðu til spurninganna.
Frétt mbl.is: Svör Ólafs sett í poppbúning
Frétt mbl.is: Fjölskylda Dorritar átti aflandsfélag
Hyggjast leyfa fólki að skoða gosið
Spursmál: Fyrsta stóra viðtal Katrínar
29 nautgripir fundust dauðir
Gerir ráð fyrir 150 samningum í næstu viku
Sárt að horfa upp á illa meðferð fjármuna
Hæstiréttur staðfestir vanhæfi alls Landsréttar
Almannavarnir auka viðbúnað