Níu ný frímerki í fjórum útgáfuröðum koma í dag á markað hjá Frímerkjasölu Póstsins. Eitt þeirra er tileinkað Eldgosinu í Holuhrauni og sýnir það logandi eldsprunguna.
Þá eru gefin út tvö ný frímerki í fimmtu seríunni af ferðamannafrímerkjum og bera þau að þessu sinni myndir af Þjófafossi og Jökulsárlóni. Þá koma Evrópufrímerkin 2016 einnig á markað í dag, en þau eru að þessu sinni tileinkuð grænni hugsun.
Loks má geta þess að fjögur frímerki eru nú gefin út í SEPAC útgáfunni 2016 og eru þau tileinkuð árstíðunum fjórum.
Nánari upplýsingar um frímerkin má finna hér