Beittu opinbera starfsmenn ofbeldi

Tveir menn voru handteknir í fjölbýlishúsi í Kópavogi um klukkan sex í gærkvöldi en þeir eru grunaðir um ofbeldi gagnvart opinberum starfsmönnum og tálmun lögreglu í starfi, að því er kemur fram í tilkynningu frá lögreglu. Mennirnir tveir voru vistaðir í fangageymslu lögreglunnar fyrir rannsókn málsins.

Ekki kemur fleira fram í tilkynningu lögreglu um það í hverju brot mannanna fólust og ekki hefur náðst samband við lögreglustöðin Kópavogs og Breiðholts í morgun enn sem komið er.

Við Snorrabraut stoppuðu lögreglumenn för ungrar stúlku sem grunuð var um ölvun við akstur og að hafa ekið gegn rauðu ljósi og einstefnu.

• Blogga um frétt