Drekinn kominn til hafnar í Færeyjum

Norska víkingaskipið Drekinn Haraldur hárfagri kom inn til hafnar í Þórshöfn í Færeyjum í gærkvöldi.

Skipið kom í þessum áfanga frá Leirvík á Hjaltlandseyjum, en þar hafði það komið óvænt við vegna smávægilegra bilana sem áhöfnin varð vör við á leiðinni frá Haugasundi í Noregi.

Næsti áfangastaður er Ísland. Ekki er vitað hvenær skipið heldur frá Færeyjum, þar sem leiðindaveður er þar og veðurspá fyrir næstu daga ekki góð, að því er fram kemur í Morgunblaðinu í dag.