Einir þríburar fæðst á árinu

Þríburar fæðast að meðaltali hér á landi annað hvert ár.

Ein þríburafæðing var á Landspítalanum á tímabilinu frá janúar til mars í ár og 16 tvíburafæðingar, að því er fram kemur í Morgunblaðinu í dag.

Flestir fjölburar sem fæðast hér á landi koma undir á náttúrulegan hátt eftir að lögum um tæknifrjóvganir var breytt árið 2009, en eftir það var aðeins heimilt að setja upp einn fósturvísi í senn.